個仔忙過奧巴馬，我好心痛!

yovin

一個小二男生  7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
                餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡，晚上早點睡，結果功課做得不理想)
7:00-7:45吃飯和洗澡
7:45-9:15或9:30做功課(平均7-8樣)
9:45我放工回家，自己抓飯15分鐘
10:00-10:45練琴(五級)他喜歡的，但一定要我陪同在身旁)
10:45-12:00我同他對功課(唔明即教)、溫書、閱讀...總之1小時15分都唔夠用。
12:00一定要他睡覺。

SAT
11:00-12:00英文補習
1:00-1:45學琴
我們回家讀書(即是我同他補習、通常溫定默書)
6:00-7:00補普通話
7:30去外婆家吃飯，FAMILY NIGHT

SUN
他上午看電視、玩玩電腦
下午 做兩份卷(他要求我出卷，他自己怕成績差，他話班中有些同學，唔合格會在學校哭起來)
4:30 全家出街吃喝玩樂

我同丈夫叫(求)他減少一些課外活動，星期一至五專注讀書，早些睡，他不肯放棄。我只要求他考班中十名內便可，雖然做到，他知道自己讀書唔叻，成日叫我陪他溫習，有時連我都好累。問他覺唔覺得辛苦，他竟然答:[在好學校讀書，係辛苦咖啦!]聽到好心酸，見他這樣忙好心痛!
我應該怎樣做?請各位給我意見好嗎?

HPChingchingma

原帖由 yovin 於 10-2-2 18:49 發表
一個小二男生  7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
                餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

在文中我看到是你太依從你小朋友的意見.   如 .

我試過叫他不要睡
但一定要我陪同在身旁
即是我同他補習、通常溫定默書
他要求我出卷 .
成日叫我陪他溫習

文武雙全確是每一位家長對小孩期望 , 但不是每一位小朋友都能兼顧 . 你是仔仔的父母 , 如心痛 , 心酸就梗淨, 肯定的替他決定減去一些活動 . 況且大多幾年後,  想再玩都可以 . 如羽毛球, 彈鋼琴這類 .  

只有 7 歲的年紀應是快快樂樂 , 為何似足一個面對會考, 高考的 17, 18 歲的青年人 ??

是否你們在他幼兒時己灌輸了一些意識給他, 而不自知 ??

overview

He should go to bed at 9:30-10:00 pm the latest.  Really can't believe such a small child go to be at 12:00 !

原帖由 yovin 於 10-2-2 18:49 發表
一個小二男生  7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
                餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

bb-bu-bu

其實佢好學你應該開心, 不過真的不懂分配時間, 有一些可以長大d先再學, 如果去左一間叻嘅學校, 專注學業行頭, 其餘課外活動不能同一時間太多, 日日都十二點瞓, 唔怪之得佢一定要小睡, 你都辛苦, 如果捱出病來, 吃幾多補品都補唔返, 如果一定要日日打羽毛球, 晚上一定要放棄練琴, 省返四十五分鐘早d瞓, 亦可以同佢講, 如果d功課做得好, 唔係點錯, 咁對功課嘅時間短左, 先可以練琴, 咁樣早返一個鐘頭瞓, 上課先有精神聽書, 有d野一定要幫佢分析, 解釋比佢聽要決擇, 而唔係有精神就用到盡, 咁樣好易病(你同佢都係)!

IRON

既然佢都慣左"谷", 又ok既, 好過想谷又谷唔起.

相比我仔仔真係好hea.......星期一至六有2日游水, 星期三piano, 星期五奧數, 星期六英文, 岩岩cut埋國語, 星期日休息.

每朝6:30起身, 7:30返到學校; 4:00放學返黎食野, 彈琴, 功課, 6點已經可以玩/睇書, 8:45沖涼上床, 9:00-9:45傾計, 10點前訓著.

一日就係咁過啦, 我仲覺無乜時間一齊玩, 只有星期六先可一齊玩下大富翁, 因星期日一定係郊外遊.

[ 本帖最後由 IRON 於 10-2-2 22:38 編輯 ]

happyvalley

好進取形的學習態度，只是欠缺適當的工作分配，學校成績一定好高，所以加上能夠安排自我的時間，真是想像到學業的成果。

有一點就是，我覺得只有進取，但缺乏與同學之間的合作經驗，我們雖要學習和多掌握與人分享呢，建立多些人際接觸。

homingm

七歲人仔晚晚十二時才睡覺，這樣的作息時間十分不健康。既然對仔仔深感心痛，作為父母就應該懂得如何取捨

judy

原帖由 yovin 於 10-2-2 18:49 發表
一個小二男生  7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
                餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

我有以下建議，唔知你合唔合聽。

1. 羽毛球减為三堂，周日ニ堂，周末一堂。小朋友要做運動，但不能操咁多。我見一小朋友，小五全港三甲，打嬴我讀中四的阿大。依家膝部受傷，打唔到波。佢阿媽俾醫生罵到喊。周末一堂用來代替電子遊戲時間。

2. 盡量要求在飯前做完功課。

3. 8:30前應可吃完飯、水果和小休。彈45分鐘琴，余下時间看書。10:15前睡覺。

4. 媽媽可對功課，小錯由得佢，教師自會改。如果重複犯錯，可在早上提一提。

5. 不要補習了，一小時補唔到甚麽。星期六時間可以好舒服。看書，唔放心，可以温一下默書，80分足矣！

6. 除了到外婆家吃飯外，也要到家婆家吃(除非先生不要)。你要為孩子樹立榜樣，他將來才會帶新抱回家。

7. 星期日，看書，打吓波，自由活動。做卷？考試前先做一做吧。

我這時間表，睡得足，照顧了原有的活動，且多了10小時以上睇課外書。成績應比原來進步。

Skywan

小朋友P.2己經咁忙? 咁早起床咁晚睡, 日日系咁...莫講話小朋友la 連青少年都未必頂到, 就算頂到都好吾健康, 好傷身。睡眠時間只得6-7小時, 小朋友不是最少應該睡8小時咩? 小朋友正值成長及發育時期開紿, 都無比足夠時間佢 recover 長遠好易崖出病!

星期一至五己經咁忙, 連星期六、日都吾放過?

現在人人話要比小朋友自行選擇以便倍養佢 "呢样嗰样", 有些事不應有選擇就不要比佢選擇或決定, 有時候家長要做家長應該 "決定" 。

另一方面, 你可能覺對佢的要求吾高 "只要求他考班中十名內便可" 家長都知小朋友"讀書唔叻"，你的要求便做了一個無型的壓力比小朋友, 為了達成家長的祈望, 便要盡力做到最好, 沒有 "天資的聰穎" 便要 "忘羊補驢" (不喜勿插, 我自己讀書都有同學游下游下, 成日玩又吾温習, 但佢考試不比我們這些勤力人差, 每次老師平語都是 "天資的聰穎, 惜未能專心向學")其實你小朋友好好, 好乖好孝順, 佢好"石"你。你又咁心痛, 不如再商量下同佢減少一兩項活動及重做一個好的時間表吧!

有些意見, 你的時間表好進取, 但決乏 "小朋友之間真正互動時間" 不如加一些 plays time 的課外活動, 這样既可以學習人與人相處又可以玩樂放鬆。 啊! 還有星期日應該用來家庭樂,  release!  

再者去到 P.3 的功課又多又深咁仲忙, 到時如何是好?

原帖由 yovin 於 10-2-2 18:49 發表
一個小二男生  7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
                餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

[ 本帖最後由 Skywan 於 10-2-3 10:23 編輯 ]

EMILY03

太年幼而沒有足夠睡眠 , 再加上一星期四天兩小時的羽毛球訓練 , 跟本沒精神學習 , 現在是二年班就咁樣 , 再上高年班 , 點應付 ? 我朋友的兒子今年小二 , 每晚 9: 30 睡覺 . 所有功課溫習全部自己攪掂 , 考全級第一 (是一間好多人都話辛苦的學校) , 我亦相信有足夠睡眠 , 上課才能專心 , 做起事來事半功倍 !

grace_xian

想比你, 我囝的課外時間真少

現在只有週六游泳一堂, 週五小童軍, 週三圍棋, 週二長笛半小時

晚晚會在九點半上牀
成績不差, 全班前五之內

要合理分配時間, 千萬不要再咁落去
大人要給足够指引給小朋友, 而不是由小朋友牽引大人

Schoolbus26

哇!  前十名??  咁係你要求高, 可能平時你不知不覺比左些壓力個仔, 要佢考前十名, 其實在一些名校, 你要個仔考前十名, 係要做好多野, 其實可能係你要求高.  七歲開開心心, 成績平均便可, 而家谷到咁, 我怕後繼無力去.

IncyWincySpider

我不會相信一個正常的小朋友會”要求”家長給他大量課外活動, 出卷, 練琴, 令自己忙至深夜.
即使他”真的”有要求, 只是家長給孩子灌輸了錯誤訊息, 絕對是家長有問題.

我自己有小朋友, 亦認識不少有孩子在傳統名校或地區名校唸書的家長朋友. 我們的星期日是family day, 盡量讓孩子的腦袋好好休息.
我們根本不用安排大量課外活動/補充給孩子做, 但會鼓勵他們多看課外書, 每星期寫點東西. 他們每晚多數在9時多, 最晚頂多是10:00便上床睡覺. 我所認識的孩子, 大多數成績相當不錯.

也許我用詞太直接, 但這post實在叫人反感.
這家長宜好好自我檢討, 孩子還在發育階段, 需要足夠休息.
他還有很長的學習路, 現在迫得太緊, 將來他一旦脫離妳的控制, 便很容易失去學習動機和興趣, 那時妳後悔已太遲.


最後忠告: 請不要再傷害孩子, 誤導其他家長!!

幸福女子

小朋友冇錯係需要獨立自主, 有自己性格, 但七歲小朋友分析能力始終唔及大人, 做家長既應該係從旁提點而唔係比佢牽住走, 雖則你話"求"過佢, 但我感覺你係由得佢多D, 因為你冇堅持...

要一下子改晒個時間表好難, 你可以同佢傾下, 慢慢逐D逐D改, 揾一個你地認為最好既安排...

我小朋友先得個2歲幾3歲, 見倒個時間表..我真係想叫救命!  學業固然緊要, 但有足夠休息同食野, 先可以時常refresh自己, 腦筋都會靈活D...

brian61950

唔忍心有2種
1.明知有問題但執迷又久不久後侮
2.根本唔會比呢啲事發生

教署和垃圾會應考慮立法規管小朋友的溫書和課外活動時間,過份的應檢控虐兒.