囝囝今日係學校罵老師

KSY

囝囝今日係學校罵老師.

囝囝話佢去換鞋,跟住老師話唔可以自己換鞋,然後囝囝就罵老師係”衰人”,後老師就將佢對鞋掉落”垃圾桶”,跟住就自己執番對鞋同埋係咁喊,最後都同老師道歉.(上述係囝囝自己話我知既),放學時有老師同囝囝公公簡略講過件事.

囝囝罵老師當然係唔岩,但如果老師真的將佢對鞋掉落”垃圾桶”(如何證實有冇咁既事),咁更唔岩!老師可以罰佢或者向家長投訴.

我到底應唔應該打電話去學校了解件事到底係點發生?又如何問老師是否真的將佢對鞋掉落”垃圾桶”?  希望大家可以俾d意見.  謝謝

SUSANNA

可以向你仔仔的同學或家長打深下, 或且問到事實. 或可借公公講得不清楚為由向老師問下, 相信可知九成.

slk

KSY

如果係我,我絕對會打去學校搵老師問清楚,但我先唔講個仔講過啲咩,我會話個仔放咗學就唔開心到依家,想知究竟喺學校發生過咩事?
我覺得個小朋友自己著鞋無咩問題啫,而且,唔係應該鼓勵小朋友自理架咩.更唔應該因為小朋友鬧自己係衰人而掉對鞋入垃圾桶.    通常我個仔唔肯著返對鞋,我先會呃佢話掉咗對鞋

KSY

問左學校啦!老師話因為未夠鍾換鞋,囝囝就自己去左換鞋,跟住老師話俾囝囝知要等都一陣先可以換,咁可能囝囝就以為老師唔準佢換鞋,同時老師又將佢對鞋收埋,咁囝囝就以為老師掉左佢對鞋,所以就罵老師,不過老師等佢冷靜後,就同囝囝講,你咁樣唔岩架!要等我指示先可以換鞋,唔可以自己走左去換架!跟住老師又同佢講"我原諒你,咁囝囝就同老師道左歉",件事就係咁.

ho_fish

我都會打電話去學校問清楚到底係乜野一回事。可能係小朋友既錯, 佢講唔清楚。但係無論如何老師唔應該掉左佢對鞋落垃圾桶, (呢樣野我雖然唔識你囝囝, 但我好肯定個老師有做過, 唔係個小朋友唔會咁講) 我覺得個老師處理既手法有問題lor。

咁講真wor, 佢要換鞋有做錯咩??? 小朋友連決定換邊對鞋放學都有錯???  就算係你個囝鬧左老師一句"衰人", 係你囝囝唔啱, (可能佢唔知衰人既"真正意思", 可能佢平時聽人講過,只知有人唔比佢做就叫衰人), 但係個老師掉左佢對鞋有乜意義呢? 做老師既唔係應該話比個小朋友知咁唔啱, 有乜唔啱既咩??? 咁以後個小朋友有d咩野唔如意, 係唔係將d野掉晒佢就得呢??

你囝囝讀邊間學校呀???

docomo

ho_fish 寫道:
咁講真wor, 佢要換鞋有做錯咩??? 小朋友連決定換邊對鞋放學都有錯???  

學生到學校除了要學知識之外,亦要學習應有的秩序和禮貌,唔係呢個社會咪無秩序囉!?我地就係因為在學校學過要排隊,所以我而家等巴士、在銀行...都知道要排隊、要守秩序.
既然老師話左當時唔係換鞋o既時間,咁佢就應該等一等,唔係你中意做就做.

ho_fish

docomo, 我回應左之後先知道ksy囝囝事件全部。o係ksy最初講既, 係佢囝囝想換鞋, 而老師唔比, 重掉左佢對鞋, 咁我真係覺得佢囝囝無錯架播, 咁ksy最後回應左, 咁我都覺得老師既做法好正確, 最緊要要比小朋友知道佢做錯d乜, 而唔係就咁say no