有無10-11年度入學家長? 入來傾下計哩.

jjbe

今朝我未到九點便去註冊了, 出來時還碰到兩夫婦遲我一步到. 學校個女書記好好人, 問我係咪趕返工, 所以幫我早D完成手續.
有無人係好似我咁住將中? 唔知校車幾錢同幾點上車呢?

BSCYL

我小朋友今年讀6年班, 家居近學校, 不用乘車, 所以無留心此類通告

學校合約校車 由 駿安巴士旅運提供,  車費, 路線, 時間可致電學校找麥志偉主任查詢

順帶一提 9/1/2010 (星期六) 學校開放日, 可到學校參觀, 亦可向老師提問

暑假開辦的 興趣班, 盡可能參加, 表現好的有機會被選入校隊, 接受長期有系統的培訓

GP527928

我想問你點解選這間學校? 你住將中, 點解唔選宣基或並它學校?

GP527928

原帖由 BSCYL 於 09-11-26 13:26 發表
我小朋友今年讀6年班, 家居近學校, 不用乘車, 所以無留心此類通告

學校合約校車 由 駿安巴士旅運提供,  車費, 路線, 時間可致電學校找麥志偉主任查詢

順帶一提 9/1/2010 (星期六) 學校開放日, 可到學校參觀, 亦可 ...

Hello,我見你post左好多關於這間學校資料, 唔該使!!你對這間學校不單了解, 仲好有歸屬感, 對嗎?? 你既小朋友讀六年班, 即將升中一, 你是否選一條龍(呂潤財)中學, 定或跨區中學?

BSCYL

除王余家潔某方面吸引家長報名外, 可能存競爭的考慮

不計四間直資,  宣基, 將天, 明道, 信義會, 循道若果缺少5分宗教分, 只得15分機會很微.  保良局黃永樹, 馮晴報考人數較多, 成功入讀機會偏低, 梁潔華及王余家潔競爭情況相若.  兩個學校都有一條龍中學, 較吸引家長

不敢誇口很瞭解學校情況, 但有一定程度的認識, 承認歸屬感較強. 可以的話, 樂意為學校出一分力. 由於工作關係, 能夠返校當義工的時間不多.  對比部份全職媽媽, 經常回校協助籌備, 佈置, 主持攤位, 帶領興趣班, 她們那份投入才值得
尊重.

凡選擇直升呂潤財中學的小六學生, 必須於13/11前交回表格確認.  今年據知 6E班有三位同學選擇直升, 其餘都會參加自行收生及統一派位. 6F班相信有一定人數向外闖, 6A, 6B, 6C, 6D絕大部份選擇直升

其實區內只有一間英文中學 (不計直資), 由於缺少競爭推動, 被部份家長評為 "食老本", 不思進取.  亦報稱非全級頭10名, 自行收生不用報他們學校.  今年該校會考成績比較好的花子韬 29分是王的第三屆畢業生. (迦密最好成績我不清楚)
宣基, 景嶺, 將中, 慕德 都較受區內家長歡迎, 亦各具特色,
呂潤財及王華湘緊隨其後.  但若選區內中文中學, 由於比較熟識, 小朋友朋輩較多, 加上對叢校長能力有信心.  

當初東華三院決定在將軍澳試行一條龍, 選擇接任退休校長時, 明顯安排能力極高, 將原本 BAND 5 的李嘉誠中學提升至 BAND 1 (3級制) 的叢校長到任.  近幾年會考成績不斷上升, 最好成績前年7優1良, 中六成功拔尖 及今年8優2良, 6優2良及 整體成績向上提升.  舊年開始第一條龍, 由於小學大部份band2, 3 進入中學, 相信會拉低會考成績, 但我認為學生在呂潤財將會取得正增值

6E班聽聞很多同學決意在自行收生部份, 會報觀塘區的英中.  我的小朋友都會跨區選校, 統一派位, 不計區外, 區內學校考慮將呂潤財排在最前

BSCYL

3 號車
彩明苑(閘口巴士站)上車7:30 落車3:45 300(全程) 200(半程)
寶盈(巴士站) 7:35 3:37 300(全) 200(半)
唐明苑(的士站) 7:25 3:40 310(全) 210(半)

有疑問, 可聯絡駿安  92636700

jjbe

因為工作關係, 不是經常可以上網所以今日先得閒上泥睇.
先多謝 BSCLY, 你的INPUT很重要. 校車的安排都可以. 價錢亦合理.
我沒有選擇將中附近小學, 主要是我唯一比較喜歡的宣基是教會怕唔夠分抽唔到所以避開了. 另外, 王永樹D老師好惡, 天主教又好嚴好多工課, 田家炳校舍好舊. 加上我想為兒子選一條龍, 所以選了她.

你兒子讀了六年, 開心嗎? 成績好何, 精英班難入難讀嗎? 入不了的小朋友會不會差很遠?
現在的校長是新的嗎? 我兩次去學校都見唔到佢...
(但我同好幾個老師傾計, 都覺得佢地唔錯.. 我個人覺得宣基的老師最好, 之後就係王余家潔.)　

BSCYL

1. 因工作, 少上網十分正常
2. 校車問題, 開學後可直接找麥主任, 為人風趣, 十分受同學歡迎, 對家長提問, 亦極快回覆
3. 選校問題, 我只是猜測回應另一位網友的提問
4. 王余家潔的一條龍呂潤財是一間不錯的中學, 小朋友除非能夠進入6E 精英班 或 6F 次精英班, 可以嘗試向外闖, 其餘各班相信較難找到比呂潤財更好的中學
5. 我的小朋友由頭到尾都很喜歡學校, 成績算是比較好的一批, 是6E班學生
6. 現時6E班是 32人, 四年班升五年班時整班學生是1~32名, 是精英班 五年班有個別跌出32名, 但維持原班升6E, 今學年第一次考試亦有少部份跌出32名.  其實今屆成績比上兩屆或今年五年班的同學都較為遜色.  6F是4升5時的33~6X名 的次精英, 6A,6B及6D是普通班, 成績彼此接近, (尚有個別同學屬於區內 BAND 1 學生), 6C是補底的加強輔導班. 其實學校考試題目主要都是小朋友做過的工作紙, 習作略作修改.  家長在幫忙溫習時, 都不是太難掌握
7. 馮校長有多年資優教育的經驗, 提倡普及教育資優化, 提升所有學生的整體能力.  資優教育普及化, 將資優教育向各層面推展, 不侷限於尖子, 會惠及所有的學生.  你想知多一點, 可到學校網站 - 2009~2010 校務計劃 及 2008~2009 周年校務報告 有較詳細介紹
8. 你到學校, 應該是開放日, 馮校長都在場, 只不過在禮堂介紹學校情況一般由主任負責, 焦點集中在主講者, 可能沒留意到.  馮校長屬專業型, 朱副校及馬副校的愛心親民形象較鮮明.  想知多一點馮校長情況, 可到學校網站公告欄 - 我們的馮校長  或者在此網站  - 小學一覽 - 另一主題 <西貢區 東華三院王余家潔小學 > 內容
9. 絕大部份老師都平易近人, 十分受同學歡迎, 每年除個別老師離任, 全部都是熟識的面孔.  我小朋友3年班升4年班, 是最多老師 及 蘇校長離任的時候, 馮校長亦在當年調任我們小學.  當年有另外三位老師是獲得認同, 晉升到東華三院其他小學的統籌主任
10.  下年度6月左右, 是家長教師會換屆, 我再為你介紹某位家長委員, 日後遇有問題, 可要求協助

GP527928

原帖由 jjbe 於 09-11-26 00:22 發表
今朝我未到九點便去註冊了, 出來時還碰到兩夫婦遲我一步到. 學校個女書記好好人, 問我係咪趕返工, 所以幫我早D完成手續.
有無人係好似我咁住將中? 唔知校車幾錢同幾點上車呢? ...

原本你都係在職媽咪, 希望有機會做同學仔 ^^

GP527928

原帖由 BSCYL 於 09-12-1 19:00 發表
1. 因工作, 少上網十分正常
2. 校車問題, 開學後可直接找麥主任, 為人風趣, 十分受同學歡迎, 對家長提問, 亦極快回覆
3. 選校問題, 我只是猜測回應另一位網友的提問
4. 王余家潔的一條龍呂潤財是一間不錯的中學, 小 ...

多謝你詳盡的資料, 希望阿女Enjoy學校的生活....

BSCYL

祝小朋友有一個愉快充實的小學生活.  下年我小朋友畢業. 但有疑問, 不妨在這裡提出, 我知道的, 盡量為你解答