其實係唔係最好讀一讀N1先上K1呢?

hungredred11

請問各位媽咪，我個仔12月出世，係咪最好讀咗N1先讀K1呢？定係唔讀N1轉讀playgroup再讀K1呢？我而家心大心細，不過已經過咗N1報名時間，係咪要遲一年報俾仔仔讀呢？

我先生就話咩都唔使讀，直接等三歲俾佢讀K1，咁會唔會跟唔上呢？

小曳人

我覺得好睇bb係咩個湊.. 如果係媽媽嘅話, 唔讀都得
如果係老人家/工人.. 咁就讀會好d喇!  起碼會多d聽到人講嘢, 見多d人, 學習自理啦!

hungredred11

bb而家婆婆揍, 咁應該俾佢讀N1定playgroup先啱?

moonychan

nursary 全面d, 比到實制返學既生活小朋友. if nursary vs playgroup, 我覺得nursary 適合d.

至於洗唔洗讀nursary, 好睇個小朋友本身每日響屋企做d乜, 如果大人教到自理, 好多互動, 從生活中都教到小朋友野既, 唔返係可以, 但相反, 響屋企只係睇tv, 訓覺, 食野. 冇其他野比到bb既話, 我就會比bb返n班. 冇謂浪費左個學習期啦.

仲有一樣野可以比你參考讀唔讀n班, 就係將來k1, 你有冇要求, 如果有心儀幼稚園係多人考既, 咁你小朋友讀左n班會好d, 因為基本自理已經響n班學左, 幼稚園都歡迎嫁.

亦有好多小朋友冇讀n班的, 但我身邊既朋友, 多數係響返屋企附近找幼稚園,所以佢地真係3歲先讀k1嫁.

monkey05

我呀仔都係我同工人揍, 但都照比佢番 n , 唔計咩學自理之類既野, 始終群體生活都係要上學才可感受到.  而家番左幾個月 n, 仔仔性格同與人相處明顯好左.  番學又有智識學到, 真係唔好睇少 n 班.  係一個好好既預備比佢升k的.  人會獨立點, 成年慣左無媽媽在身邊上堂, 到佢真係讀k1時, 不用再花太多時間來適應.

scholar

Depends, 如小朋友精乖伶俐,婆婆又湊得開心,3歲才開始上學更好.只要平時多去街/去公園已可.

如小朋友有發展遲緩,及早上學是不二法門.

chanwendy

我有個朋友只係一星期返一日 part-time, 佢就冇讀 n1, 只係一星期去一次 playgroup.  因為佢只返一日工, 所以好多時間自製教材, 佢就自己教個女好多嘢, 所以上 k1 前都識晒 26 個字母, 識一堆英文生字, 識認一啲中文字.  加上佢個女性格都算 outgoing 唔伯醜的, 所以上 k1 冇問題.  我覺得如果家長會在家教佢一嘢, 咁直接讀 k1 係冇問題的, 但如果性格好內歛, 唔識同人溝通的又怕醜既, 我就建議先讀 n1 學下同人相處先.

hungredred11

唔該晒各位媽咪既分析，但我錯過咗報讀n既時間, 依家等學校覆收唔到插班,唔知機會大唔太呢?