談談青衣商會將軍澳幼稚園?

mykwan

有聽過青衣商會將軍澳幼稚園的朋友個個都話這間學校好,但始終講唔到乜野好?本人就很鐘意學校的環境,但我很想知這間學校程度深唔深?是不是活動式教學?一星期有幾多堂是外籍老師教英文以及普通話?
另外隨了這間學校,還有保良局易澤峰和寶盈花園的德寶幼稚園,請問大家會揀邊間呢?

tissuewong

原帖由 mykwan 於 10-1-18 22:53 發表
有聽過青衣商會將軍澳幼稚園的朋友個個都話這間學校好,但始終講唔到乜野好?本人就很鐘意學校的環境,但我很想知這間學校程度深唔深?是不是活動式教學?一星期有幾多堂是外籍老師教英文以及普通話?
另外隨了這間學校,還 ...

以我所知青衣商會d老師好有愛心, 教學方法可以睇佢地網頁，k1唔會教寫字，派學都ok。
幾多堂是外籍老師教英文以及普通話?→ 打去問一下, 我問過唔係日日有, 但唔記得咗。

保良局易澤峰→ 親身去過交表, 見識過後無去in, 唔知佢派位派成點...COPY自我的blog的睇法

再坐一陣，見到嬸嬸帶埋小朋友去完洗手間出嚟，個個好似未瞓醒咁沒精打彩，其中一個重流住兩行鼻涕。

點解好似唔夠老師咁嘅(我知教育處max1:15)，但就咁睇真係覺得佢一係max., 一係偷雞，課室只有1位老師。

再去睇第二part，見到成班小朋友玩大肌肉運動，起初媽媽見成3x人得一個老師，經ee scan見到另一個嬸嬸係度，個老師好似機械人咁，由左邊捉住學生手臂去右面嘅U形膠坐自己兩邊搖，每次捉兩人，捉完放低就拎返去左邊再捉，全程無出聲無表情，D小朋友又唔係點解要坐，坐嚟做咩？on居居自己坐完一輪起身就算。

入面所有職員比我嘅感覺係"為打工而返工"。小朋友就好似未回魂咁，真係睇唔到佢地個開心樣。




德寶就唔清楚。

mandy_ma

有沒有小朋友係入邊讀緊??? 知不知小學派位如何??? thank you

trina_choi

派位方面校網有架...

我姪仔之前喺呢間讀過,我細嫂都話呢間幾好,但就有一位老師好無耐性,成日教教下我姪仔做功課,就揮開佢手.

起初都唔知係邊個,到我仔去面試時,我都見到個,後經我形容左比我細嫂知佢outlook時,就知係同一個人,佢叫miss咩,我都未知,但我仔今年九月會入讀,我都會好好小心留意住,呢位miss 有無教佢,如果有,會好小心處理,唔想因為呢一位老師,就否決晒成間學校,因為interview時,只係感覺呢位老師有問題,其他姨姨同miss 都好nice...

果日面試,有好幾位miss同姨姨都認到我仔,因為我仔同細表哥都真係有幾分似樣,跟住d老師重好關心咁問細表哥架情況,重好有耐性咁引導我仔叫佢地同埋玩,d姨姨重帶左我仔去玩...後來要入一間房度睇片介紹之前學生喺學校架生活和活動架video,點知當我仔見到細表哥架相,就細聲咁不停叫細表哥架名,雖然唔係大聲,但因為課室唔係好大,重要坐得幾前,果位無耐性架miss,就瞪晒眼咁望住我仔,但其他家長應該無咩介意我仔,因為大家都望住我仔笑佢可愛,講真,我仔都係叫左幾聲架咋,又唔係大叫大喊呀...我老公話佢瞪左阿仔好耐呀,跟住一出去,d miss又氹阿仔玩下.

到要入房interview,阿仔唔知係未玩夠,定係頭先比果位miss嚇親,捉住門,點都唔肯入房吖!重不停cry,考pre-nursery時都唔會咁架,加上都番慣學啦,都唔知點解會咁,入到去,好在miss 好nice,無介意過我仔cry,重比我抱佢冷靜一陣先開始考,開始時,佢咩都唔理miss,只肯坐喺近門口架凳,miss重好好人咁,攞d玩具去佢面前同佢玩,重叫我唔好迫佢住,等佢玩一陣先,佢話問左我d問題先,後來可能阿仔開始唔驚啦!跟住就走返埋in.架位,老師叫佢做架,都做齊,後來老師in.完送禮品比阿仔,阿仔重唱歌同背詩比miss听,重主動笑住同miss say goodbye啦...

trina_choi

唔記得講,我細姪仔派左去溤晴紀念小學,我細哥細嫂都不知幾開心,日後孖b表弟就唔洗頭痛咁話喎...

sakuralee

我個囡都係9月入全日班，我都想知多d這間學校。

如果以面試當日的情況，我都好鍾意間學校，校社新，老師好好人，好有耐性。係我感覺最好的一間！

唔知佢有無視學報告講得咁好呢？

其實宣道茵怡都收咗我囡讀上午班，佢的口碑非常好，我都有d15/16！不過我就想阿囡讀全日班同唔洗坐車，所以青衣商會如果真係好，讀佢幾會係大d！

mandy_ma

真係好1516.....因為茵怡宣道口啤十分好!

sakuralee

係抽籤，其實好好彩抽到上午班，因為上午班有6成7成都比d有哥哥姐姐係到讀開的小朋友佔了！
抽中了係有面試，不過只係見見小朋友是否正常。

mykwan

茵怡以及青衣商會口碑都好(兩間我都有報名),茵怡抽籤抽唔到(後備),從兩間中我會選擇茵怡,因近我屋企,但兩者的教法是否類似呢?(活動式開心地學習)

kirstyau

我囡囡讀緊K1全日,個人覺得好好, 返左5個月,D老師好有心, 小朋友已經有
1)親子旅行
2)運動會
3)家訪

老師帶
1)培城公園
2)TST TOYSRUS
聽日  3)摩士公園
過2日 4)年宵

每次活動後都有1,2張相比返家長,不用收費,唔係在意個幾蚊,而係小事上睇到學校好有心!

每2,3個月,有張校園通訊, 最欣賞係第1份,有哂K1 每班小朋友幅相仔同名,因為有時阿囡返黎講完D同學仔名,同邊個邊個玩,我都唔知係邊個,有左個份通訊, 又了解囡囡D野多D!

有問題打比老師,老師都會傾下咁LA....

完左1次家長日, 報告返小朋友進展, 有本厚厚個人FILE,有哂平日上課時小朋友D相,同學過D乜

之前部份小朋友 OR 嘔(包括我囡囡),老師每日打黎問下情況,又報左比衛生防護中心!又有通告跟進有幾多同學染病!

至於英文,始終LOCAL學校唔會有太大祈望,不過1星期都有3堂外籍老師,但1班有成30人,都唔好望會有好大進班,唯有自己出去再報D英文班比囡囡, 佢都返緊1星期1堂, 依家2月再加多每星期1堂 PHONIC , 都係外籍老師教LA! 都再冇財力再加了

國語好似都有2堂,我見囡囡返黎有唱普通話歌咁LOR!
P

[ 本帖最後由 kirstyau 於 10-2-3 16:35 編輯 ]

sakuralee

多謝你的寶貴資料！

咁佢行政係咪都幾好呢？樣樣好似有條有理！

咁你有無參加佢放學後的活動呀？佢好似有跳舞同童軍等等，洗唔洗錢的呢？好唔好呢？

kirstyau

以我所知應該K2先有課外活動,不過應該要抽籤!

係R,感覺學校都幾有交帶!

原帖由 sakuralee 於 10-2-3 17:04 發表
多謝你的寶貴資料！

咁佢行政係咪都幾好呢？樣樣好似有條有理！

咁你有無參加佢放學後的活動呀？佢好似有跳舞同童軍等等，洗唔洗錢的呢？好唔好呢？ ...

kirstyau

唔好意思,可唔可以形容一下個唔好老師係點,因為我怕會第日教囡囡,不過依家教囡囡個3位老師我都覺得好有愛心!

請問係咪短頭髮,肥肥ka?

原帖由 trina_choi 於 10-1-28 12:49 發表
派位方面校網有架...

我姪仔之前喺呢間讀過,我細嫂都話呢間幾好,但就有一位老師好無耐性,成日教教下我姪仔做功課,就揮開佢手.

起初都唔知係邊個,到我仔去面試時,我都見到個,後經我形容左比我細嫂知佢outlook時,就 ...

circle2009

原帖由 joanthony 於 10-2-6 16:03 發表
我個仔2月1號下學期由PLK 易澤峰轉左去青衣商會K1, 雖然只係番左一個星期學, 我已好滿意, 致於點解咁滿意, 同埋佢地係邊幾方面既分別. 下面會再講

或者我先講點解我要轉.  其實PLK YCF都唔係差, 否則我當初都唔會選 ...

Thank you for your sharing.  I want my daught to apply this KG also.

kinj

原帖由 mykwan 於 10-1-18 22:53 發表
有聽過青衣商會將軍澳幼稚園的朋友個個都話這間學校好,但始終講唔到乜野好?本人就很鐘意學校的環境,但我很想知這間學校程度深唔深?是不是活動式教學?一星期有幾多堂是外籍老師教英文以及普通話?
另外隨了這間學校,還 ...

以我所知青衣商會是舉辦很多活動, 教學方法可以睇佢地網頁，k1唔會教寫字，其他的是一般。外籍老師教英文以及普通話只是一星期一次。

保良局易....及保良局方.....的則不是這麼好，可以看看老師無表情，工作是為打工而返工。所知佢派位是跟小一派位的方法，一般啦

德寶就是學費貴，老師經常會轉換，幼兒會容易轉校。

其實你也可以考慮救世軍慶恩幼稚園也很好。因為老師很有愛心，學習課程和幼兒學習進度都會關注，也會關顧小朋友的健康，如茶點的安排，及推動小朋友的學習動機。