[華夏盃]

Mrs.Yellow

thank you ch and fulltimemom.

silvia_ng

原帖由 Mrs.Yellow 於 10-2-9 13:39 發表
thank you ch and fulltimemom.

今日收到信啦, 今年都係880蚊一位喎....

mrs. yellow,
你會去嗎?

雪文

各位早晨 !  恭喜發財

我哋都決定唔參加決賽囉, 明年亞仔小五再唸.

如有人去的話, 返來請報料.

maglam1985

原帖由 fulltimemom 於 10-2-5 14:17 發表
I also had the experience last year.  I thought it was too expensive (can't remember the exact price, but $880 each person looks about right, minimum 2 people) and I called them and asked if I can go  ...

我覺得佢哋搶錢!我個仔有參加比賽, 無參加乜乜培訓班同去大陸比賽。
就睇佢連幼兒都唔放過就知。以前都無幼稚園比賽, 其我覺得幼稚園至小一或小二, 考倒啲乜呀? 好多連文字都未搞得掂, 又未開竅。

個人愚見: 小三開始先讀奧數都比較好, 另要視乎仔女嘅興趣, 冇興趣好唔好逼, 逼咗會有反效果。

kittylam

我都覺得佢地好搶錢，我都冇報過佢D培訓班，不過你話小一小二考唔到D乜咁就唔一定，因為仔仔考完講D題目出來有D我都唔識，但佢就識。
我都好同意以興趣為先，唔好為左滿足大人去逼小朋友學！

silvia_ng

我同爸爸傾完, 都係唔去啦。希望決定去既bk友"s小朋友可以獲得好成績!

一家的太陽

阿仔都參加咗幾年比賽,但從未參加過深圳嘅決賽.
有好強烈嘅搶錢feeling.
今年得知有增多幼稚園組別,第一嘅反應就係「大小通吃」.

原帖由 maglam1985 於 10-2-23 08:25 發表


我覺得佢哋搶錢!我個仔有參加比賽, 無參加乜乜培訓班同去大陸比賽。
就睇佢連幼兒都唔放過就知。以前都無幼稚園比賽, 其我覺得幼稚園至小一或小二, 考倒啲乜呀? 好多連文字都未搞得掂, 又未開竅。

個人愚見: 小三 ...

Ansonrubby

哇！好在看了這個分享！
咁交低個孩子比佢地(街邊)，好危險wor, even比我自己帶入場，我都驚中途看走了眼唔見左個仔，我好多年沒北上了，沒什麼應變"驚驗"呀！

原帖由 ch 於 10-2-4 09:15 發表
Hi

上年去左1次,勁差,仔仔話以後唔使指意再叫佢去

首先,等左好耐先上到大會架車,

跟住,架車去到考場附近就叫d細路自己落車(街邊),大人跟車去書城,上年我仔小五,我都好擔心,唔好講話再細d嗰d,好鬼擔心少咁個細路都 ...

EE0000

其實我覺得都幾搵$$, 培訓班+考試費, 我仔考完又話佢成績好, 叫佢再去深圳比賽, 又要$880@(大小同$), 大人一定跟去啦, 又千幾$!!  E+心大心細去唔去好???    

原帖由 ahpaahmi 於 09-11-2 09:38 發表
你小朋友幾歲？
請問你有冇報賽前培訓班？
知唔知係點？

Mrs.Yellow

原帖由 beryl88318 於 10-2-20 10:50 發表
有人参加過港澳盃嗎. 深過華夏盃嗎.

朋友高小的仔仔讀緊hkmo，如無記錯佢提過港澳盃是淺過華夏盃的。

小兒去年參加港澳盃初賽，今年參加華夏盃初賽，不過我自己覺得好難比較，因可能去年無去培訓班今年有，所以今年的名次較去年的高。

[ 本帖最後由 Mrs.Yellow 於 10-2-26 10:48 編輯 ]

Mrs.Yellow

原帖由 silvia_ng 於 10-2-17 19:50 發表
今日收到信啦, 今年都係880蚊一位喎....
mrs. yellow, 你會去嗎?

Silvia,

今日至睇到你問我野.... 之前我都很有興趣去玩吓的，不過看過樓上的message都驚驚地，同埋好懷疑比賽的認受性，怕用左Ｄ時間同金錢去得到Ｄ無人承認的證書or獎狀。
(請大家都比Ｄ意見）

其實我覺得之前個賽前培訓班教得幾好，如小朋友對數學有興趣，真係可以學到Ｄ野的。３個小時Ｄ細路都５會悶，亞仔讀得好開心，不過朋友的女就唔多like, 真要看自己細路的興趣。亞仔在培訓班學到野又開心，初賽的成績又比到他對數學的信心，我都算賺咗了。

silvia_ng

原帖由 Mrs.Yellow 於 10-2-26 11:34 發表


Silvia,

今日至睇到你問我野.... 之前我都很有興趣去玩吓的，不過看過樓上的message都驚驚地，同埋好懷疑比賽的認受性，怕用左Ｄ時間同金錢去得到Ｄ無人承認的證書or獎狀。
(請大家都比Ｄ意見）

其實我覺得之前個賽前培訓班教 ...

我尋日同d朋友傾開, 仍地話其他比賽都係咁上下價錢喎, 叫我當同佢join個day tour, 見識下囉。而家又攪到我十五十六(因為其中一個朋友係數學老師黎架)
但我仔之前冇上過培訓班, 又未學過, 睇黎都係陪跑居多...哈哈哈!

chinyyjudy

我問過奧數協會佢地話要5-6月份先出到獎狀, 好彩亞仔學校安排把成績結果加到成績表內, 所以趕得及用來In中學, 真好!

Chanv

舊年大約一個月就出到獎狀,而獎牌就即日有.

LittleKidult

http://hk.apple.nextmedia.com/template/apple/art_main.php?iss_id=20100326&sec_id=4104&art_id=13862072

kittylock

蘋果日報－2010-03-26

規定必須跟團　一天收 880元
華夏盃奧數賽被轟團費過高

不少教育機構開辦學術課程及舉辦比賽，讓學生考取證書及爭取獲獎機會，受不少家長追捧，學術也變得十分商業化。有小學六年級學生家長反映，兒子獲邀請到深圳參加一個數學奧林匹克比賽，惟必須參與香港協辦機構安排的指定旅行團前往，一天行程每位收 880元，家長必須陪同參與，質疑收費過高。
讀者陳先生（化名）夫婦來自基層家庭， 11歲兒子自幼喜愛數學，今年初在「華夏盃」全國中小學數學奧林匹克比賽香港區初賽中獲獎，早前收到協辦機構香港數學奧林匹克協會信件，邀請兒子參加 4月 4日在深圳舉行的決賽，「邀請信附隨一張旅行團行程表，如果參加比賽就一定要參加，但係團費好貴，去深圳一日，一個人收成 880蚊，好離譜！」陳先生指信中沒有交代比賽地點，他向該會查詢，職員回覆不可自行赴賽。
根據陳先生提供的信函及旅行團資料，報名學生可獲該會資助參加是次比賽的考試費，惟信中沒提及費用多少，而一天遊行程包括專車接送、午餐及兩小時深圳市觀光，但沒列出比賽地點，此外隨函附該會於 4月 2日舉辦的一天特訓班，收費 580元。陳先生質疑有人看準父母望子成龍的心態，製造商業活動。
根據該會網頁資料，該會於 03年創辦及註冊為非牟利團體，開辦數學奧林匹克課程，並與內地教育機構合辦奧數比賽。

初賽逾七千人得獎

該會公佈本屆「華夏盃」奧數香港區初賽得獎學生名單，級別由幼稚園至中二共九級，每級分設全港第一名（特等）、特等獎、一等獎、二等獎或三等獎，每個獎項獲獎又不止一人；記者計算過得獎學生名單，竟逾 7,000人。
本報曾聯絡香港數學奧林匹克協會回應上述投訴，並查詢是否內地主辦單位規定本港參賽學生必須參與該指定旅行團，以及參加學生可否自行赴考等，至截稿前未有回覆。記者曾以家長身份致電該會，接電話職員表示必須透過該會報團才可參加比賽， 880元費用已包括比賽所需費用，行程由旅行社負責，不用付小費，該會則負責比賽部份。
檔案編號： 0304042

讀好書重要過攞證書

教育評議會副主席何漢權認為香港往深圳的路程很短，成本有限， 880元收費並不合理。他又批評，坊間不少教育機構藉學術包裝成賺錢工具，「家長唔好錯誤理解中學收生制度，攞好多證書，以為可以提高子女升學叫價能力，其實係揠苗助長，最重要係實實在在幫助子女提高學術方面嘅知識。」
理工大學應用社會科學系講師崔日雄指出，近年中港兩地教育機構開辦奧數課程及舉行比賽成風，很多家長盲目追捧，他奉勸家長不應抱「人有我有」的心態，與其用錢買證書，不如鼓勵子女把書讀好更為實際。

[ 本帖最後由 kittylock 於 10-3-28 14:45 編輯 ]

早教媽媽

原帖由 kittylock 於 10-3-28 14:43 發表
蘋果日報－2010-03-26

每級分設全港第一名（特等）、特等獎、一等獎、二等獎或三等獎，每個獎項獲獎又不止一人；記者計算過得獎學生名單，竟逾 7,000人。

成7000人有份, 如果有1000 肯去, 1000 * $880 = $880, 000, 都真係一門賺錢的行業.....