閒談+問題+分享 小朋友..歡迎所有朋友

BERRYTOTO

大家好.小朋友問題..閒談..分享..上堂...歡迎大家一齊分享下...:)

happyvalley

原帖由 BERRYTOTO 於 09-11-23 17:17 發表
大家好.小朋友問題..閒談..分享..上堂...歡迎大家一齊分享下...:)

無論係咪資優或資優中的資優(超級資優生)，最重要是要自己努力求進，愛因思坦講過成功的因素是 99%努力+1%靈感。

小朋友七歲就應該過返七歲生活，唔係可能到三十歲會喜愛玩喜洋洋公仔。

idy926

hi, 你地好, 想請教, 篇幅很長, 請見諒...
小女現 K3, 快 5 歲, 從歲幾起, 發覺佢一對住老師同學校就過份緊張同謹慎, 例如歲幾時去做 gym，她死都吾郁, 只是觀察,一定要看完全部示範後才肯跟著做, 雖然現在巳 K3, 但一入校門, 一見老師就好緊張（老師話佢可能係顧及自我形象,吾多出声）連招呼都吾記得打果隻, 搞到面口都緊晒, 結果 show 出來個樣比人覺得佢好似好驚同冇自信, 最近終於出事...

K2 時佢 join 學校跳舞班, 好鍾意, 為左考 cert, 好認真練, cert 嘅 comment 好好, 仲話佢 show 出歡欣表情添.

K3 佢堅持要繼續, 因為張回條話有機會被選出外比賽同表演, 佢就視之為目標, 同我講想去比賽

上左幾堂, 導師遂個叫小朋友出來跳, 同佢地講: 你要去比賽架, 出黎跳下睇叻吾叻! 就係咁我女連佢 D 一齊跳嘅 friends 都認為, 咁即係已獲選.

點知, 係無知會家長同小朋友情況下, 學校來了一個殘酷一叮, 突然叫晒跳舞班嘅人出來選, 遂個出來跳, 即時指出 Lee  個Lee 個咁揀, 全部選 16 個，我女完全無心理準備, 仲要校長, 主任, 導師加兩個 miss 一齊揀, 佢係一個alarm, 又多野諗,佢吾明點解要揀, 吾係得左嘅咩? 為 mug 咁大陣象? 佢又驚揀吾到自己, 我諗佢果時面口一定緊張到冇得頂...

就係咁, 老師以為佢個樣咁驚, 臨場實失準啦, 即使技巧拍子都冇問題, 咁就叮走左佢, 最大打擊係, 同佢一齊考果張 cert 嘅friends, 連埋同校車或同班共 6 個 K3 嘅 best friends 全部有份, 只賴低左佢一個...然而，家長繼續蒙在鼓裏，我個女無話比我知, 繼續 saturday 返去練習，我諗佢以為仲有希望...

我個女由細至大都吾係無憂無慮果種，成個 alarm 咁，情緒敏感，緊張大師，我地做家長， mug 都盡量比心理準備佢，突如其來嘅事,會令佢好大反應, 佢做事謹慎， 重公平，D 野要佢聽話，佢就要知點解，你要有point，令佢心服口服，咁佢會好合作，無point佢會駁，最難搞係佢好記性同太認真, 重承諾, 今次佢就係信晒導師所言, 一路努力練習,係屋企又跳, 好緊張返跳舞, 病都要返, 佢一路期待....到 out 左, 佢返黎提都無提 （我諗佢覺得無面），到佢 best friend的 mommy 問點解佢無去練舞, 我至知原來佢果5個一齊坐 school bus 嘅 best friend,已經練左個幾星期而無一齊搭車返學, 即係亞女孤 ling ling 左成個幾星期都吾出声, 我問女女, 佢只話吾知, 仲追問我點解out左,仲問點解有一個 friend 只係啱啱 join course都有份, 其實佢好想我去問導師同幫佢爭取,得到答案就係老師們覺得佢驚又吾夠自信, 仲已成定局無得再加番人, 我將 Lee D 原因同結果話比佢知, 佢好大打擊, 好傷心咁喊,攬住佢我都好想喊 (其實佢自細巳試過5-6次上台表演, 佢好奇怪, 即使之前幾緊張, 只要比左心理準備佢, 佢上台次次都表現得好好,佢自己都知自己事所以真係好吾服, 唉, 但老師又點知...) 不過佢只喊左幾分鐘, 第二朝一打開眼, 第一句已經問：媽咪你開吾開心？ 我話開心，咁你呢？佢就點下頭。   我真係以為佢巳經放低.... 點知.....

一個月後，佢D friends比賽前一晚，佢突然話：聽日我係咪吾洗返？聽日佢地去比賽，邊個同我跳？ 跟住到第二日比賽果朝早, 佢就發關於跳舞嘅惡夢, 係夢中喊左出來, 我先知道佢未釋懷, 真係好 hurt ! 我好心痛.

Lee 排, 係屋企佢都己經冇平時咁大癲大肺, 感覺好似有D心事, 大個左...我想幫佢淡化件事, 不過而家賽果係攞左獎,學校又貼晒D相出來, 話就話應該鄧同學開心,  但佢每曰見倒,  我鄧佢真佢好難受...而且佢 D friends 來緊又表演,又要返學練習, 吾撘校車, 亞女又孤單單...不停都會觸動情緒...

我巳經同佢講左，學校同我表示左歉意，亦同佢表示歉意,佢只係點下頭吾討論，但昨晚，佢又再發惡夢，又係夢中喊左出黎...今個星期第三次，以前無試過，以前D夢係笑到出声...即係話佢仲係接受吾倒，我應該點令佢釋懷？做多D其他野分散注意？教佢原諒學校 ?
下年小一啦, 點可以改善對老師太緊張嘅問題? 有冇人小朋友會在學校或面對老師有咁嘅緊張表現? 幾大先可以好D ? 咁落去, mug機會都吾到佢啦 ?

個幾月來, 我揾過學校幾個老師去了解發生乜事, (如果吾清楚, 好難開解佢) 亦有向學校解釋亞女嘅性格, 感覺人地吾太理解, 可能會覺得你個小朋友特別麻煩, 所以我想係度也許可以抒發下...

本來都吾知好吾好post出黎, 但我想以這件事, 比辦幼兒教育嘅人睇到, 攞獎固然重要, 但仍希望你地能顧及小朋友感受, 避免踏碎小朋友嘅夢想和自信.

P.S. 我吾係想唱間學校, 佢都有很多其他優點, 所以咪問學校名啦, 見諒.

tsznok

原帖由 idy926 於 09-11-28 02:33 發表
hi, 你地好, 想請教, 篇幅很長, 請見諒...
小女現 K3, 快 5 歲, 從歲幾起, 發覺佢一對住老師同學校就過份緊張同謹慎, 例如歲幾時去做 gym，她死都吾郁, 只是觀察,一定要看完全部示範後才肯跟著做, 雖然現在巳 K3, 但一 ...

恕我直言, 字裡行間, 感到你係呀女跳舞方面俾左好多壓力佢呢! 你覺得佢放唔低, 同時你都一樣依然慬慬於懷...

既然你女女喜歡跳舞, 亦可能係呢方面好有份, 你試下多D同你女女講, 今次只係單一事件, 一次不獲選, 唔代表下次冇機會, 另一方面有個更重要o既 MESSAGE 要解釋俾你女女聽, 就係跳舞的目的!! 跳舞唔係為考咩野CERT, 更唔係為表現俾人睇, 而係一種發乎情o既藝術活動/運動, 唔止跳舞, 其他方面都係, 目的只為個人修養, 而唔係為競爭為表演, 咁樣, 相信你囡囡往後會少一份壓力, 多十份自信!

janetlam74

小朋友有小小焦慮!教佢不要太認真,有時可得過且過!
不要做得太完美,因小朋友係咁性格就要平衡佢,相反,
平時是是但但個d才要認真些!
我的小朋友都是你個咁架!但我都學緊同佢是是但但...
因仔仔十分認真,佢温好晒d書都仲叫未夠...有些擔心....
我都怕佢太大壓力呀!人生幾十年..........咁細個唔使好
似讀大學咁!

idy926

佢跳成點, 我地從來無mug點理, 我只係知佢跳得好開心, 尤其同D friends一齊...至於考cert, 都係老師提出, 吾係我地都完全吾知有Lee D野. 件事之後我都問佢, 咪係想爭獎而比賽, 佢話吾係, 只係想同大家一齊, 我亦有話, 我只係想你跳得開心, enjoy, 吾係要爭mug.

我地完全無同佢報D mug比賽, 課外活動都好少, 咁吾知係咪反而太集中左呢.

失去就失去, 大人無mug咁大件事, 但小朋友有咁反應會令我地擔心, 又擔心佢咁緊張, 將來嘅學校生活點搞.

原帖由 tsznok 於 09-11-28 10:14 發表


恕我直言, 字裡行間, 感到你係呀女跳舞方面俾左好多壓力佢呢! 你覺得佢放唔低, 同時你都一樣依然慬慬於懷...

既然你女女喜歡跳舞, 亦可能係呢方面好有份, 你試下多D同你女女講, 今次只係單一事件, 一次不獲選, 唔 ...

[ 本帖最後由 idy926 於 09-11-29 01:50 編輯 ]

idy926

我都諗過叫她不要太認真...
你咁講,你小朋友有無好D?

原帖由 janetlam74 於 09-11-28 11:31 發表
小朋友有小小焦慮!教佢不要太認真,有時可得過且過!
不要做得太完美,因小朋友係咁性格就要平衡佢,相反,
平時是是但但個d才要認真些!
我的小朋友都是你個咁架!但我都學緊同佢是是但但...
因仔仔十分認真,佢温好晒d書都 ...

甜芋

原帖由 idy926 於 09-11-28 02:33 發表
hi, 你地好, 想請教, 篇幅很長, 請見諒...
小女現 K3, 快 5 歲, 從歲幾起, 發覺佢一對住老師同學校就過份緊張同謹慎, 例如歲幾時去做 gym，她死都吾郁, 只是觀察,一定要看完全部示範後才肯跟著做, 雖然現在巳 K3, 但一 ...

926:我有類似你囡囡的例子. 我囝囝由小一就夢想參加學校0既科學班.因為科學係佢命根.好難得等等等,等到3年班啦.佢終於有機會報名參加科學班. 我仲記得,報名0固晚,佢同我一齊商量. 學校有咁多興趣班.佢凈係選科學. 因為實在太太太太中意啦.

而科學班,學校有寫明要抽籤.我囝囝當時有咗心理準備.萬一唔中,佢0既第二選擇就係:流動組.

過咗一個幾月,結果出咗. 我囝囝返到屋企,好好好傷心咁喊. 佢喊:科學班冇收到佢.佢當時去問班主任.老師話:學校提供另一個小組俾佢.我仔仔喊,佢覺得學校唔公平.話咗抽籤嘛,好似六合彩咁.但係佢冇睇到抽籤0既過程.佢喊到歇斯底里,喊到抖唔到氣.佢唔好意思係學校喊.因為佢唔想俾人見佢傷心0固樣,所以,喊到............我一路攬住佢........

呢度,我都有反省.我唔夠細心.應該同囝囝解釋一下,"抽籤"的形式.俾佢0固心之前有個準備.

囝囝大喊咗大約0固幾鐘.攰咗.平靜落黎.我同佢傾解.

我話:媽媽見工時,係有寫過一封自我介紹信.因為,請人的公司唔識我,結果,間公司睇咗封信,確定請我啦.不如,你都寫封信俾負責老師,好唔好?

囝囝聽完,即刻表情唔同咗.開始眼入面有希望. 我再接住話:你中意寫作文.所以,媽媽覺得你可以寫封介紹信啦.好似見工咁.將你對科學0既熱忱同認識,仲有你擅長0既方面寫俾對方睇.唔識0既字,媽媽幫你.

就係咁,我囝囝開始笑啦.封信最尾冇寫到.因為"爺爺"太懶.但係佢體會到 : 事事都有轉機. 沒有解決唔到0既事.

甜芋

[quote]原帖由 甜芋 於 09-11-28 21:34 發表


第二日,佢開心去返學.間唔中會為科學班0既事,耿耿於懷.我都安撫咗佢.

直至有一日,佢返黎同我講,好鬼開心.因為科學班冇收佢.但係佢要去跟一個好中意0既老師去遊戲.(其實:0固個係情緒輔導小組,我家爺爺有亞氏保加)

我見佢笑到見牙唔見眼.即刻同佢大人講:"哇!山窮水盡疑無路,柳暗花明又一村." 大人好鬼開心答我:"係呀...係呀...."

926:講真,我地遇到0既情形唔同.而我咁啱0既例子有小小特別----就係0固結果係令"受創者"滿意.但係,由未能盡意到努力爭取.......再出現0既結果,真係一個學習過程.我個人認為,有時真係係挫敗入面先有機會學嘢.而我地做爸媽的,安撫他們之餘,幫他們想一個解脫的方法,去面對結果.

甜芋

哈哈..我都有個囡囡,k2,又係好好好好鬼中意跳舞0架.佢中意用跳舞表達自己.不過,佢凈係去興趣班跳咋,未識考試. 我就由佢啦,只要佢跳得開心,係跳舞中釋放自己,揾到樂趣.

idy926

甜竽,

可能你仔仔expect抽籤係會現場比佢見倒 ? 其實我都有講過比女女知有機會吾等如一定時, 幣在導師咁講, 而做家長嘅又吾知, 只見女女自己成日係度跳, 我都吾多為意, 直至out左, 佢咁震驚, 我追查先知點解佢咁失望.

佢不嬲都極愛學校, 今次件事, 佢話覺得老師做得吾好, 幾曰前仲居然第一次話返學悶, (K3 la, 頂埋先啦) 所以今曰我地一齊去左其他centre睇下D舞班, 轉下環境, 我巳經話左果D centre無比賽同表演, 佢都想join, 應該真係鍾意跳舞.

為安撫佢和認同佢, 佢喊緊時, 我話 : 就算老師吾知你好努力, 佢地吾明白你, daddy mommy都知, 我地明白妳...你仲細, 將來仲有好多機會, 仲有等你大個, 有能力時, 有D活動你自己報名參加就可以, 吾洗等人揀你參加架. 我想等佢對第時嘅事有D預知同掌握. ...就係咁佢就無再喊, 同你仔仔一樣 ~ 開始眼入面有希望.

比賽前, 我引導佢同佢D friends打氣, (我想佢體會要有風度, 就算自己吾入, 都應該祝福人). 之後佢D friends得左, 佢仲話要獎貼紙比佢地添.

[ 本帖最後由 idy926 於 09-11-29 01:56 編輯 ]

idy926

收到通告話考cert時, 我諗住係咪要繼續跳上去就要去考呢, 亞女咁鐘意實會繼續跳上去la, 咁就去左考囉...
講眞, 我都係只要佢跳得開心就得.

原帖由 甜芋 於 09-11-28 21:59 發表
哈哈..我都有個囡囡,k2,又係好好好好鬼中意跳舞0架.佢中意用跳舞表達自己.不過,佢凈係去興趣班跳咋,未識考試. 我就由佢啦,只要佢跳得開心,係跳舞中釋放自己,揾到樂趣. ...

whywhywhywhy

看完你們的故事，我突然想起小時候自己都有個同樣經驗。記得四年班時老師要選小朋友入詩歌班，小時候的我很喜歡唱歌，而且覺得自己唱得很好，所以一心以為老師會選自己，可惜最後是沒有自己份兒，真係好唔開心，我當時也沒有跟媽媽說，說真我們那個年代，阿媽要對那麼多小朋友點會得閑理你。所以很多時情都係自己承擔，最初我都同自己說以後唔唱啦！但後來都係咁喜歡唱歌，當然沒有做歌星。不過這件事對我來說都係几大的打擊，起碼到今天我都還記得這件事。我想當年如果有人能開導我，跟我說你是得的，只是別人不懂欣賞，而且給我多點信心，我想效果會好很多。其實我覺得你可以問清楚你女兒是否喜歡再學這個跳舞班，如果佢覺得有壓力，因為要面對其他好朋友而沒面的話，可以不要再給她上同一個舞班，或者可以給他學另一種舞來找出她的其他強項，不是每一個小朋友都能在一個地方跌倒而在同一個地方站起來，但她可以在另一個地方再站起來，到時她的自信心可能會回來，只要有了自信心和轉移了她的視線，她應該很快便會好起來。
小朋友這麼小有這種經驗也不是不好的，日後她的抗逆能力會比別人好，但現在最重要是解決她的心結！！！

idy926

Whywhywhy
咁啱我細個都有打擊喎... 我幼稚園好頑皮架, 係全班數一數二, 畢業時全班都有筆盒做禮物, 竟然只係我無, 當時我真係好好好嬲班主任, 打擊之大亦令我記到今時今日, 我亦無講比人知, 咁瘀嘅事, 自我形象直插谷底, 但打擊大到改變左我 - 上小一變成沉默文靜乖巧, 好彩上天比我遇到好老師, 我乎look地得到老師愛鍚同關心, 跟住我努力温書, 時不時都攞倒禮物獎勵添.

我都希望我女女可以係挫敗中有所得著, 再站起, 第時更堅強. 仲有希望佢繼續加油, 第時可以遇到伯樂.

尋日佢係屋企話要揀條最靚既裙, 著住黎跳番學校練習果隻舞, 我吾知佢點解要咁, 係咪佢對自己嘅補賞, 我地就等佢跳過夠, 佢第一次跳晒成隻舞比我地睇咋, 百感交集, 有D開心又無奈又有D感動, 好難形容...daddy仲拍低左, 佢play back睇左幾次, 今曰佢似乎心情幾好咁. 希望就咁可以放低.我都問過, 佢想轉芭蕾, 至於學校跳舞班我決定吾會繼啦, 吾洗問佢啦, 佢提左我兩三次去新校試堂, 如果佢想報學校佢實提出...

BERRYTOTO

我見好長..未睇哂..不過我囝岩岩睇完哂e生啦...真係好番啦~~如果有需要去見見e生..e生可以係玩具裡"識"放小朋友唔開心..or買本書叫"遊戲冶療"睇下..出書個位就係我仔睇個位e生...我仔都好緊張發癲..三個月前一日由高峰全日打80個電話比我..到宜家一個電話都無啦...有時未必係小朋友..其實大人都有影響小朋友...你可以考慮下...

BERRYTOTO

本書叫"親子遊戲啟導"先真...

idy926

恭喜你個仔而家情緒好番，我有睇過你個case，真係人都癲，好彩e生幫到你.

吾該晒，本書邊度買？旁下身都好.

原帖由 BERRYTOTO 於 09-12-1 16:15 發表
本書叫"親子遊戲啟導"先真...

BERRYTOTO

係商務..大眾個d都有架la...同埋好似佢個陣都有同我講如果小朋友去到某個時間可能玩d比較激烈玩具(較長時間)...佢心情應該處於係唔開心狀況..咁你就需要去問下...同埋我一開始個陣買在個不倒翁...發覺多得意..每凡我一話佢..佢轉頭去打一下..推佢落地...留意左幾次都係咁..我就知佢有不滿..然後我每逢抱妹妹...佢又去打一下...加加埋埋我就佢..小小唔高興就去打...大大唔高興就去踢...所以係d到明白左佢幾時有咩唔開心..書都有教男仔女仔都唔一定玩番女仔...玩公仔..男仔就車...咁我買埋煮飯仔比佢...係佢心情好個陣...佢就會玩煮飯仔...心情ok佢就自己睇書...宜家明白左...好多時見到佢玩邊類玩具...就知佢當時心情如何~~