聖芳濟各 vs 油天, 大家會點揀?

QQ818

SFA SFA SFA

EMILY03

原帖由 guessgod 於 09-11-27 00:32 發表
大家都忘記左很重要一點, SFA面試係要考試, 而且考既嘢唔講得笑.

所以, 既然你o既仔女考得入去, 佢地一定唔差. 據我所知, 大部份既學生都習慣左佢地用 Assessment 當溫習, 只要跟得上, 根本就唔使點溫習.

這是本人 ...

絕對認同 , 不過如果能力唔太好的話 , 就會覺得辛苦

仔仔錫錫你

兩間都要勤力讀書, 不過sfa 要好勤力先考到2x 名; 油天勤勤力力完可能已經係10 名內, 小朋友要有成功感&優越感先容易成才.  sfa 就算年年考頭5名都只會在壓力中成長, 長大後點成功都好, 都會覺得自己童年好慘

October.

睇完BK d post, 唯一感覺就是"驚嘆"!
感覺BK d 仔仔囡囡真係好叻, 比我既感覺好似個個輕輕鬆鬆讀油天完全沒難度.
我由衷講句"好羨慕!"

jeremyphlam

原帖由 panbaby 於 09-11-26 19:10 發表
其實油天是幾好的, 特別是舊油天, 但近果橺, 唯一不好的是女孩子升中校網差, 升中除了真光, 伊利沙伯, 其他就麻麻了. 校風幾好, 程度幾好 (本人意見, 太深不表示好, 考完不吸收, 忘了又何必呢?事實上, 要深有何難,  ...

梗係油天啦，知名度差不多，一間要錢、一間唔使。細妹又唔使煩。

升中網就更加冇得比，你話油天個校網唔好，咁深水埗網又好好嗎？

油天升中還有St. Mary你冇數，爭係呢間加伊利沙伯已贏了深水埗網九條街了，還未同你數一線尾的循道、銘基。

[ 本帖最後由 jeremyphlam 於 09-11-27 14:29 編輯 ]

catyoyo

I share the feeling too.  May be i am not a qualified mum. I do think academic result is important depend on each child's character and ability.

原帖由 仔仔錫錫你 於 09-11-27 13:35 發表
兩間都要勤力讀書, 不過sfa 要好勤力先考到2x 名; 油天勤勤力力完可能已經係10 名內, 小朋友要有成功感&優越感先容易成才.  sfa 就算年年考頭5名都只會在壓力中成長, 長大後點成功都好, 都會覺得自己童年好慘 ...

jeremyphlam

原帖由 jeremyphlam 於 09-11-27 14:25 發表


梗係油天啦，知名度差不多，一間要錢、一間唔使。細妹又唔使煩。

升中網就更加冇得比，你話油天個校網唔好，咁深水埗網又好好嗎？

油天升中還有St. Mary你冇數，爭係呢間加伊利沙伯已贏了深水埗網九條街了，還未同你數一線尾的 ...

FYI
油尖旺及深水埗升中概述（星島）

資料來源：08年1月4日星島日報家長版（摘要）

油尖旺及深水埗兩區共有十五所英中，除拔萃女書院轉直資而沒有參與「教育局中一自行分配學位」，其餘14所英中在自行收生階段均有提供學額。其中的6所油尖旺及5所深水埗英中分別提供324個及276個中一學額，兩區英中學額的競爭激烈，平均10人爭奪一個學額，而大部分學校都重視學生的面試表現，部分更佔收生準則五成。

油尖旺共有17所官津及直資中學，其中十五所中學參與「中一自行分配學位」，當中八成六，即13所學校合共提供逾600個中一學額。

油尖旺有八所英中，包括嘉諾撒聖瑪利書院、拔萃女書院（直資學校）、循道中學、銘基書院、伊利沙伯中學、華仁書院（九龍）、聖方濟書院及真光女書院。

伊利沙伯中學去年有820多人申請競逐48個學額，平均17人爭一個學額，而面試以小組形式進行，約四至五人一組，每組平均需時十五分鐘，由老師向學生提問時事議題，有關成績佔收生準則百分之三十五；而中華基督教銘基書院及聖方濟書院，平均亦有7至8人爭一個學額。

在收生準則方面，油尖旺英中除重視申請者的校內成績及教育局成績次弟外，學生的面試表現亦非常重要，如中華基督教銘基書院、伊利沙伯中學及真光女書院，面試佔收生準則由百分之三十至百分之五十不等。

在面試語言方面，華仁書院（九龍）及中華基督教銘基書院表明會以全英語為主，而循道中學會面見家長。

深水埗區方面，共有17所官中及9所直資中學，當中7所屬英文中學。在9所直資中學中，除今年九月轉直資的英華書院、地利亞修女紀念學校（百老匯）和基督教崇真中學外，其餘6所直資中學均有參加教育局「中一自行分配學位」。

深水埗區的7所英中包括中華基督教會銘賢書院、香港四邑商工總會黃棣珊紀念中學、瑪利諾神父教會學校、寶血會上智英文書院、德雅中學、聖母玫瑰書院及長沙灣天主教英文中學。去年上述最後的五間英中，平均7.5人爭一個英中學額，當中又以長沙灣天主教英文中學的競爭最大，十人競爭一個學額。

收生準則方面，深水埗區英中的面試表現及教育局成績次弟均佔一定比重。德雅中學的面試表現及教育局成績次弟，合共佔收生準則的八成五，其餘課外活動、信仰及操行各佔百分之五。至於聖母玫瑰書院及長沙灣天主教英文中學，這兩方面亦分別佔收生準則的六成五及四成五。

在面試方面，寶血會上智英文書院表明以全英語進行面試，其餘學校都會以中、英文面試；形式有個別面見與小組討論兩部分。至於內容則通過自我介紹，以及時事及生活常識等問答，了解學生的溝通技巧、應對禮儀和學習生活等。

長沙灣天主教英文中學是區內競爭較激烈的英中，該校的面試表現佔收生準則的三成，而內容為講英文故事，考驗學生的英語表達及組織能力，以及透過與學生的對話，了解同學對不同事物的看法這兩部分，每位同學約有五至六分鐘時間進行。

[ 本帖最後由 jeremyphlam 於 09-11-27 14:37 編輯 ]

judy

升中網就更加冇得比，你話油天個校網唔好，咁深水埗網又好好嗎？油天升中還有St. Mary你冇數，爭係呢間加伊利沙伯已贏了深水埗網九條街了，還未同你數一線尾的 ...

升中網SFA和油天冇得比。

但升中派位油天和SFA冇得比。

咁，証明了甚麽呢？

kuenkuenmum

講漏咗潻，死黨個仔當年都考到聖芳濟，都喺怕讀死書而扣門油天，去了五次，終於感動到校長，開開心心入讀油天！

jeremyphlam

原帖由 judy 於 09-11-27 15:08 發表


升中網SFA和油天冇得比。

但升中派位油天和SFA冇得比。

咁，証明了甚麽呢？

分別係全港性的Band 1和地區性Band 1，最top的上智最多好循道少少。你估深水埗Band 1學生去油尖旺又駛唔駛跌Band呢？

有時候睇數據都要分析一下先o既，俾你100%派晒Band 1 SSP英中又如何？

話已說盡，你鍾意咪去讀SFA囉！

[ 本帖最後由 jeremyphlam 於 09-11-27 15:42 編輯 ]

judy

原帖由 jeremyphlam 於 09-11-27 15:22 發表


分別係全港性的Band 1和地區性Band 1，最top的上智最多好循道少少。你估深水埗Band 1學生去油尖旺又駛唔駛跌Band呢？

有時候睇數據都要分析一下先o既，俾你100%派晒Band 1 SSP英中又如何？

話已說盡，你鍾意咪去讀SFA囉！ ...

油尖旺有可能係全港性band1。油天身處其中，享盡幸運抽獎之好處，有66%上英中，但係，算得上好的得24%。假如油天生到深水埗，有冇10%能够升上好的英中呢？

ACACSC

Dear Shirley,

Secondary school is a big headache...

If just compare primary school to primary school, I will vote SFA because it can help your child to build a better foundation especially in languages (my own opinion only). My friend's son studying in SFA and can speak fluent English and good Mandarin. This is fact and that's why I am impressed!!

To me, language is VERY important and that's why I rank SFA higher.

Then no matter which secondary school or even university your child study, it should not have big problem...

However, to compare all factors in a long run, you are the only one to make decision as you know the best of your child and your own situation like having two childs etc. Don't too worry, both schools are good too!

jeremyphlam

原帖由 judy 於 09-11-27 16:01 發表


油尖旺有可能係全港性band1。油天身處其中，享盡幸運抽獎之好處，有66%上英中，但係，算得上好的得24%。假如油天生到深水埗，有冇10%能够升上好的英中呢？ ...

1. 你已講了個重點，書點都要讀，點解唔揀值搏率高的？同樣的Band 1生，油天派St. Mary，SFA派上智。以後的路是全然不同了。

2. 你的concept有d問題，油天生點會係深水埗派唔到好英中？不過有點我同意的，油天的Band 2頭學生，在深水埗應該是Band 1尾，係深水埗入地區性英中比油麻地機會大，但我們怎可能知道一個5歲小朋友將來的banding？

3. 老實，我唔明白點解有好地區的好津校唔讀，走去俾錢讀間課程過深又唔係好校網的私校。再者，樓主的細囡也能受惠於當今的派位制度。

4. 我唔知點解你要咁幫SFA，但請持平唔好誤導人。

[ 本帖最後由 jeremyphlam 於 09-11-27 16:52 編輯 ]

October.

原帖由 shirleyshek 於 09-11-26 16:06 發表
聽聞新校長投放好多心機同資源落學校...

程度方面,我都係中意以前既油天,讀得比較輕鬆.而派位都唔錯.

而家既油天,課程都幾深,新校長新作風, 係唔特別聰明既孩子,就要放多D時間溫書羅,要讀得名列前矛, 唔似得係BK吹下水咁容易.

係油天都唔一定要TOP 10既,近年有一屆3個女仔入maryknoll, 有2個都不是TOP 10.

SFA岀晒名程度深, 英文小學,平均英文水准肯定好過油天,不過, 中途有成十幾個%既學生離校.

個人意見,女仔深水埔網好過油尖旺;男仔油尖旺好過深水埔.

[ 本帖最後由 October. 於 09-11-27 17:24 編輯 ]

judy

1. 你已講了個重點，書點都要讀，點解唔揀值搏率高的？同樣的Band 1生，油天派St. Mary，SFA派上智。以後的路是全然不同了。

2. 你的concept有d問題，油天生點會係深水埗派唔到好英中？不過有點我同意的，油天的Band 2頭學生，在深水埗應該是Band 1尾，係深水埗入地區性英中比油麻地機會大，但我們怎可能知道一個5歲小朋友將來的banding？

派St Mary，派極唔係得3、4個。SFA考都考5個。此是一。第ニ，油天話有66%英中，band1生最多得55%，就算移到深水埗，最多6成band1，派英中更是凶多吉少。所以，我估以油天之实力，如除去油尖區之地利，到深水埗，只有10%入名英中，就係咁解。

老實，我唔明白點解有好地區的好津校唔讀，走去俾錢讀間課程過深又唔係好校網的私校。再者，樓主的細囡也能受惠於當今的派位制度。
4. 我唔知點解你要咁幫SFA，但請持平唔好誤導人。

一句，唔够SFA好！

QQ818

SFA 好.....i totally agree....SFA 絕對好過油天, 唔洗講la. 唔該走去睇下人地SFA d學生, 英文,普通話真係無得頂....油天(好有保留wor)....

原帖由 judy 於 09-11-27 17:53 發表


派St Mary，派極唔係得3、4個。SFA考都考5個。此是一。第ニ，油天話有66%英中，band1生最多得55%，就算移到深水埗，最多6成band1，派英中更是凶多吉少。所以，我估以油天之实力，如除去油尖區之地利，到深水埗，只有10%入名英中，就係咁 ...

Piaget

如果小朋友受到壓力，值得去SFA博一博。始終各方面水平比油天高些。但如果要考慮埋妹妹，我都唔識幫妳揀喇！

原帖由 shirleyshek 於 09-11-26 16:06 發表
我女是受到壓力的, 她都比較自動自覺的小朋友, 但是我怕她入左SFA真係讀書讀書同埋讀書, 讀到個人傻晒...怕佢辛苦唔開心...如果讀到真係好掂...我知道油天同SFA的程度有一段距離, 但津校黎講油天都係數一數二, 而家 ...

rookiemom

在網上，要講一句不付責任的說話是好容易，亦大把人鍾意將學校排名，但憑什麼標準？我覺得用‘絕對’的字眼太過武斷，根本兩間學校很不同，一間要俾錢，一間免費
，一間比較谷，一間比較活動，我知SFA的學生好叻（我先生都是在那裡畢業的），但油天的學生亦好叻，英文係冇SFA咁好，但油天的普通話都好叻，我們選擇油天是因為他們成績好時但冇咁大壓力，間學校好都要適合個小朋友性格的。

原帖由 QQ818 於 09-11-27 18:09 發表
SFA 好.....i totally agree....SFA 絕對好過油天, 唔洗講la. 唔該走去睇下人地SFA d學生, 英文,普通話真係無得頂....油天(好有保留wor)....

jeremyphlam

原帖由 rookiemom 於 09-11-28 09:09 發表
在網上，要講一句不付責任的說話是好容易，亦大把人鍾意將學校排名，但憑什麼標準？我覺得用‘絕對’的字眼太過武斷，根本兩間學校很不同，一間要俾錢，一間免費
，一間比較谷，一間比較活動，我知SFA的學生好叻（我先生都是在那裡畢業的），但 ...

算把啦，呢個世界有樣o野叫"打手".....