有無適合 1歲半 至 2歲的社交小組介紹?

someoneelse

咁細個邊有社交架？！話有都呃你喇....不如你做住其他訓練補吓底先喇...到一年後先再諗社交吧！

原帖由 pipi331 於 09-11-23 00:12 發表
有無適合 1歲半 至 2歲的社交小組介紹?
請多多指教, 謝謝!

someoneelse

如果係我，會先做好其他部份，例如找 PST 做cognitive、找OT做大小肌、感統等...如果孩子未有真正言語，不用嘥錢找ST 了，因為初步的言語教導(不是說發音)，一般 PST 也可做到...在玩的時候，PST 可以多強調物件名稱或多注意孩子一般禮貌上的回應......要明白，孩子不說話很多時係因為腦部發展不良而影響的....腦部根本指揮不了口部，怎開口說話....多做感統吧，有助腦部發展！

如孩子學校可接受，暫時不用煩吧....孩子要明白什麼是社交才會有社交呢...當孩子一切準備好，可能他也可以自己攪好社交了，因為想有玩伴嘛！

我兒一開始時也做很多感統的 (一星期3次)，真可幫助之後既發展，學野很有效率！

Good Luck!

原帖由 pipi331 於 09-11-23 00:47 發表


我個仔 自閉 2歲, 返緊普通n1 (老師話大致跟到程序), 咁可以點訓練社交呀??

佢做緊言語治療 (個別) 同埋 綜合訓練(個別), 排緊協康d小組, 有就比佢返, 個別的照做...

請多多指教. 謝謝! ...

[ 本帖最後由 someoneelse 於 09-11-23 18:09 編輯 ]

ricatong

多帶小朋友去遊樂場玩係最好的社交訓練

bobolam

請問咩叫PST?

原帖由 someoneelse 於 09-11-23 12:44 發表
如果係我，會先做好其他部份，例如找 PST 做cognitive、找OT做大小肌、感統等...如果孩子未有真正言語，不用嘥錢找ST 了，因為初步的言語教導(不是說發音)，一般 PST 也可做到...在玩的時候，PST 可以多強調物件名稱或多注意孩子 ...

someoneelse

沒有意思的不算語言...就算係有意思的單字，你自己也可幫他多作練習...老實說，暫不用幾佰蚊上 ST，除非那 ST 會幫小朋友做口肌訓練，咁總算有點用....
當年我囝仍未開口說句子前，我只靠 PST 幫他....你想想，當 PST 教小朋友 play skill 的時候，怎可以不說話呢？！例如教他做配對，也可多強調形狀、大小、顏色等詞語，孩子亦可即時跟隨學習.....
私人感統真很貴...你可以找一些平的，但當然是一大班人喇...可向以下查詢 (放心，兩間我都用過)：
http://www.cdcentre.com.hk/
http://www.counsellingplay.com.hk/

原帖由 pipi331 於 09-11-23 23:59 發表


我個仔講到單字, 太空話, st話言語 大概 1yr 3mon - 1yr 6 mon, 請問算唔算有言語?  系唔系可以比pst做埋?
您ot 感統系邊度做, 我見出面好貴.

someoneelse

http://www.heephong.org/chi/slp/files/pstforms.pdf

原帖由 bobolam 於 09-11-24 10:56 發表
請問咩叫PST?

nokia6300

hi someoneelse,

may i ask how do you know yr son have problem in SI? i am trying to find some training for my son but he is just 19-mth just can walk this month, not sure he can afford to start this kind of training?

how long yr son had been trained for PST? my son is not taking course in Creative Power, he may start PN next year (May 2010) and i want to train him well in order to catch up the PN lesson, is PST training like some intensive training?

tks a lot

someoneelse

我囝細時(1.9歲)會fing手 & rock 自己個身體喎...但太詳細的我都忘記了.....

一般比較搖晃度大或急的感統訓練最好要滿兩歲才開始，不過我囝當時也是未滿兩歲便開始....可做一些按/擦身體、輕微搖晃如鞦韆等都可幫助刺激孩子....專業如協康的一定會handle 到，但可能只有 1:1，比較貴....不過我覺得值得的！

我囝由1.9歲開始上私人 PST...高峰期一星期上3堂....由開始一個鐘內喊足40分鐘 (足兩個月都係咁)，到後期門鈴一響，自己會自動坐埋位等老師入屋......

2.5歲時入「樂天」，當時他已屬“高材生”(哈，真諷刺)....另加私人PST 一星期2堂.....

2.9歲轉讀「伴我童樂」....另加私人PST 一星期1堂....

3歲回主流kinder....另加私人PST一星期1堂 ....

3.7歲評估達標後停了 PST

現剛4歲...上學之餘會到 Watchdog 上小組 (一星期2日).....

至於 OT，也是由一開始1星期3次到最後1星期1次...現久唔久會上一堂咁....

BTW, PST & OT，時間同金錢許可的話，就算已回主流學校，長做也無壞的，放心....

原帖由 nokia6300 於 09-11-24 13:03 發表
hi someoneelse,

may i ask how do you know yr son have problem in SI? i am trying to find some training for my son but he is just 19-mth just can walk this month, not sure he can afford to start this  ...

[ 本帖最後由 someoneelse 於 09-11-24 15:36 編輯 ]

someoneelse

我囝其實一開始係排 S 位的...不過未排到前已去上私人S 位 (樂天)....中段 CAC 叫囝囝返去測語言，當時那裡的 ST 覺囝囝應不須入 S 位....她跟醫生商討後，經我同意下改排 E 位....(所以大家要儘快盡最大努力去幫小朋友...想想他們其實不是真的差成咁的！)
在3歲入主流幼稚園時，因為停了「伴」，所以便用了 E位 (當然時間上要安排一下喇)...但一用過私人的之後，便覺得正苦的不夠好....還覺得有點浪費時間 (可能當時囝囝已差不多了).....
一星期上幾多堂除左錢之外，亦要睇小朋友既吸收力....如果做極都唔入，上堂太密反而會消化不良...這要你去觀察/研究 & 同 PST 商量呢！

原帖由 pipi331 於 09-11-25 00:07 發表


請問您有無用正苦服務?
您當時點決定一星期上幾多堂pst?

nokia6300

我都係细仔,未足2歲,而家搵緊Nursery,但心大心细,唔知讀私人s位好d定點,都排緊s位,又心想改i位,真係好困腦!

同埋你仔收返 e 位時,係咪未 over 2 歲的?好似 over 2 歲唔可以再 apply e 位,是嗎?

而且搵細仔既 training 都唔易,排左heep hong,等緊!

pipi331,

你而家仔仔返緊咩?可否 share 一下?

someoneelse

我囝1.9歲被評...開始做私人上門的PST...到2歲入普通幼稚園 + PST....但一直發覺囝囝響學校只是一塊活動佈景板，老師不是不照顧他，但亦沒有能力令他明白現在發生什麼事....我囝也是很乖很聽指令的呢...到2.5歲我頂唔順了，雖然有上門 PST 幫手，但仍覺囝囝很 bb...當時因全港停課，反正留在家中，便轉他去「樂」...轉了一星期不夠便覺囝囝脫胎換骨，成個人既靈魂返哂黎 (小朋友有人明白同無人明白是差很遠的)...加上自己上門 PST 推動，那時我囝進步好快....上了4個月，「伴」有位，囝囝便轉過去，其實那時「伴」幫他做評估時已覺得囝囝不用上S 位的了，但我為穩陣起見，終讓囝囝留於 「伴」4個月...

一開始是私人上門 PST，1:1 (1星期2次)
後加協康私人 PST，1:1 (1星期1次)
之後返樂天半日班，Mon-Fri (自己 PST 仍繼續)
她們互相都知我囝有很多不同的老師跟緊...其實最緊要係小朋友吸唔吸收到...吸收到就 okay....但我亦承認，太多不同的老師，會有機會混淆小朋友的，因為各人的指令及要求也不一樣....

我囝以上時間，一直有試其他療法的，例如針灸、中藥、維他命等，不知有否幫助呢？！

原帖由 pipi331 於 09-11-25 01:12 發表


請問您系邊度上pst, 一個星期比您上3堂咁多?
我排緊協康, 唔知要排到幾時.
啱啱系私家開始做緊, 一星期一次, 都成 over 400蚊一節

我個2歲仔返緊普通n1 (老師話大致跟到程序, 能安坐), 但佢對口語的理解 / 眼神 ...

someoneelse

不是呀....反而 E位係最彈性的....好多上完S位，可以返出主流的都會由 S 轉出 E位....所以有很多很大才入呢！

原帖由 nokia6300 於 09-11-25 09:27 發表

同埋你仔收返 e 位時,係咪未 over 2 歲的?好似 over 2 歲唔可以再 apply e 位,是嗎?

yeeyeemum

Hi! pipi331,

我個仔返緊的私人訓練導師，都有適合的二人及4人的社交訓練小組給小朋友上，特別適合一些有語言及社交發展慢的小朋友上。

我個仔係最初被評估為有自閉症傾向及發展慢時，我都唔知點算，後來經朋友介紹，找這個私人導師，一開始一星期做2堂個別訓練，後來，加一堂2人社交訓練小組，係第二個月已經見到阿仔有明顯的進步，多了眼神接觸、開始有雙詞句子、開始掌握一些認知概念及多了主動與其他小朋友相處，呢啲都係係私人訓練度得到的進步，至於政府實在太慢，同唔了解我小朋友的需要，一開始要我排S位，由個私人導師訓練後，見他有明顯的進步，同埋肯坐定學嘢，個導師就建議我主動找醫服社工，再約做多次評估想改排I位，之後，二月後見醫生再做評估，醫生真係覺得阿仔整體都有進步，而且又安坐左很多，所以，醫生幫我個仔改排I位，後來係今年9月已經有I位學校收佢讀，但我仍繼續俾阿仔做私人的訓練來補底，因他已經比其他小朋友發展，而兼收老師的幫助有限，反而私人導師(PST)會跟得貼些，隨時可以因應我阿仔的進展而調節訓練內容來配合阿仔的需要，宜家每星期都去上一堂及社交小組。

而小朋友係一歲開始已經可以上社交堂啦！因為小朋友開始有語言溝通動機及想有人同佢玩時，不論是大人或小朋友，他們都應該要有社交小組來給予他們練習的機會，有接觸小朋友的機會才能夠刺激及啟發他們的社交需要，而一般小朋友在返N1班前，啲家長係小朋友未夠一歲時，已經四周去找PLAYGROUP俾小朋友上作學前預備，更何況係我地嘅發展稍遜的小朋友呢！所以，你囝囝將近兩歲及有單字及玩聲的表現，你可以搵一些社交訓練給他，來啟發他社交發展慢了的範圍。

原帖由 pipi331 於 09-11-23 00:12 發表
有無適合 1歲半 至 2歲的社交小組介紹?
請多多指教, 謝謝!

someoneelse

睇老師對小朋友既評價便略知一二....如果老師只能說出孩子一般日常飲食、行為等情況的話，那便是表面的...我的 case 更加是我一早已同學校講明囝囝有發展遲緩及未有語言的...校方答應有足夠人力物力去幫助，我先入讀的...已通知校方我是全職主婦，如果有關小朋友的一切要傾的話，我可隨時奉陪...加上我囝當時係插班生 (12月1號入學)，又係全班最細的...但一路幾個月以來，校方一句有關我囝的說話也沒說...每天接放學時，眼見老師同其他家長傾其他小朋友的好壞時，我的只是說拜拜而已....後來我特別約見老師，她也只可以說出我囝很乖，可跟大隊，肯坐定定聽故事等表面情況....一點對我囝深入些如老師對囝囝的感覺如何等比較由心的都說不出....為什麼說不出呢？因為對囝囝沒用心嘛....只是當他是一個 bb，並作託兒所式的照顧.....那根本不是上學，是虛渡光陰....試想如果囝囝沒有學校幫助，就算我有私人 PST 教導，也不可一時三刻到達正常小朋友的水平呢....以為在學習中，但其實只是“上學”....
(其實當時真有許多這麼的感覺，但現在回想也不大記起了....人，真善忘！)
老實說，我沒有怪那間學校，因為根本係錯配....

另讀了「樂天」後，感覺很特別...首先導師明白孩子問題所在，懂得幾時收幾時放、什麼程度、軟硬兼施等令孩子達到訓練目的，那學習便可得心應手.....另一樣是覺得囝囝之前響私人 PST 中所學得的，竟完全可以響相關場合中適當地運用.....人，就是這樣了：眼見囝囝響外面識做很多野，自己開心；同時囝囝自覺識做好多野，得到讚賞因而燃起鬥心，所以越做越好....最後囝囝越好，我越開心；我開心，囝囝開心....哈哈哈....

是否 A 對家長黎講好重要，但對孩子黎講，我地提供適合既訓練先至最重要....孩子欠缺什麼，我地盡力盡量補足夠吧！

Good luck!

原帖由 pipi331 於 09-11-25 12:57 發表


請問您點睇到 小朋友"響學校只是一塊活動佈景板" , "唔明系學校發生緊mud 事" ??

"轉了一星期不夠便覺囝囝脫胎換骨，成個人既靈魂返哂黎 (小朋友有人明白同無人明白是差很遠的)..."
有無例子..

我啱啱知亞仔可能 ...