有咩方法可以令小朋友自發練琴？

sazzmusic

各位有咩高見？

sazzmusic

其實我係話有咩方法可以MOTIVIATE佢地既學習動機。。。

例如獎勵、讚美…你地試過WORK既

小謙伯伯

我想真正的「自發」是天生的，一般的孩子可以誘導他對音樂產生興趣。我的侄兒小謙未夠五歲，讀K2，學了琴約一年。以下拉雜談些我自己的零碎經驗：

1. 小謙是個太空癡，我不時會從網上下載一些關於太空探索的影片，一般都有音樂襯底的。興之所致的時候我會關掉聲音，讓孩子比較有音樂和沒音樂的分別，問他哪個more interesting？他必然會說有音樂的more interesting. 然後我便會向他解釋：「爸爸媽媽要你學音樂，就係希望你長大後的生活更多色彩，更 interesting。」

2. 為何要學鋼琴，而不是其他樂器呢？我會向他解釋，因為鋼琴的pitch range較其他樂器都闊，音樂家如莫扎特貝多芬作曲也會用鋼琴作工具，在琴譜上記下樂句，然後才把不同的樂段分給合適的樂器，如cello 和 oboe (小謙的兩個至愛)。「你想大個仔的時候想到一支歌曲，能把它記下來，奏出來嗎？」(小謙一定會說 yes。)「那麼你就要學鋼琴了，將來你有興趣的話，伯伯希望你還可以學其他樂器，同其他人 share 你的音樂，因為你不可能抱住個鋼琴四圍去的，對嗎？」

3. 有時小謙會整古作怪，不按譜子在middle C 的音域上彈，而往上或往下跑八度甚至十六度。我就會帶他想像為同學仔伴奏。「你不按譜彈奏，任意上升或下降音域，同學仔便會投訴無法在你伴奏下唱歌了。可以這樣嗎？」(唔可以。)「你想唔想能夠為同學仔伴奏呢？」(想。)

總之隨時隨地按孩子的興趣和作為，帶他欣賞和了解音樂，只要他對音樂有興趣，意識到音樂與他的學習和生活如何息息相關，就有望他不會輕言放棄學琴或其他樂器了。

KimB

我覺得獎勵計劃係一個幾好既方法。我個囝5歲, 學左鋼琴3個月, 平時也不多練習。自從老師實行獎勵計劃，e.g. 可以順暢咁彈完一首歌, 便可有獎品, 其實獎品都只是一張小貼紙 or 顏色筆, 但阿囝比平時多左練習。雖然距離我既目標都有好遠, at least 都係一個進步。

sazzmusic

令他產生興趣真的是一大挑戰！

我覺得一對一的學習方式無一班人咁容易令小朋友感興趣；有同學仔一齊學，小朋友都好勝，想“叻”過人地，但自己練琴則多數係家長想追考級多過小朋友自己想去學，所以難D令佢地想練好。

ALAL

I know a centre has a package for learning as well as practising.

sazzmusic

你講既野同個主題有咩關係呢？

其實我想話係咪可以令佢唔好浄係FOCUS EXAM，平時練時係為左可以同一班同學仔交流切初咁樣會好D？

xanax1mg

上個月我都問過呢個問題~
我囡囡係一個可以好專心既人(自動波做功課45MINS), 但係一練琴佢就發夢, 用過貼紙同糖果獎勵, WORK 一陣咁多, 轉頭又發夢
我止網去搵資料, 都係話要個小朋友對彈琴有興趣先得, 咁我就同MISS講教D囡囡識得既兒歌, 另一方面我又比囡囡睇多D其他小朋友既鋼琴演奏, 希望佢有個目標~ 仲借左D音樂家既傳記當教事咁講比佢知...
而家佢肯練琴啦, 事源係佢背到一首譜(好間單既), 比我地全家人大力讚揚, 仲叫佢扮表演TIM, 佢即時對自己信心大左~~
而家每次練琴佢都會背譜, 因為要"表演"

ada1812

我又冇迫我個女練琴/笛, 不過, 佢個長笛老師一發現佢有進步, 或者做到佢要求, 就會話"好野wor, 做到wor, 這星期一定有時常練習頂啦"

個女好開心, 我其實想踢爆佢 "佢這星期其實冇練過, 老師來之前才搏命練成個鐘"

不過我冇開口, 費事佢掃興