要讀名校定要全職媽媽?

littleoscar

由阿仔出世開始, 我就做全職媽媽, 唸住親自好好教養他. 他現在很乖, 亦很叻仔, 亦被指很大可能是資優. 他專注力強, 愛學習. 我很希望他能好好發展下去, 但發覺, 在現今的社會, 甚麼都是錢,錢,錢. 學術成績特別強的, 很多都是私校直資小學, 我無錢比佢讀. 派位? 個網麻麻地, 亦無錢搬.

好頭痛! 我到底應唔應該"出山"(做番全職工作)賺錢俾佢讀名校? 抑或選讀地區性的好學校 (但不出名, 無任何聯繫中學)而堅持全職教養他? 我本來都是個專業人士, 當然, 現在找工也不易.

tsznok

明白你有幾15/16...我咁睇:

1. Gifted child 唔一定要讀名校先有得發揮, 佢係叻的話, 俾間山寨學校佢讀都可以好叻好有成就, 再講, 以香港嘅教育制度及文化嚟講, 起碼入到大學才立見真章。

2. 事實上Gifted child唔一定受名校歡迎；名校亦唔一定適合Gifted。朋友有個資優囝囝，讀所謂傳統及校，多傳統老師、多傳統教學、多傳統環境，最後"迫"到個仔極唔開心、冇晒心機，當中有段日子，日日番學時個小朋友都喊到死死吓，最後攪到要見心理學家...

3. 如果你點都打算俾個仔試吓讀名校，大可以幫佢報左名、試吓考左先。收到結果真係收嘅，你可以再計劃搵份 freelance、半職... or 一啲唔太縛手縛腳嘅工。Gifted child，其實都係特殊兒童嘅一種，當然媽媽可以全職自己湊就最好啦，但大家係香港地生活，都明白咩嘢處境；我早兩年生左三女後，都做左2年FTM，但係呢，搵少一份$就一份$，最後我都係出番嚟打工，但就轉左行，番一份準時番工，準時收工嘅工作，每晚都仲有好多閒情去陪屋企兩個"特殊兒童"睇書。

諗諗佢啦~~~ GOOD LUCK!

nicolemummy

全職媽媽看小朋友, 小朋友通常特別好的.

出山要有心理準備, 今天的職位不多, 出山會常比較以前職位的好, 亦會懷念當全職媽媽時的一切, 結果工作不大理想, 又當不了全職媽媽. (因我現在有這心理)

考直資私校, 因出生率高, 未必考到心儀那所. 而且六歲前性格定型. 建議小朋友考到心儀那所先搵工.

原帖由 littleoscar 於 10-2-18 23:13 發表
由阿仔出世開始, 我就做全職媽媽, 唸住親自好好教養他. 他現在很乖, 亦很叻仔, 亦被指很大可能是資優. 他專注力強, 愛學習. 我很希望他能好好發展下去, 但發覺, 在現今的社會, 甚麼都是錢,錢,錢. 學術成績特別強的,  ...

virginia_328

你返工的話, 其實可能個小朋友都會唔慣, 影響更大!

littleoscar

多謝你們的意見.
最後, 我決定繼續做全職媽媽. 因為我信家庭比學校影響力大. 我希望阿仔放學後可以好快見到我, 當日有開心不開心可以向我傾訴. 就算他不主動說, 我仍可看見他的眉頭眼額, 好好引導. 又可好好跟進他的學習.

雖然名校程度比較深, 但我仍可引導他多閱讀, 多認識不同事物, 主動學習, 不需要學校要求才做.

當然, 生活要節儉一點, 亦要放棄虛名......