幼稚園評估出現極度偏差,你地會出聲嗎?

kittymam

如題,絕無高估自己的小朋友,而係無可能差成咁(每星期測驗未試過錯架),想出聲又惊得罪老師(各老師出名惡死),唔出聲又覺太委屈,而且會影響將來小一叩門.你地可否幫下我分析下應該點做.
(我百分百肯定絕對評估偏差太緊要,詳情不便公開請諒解!)

idy926

小朋友而家係咪讀緊K3?扣門係咪會用下學期嘅評估？得吾得罪老師睇下你點講，如果你用一個了解的態度去同老師傾下得吾得呢，話想知道點解出現咁問題，屋企可以點配合，傍側擊敲睇睇問題係mug，如果小朋友係校外活動有其他好評語可以攞埋去比老師了解下，比我會同佢講份report對扣門好大影響，唯有動之以情，希望佢有同理心囉，吾好直接話老師錯，如果不得要領而理據係自己度，我會搵校長傾下，為左小朋友一定要盡力做番D野。

ppsfung

原帖由 kittymam 於 09-10-30 09:57 發表
如題,絕無高估自己的小朋友,而係無可能差成咁(每星期測驗未試過錯架),想出聲又惊得罪老師(各老師出名惡死),唔出聲又覺太委屈,而且會影響將來小一叩門.你地可否幫下我分析下應該點做.
(我百分百肯定絕對評估偏差太緊 ...

梗係要出聲啦! 正如你所講,可能會影响小一揾學校.如果小朋友因此揾唔到好小學,對幼稚園聲譽都唔好啦.
同老師傾吓,睇吓可否比機會再評估一次,或者比番個平常分你個小朋友啦.

MaggieHei

認同 idy926 所說, 同老師傾吓先啦.

velma

梗係要講啦, 講下唔洗死架嘛
扮哂嘢問佢幾項你覺得有問題嘅分
問老師點解會係咁
平日你小朋友係冇呢個問題喎
係咪平日上堂至有問題
問佢有咩方法可以改善
再同佢呻下咁對佢搵學校好有問題
睇下老師點講至算

surewin

講! 一定要講, 我仔也試過跟妳小朋友一樣, 一定要跟老師了解情況, 就算不是為找小學, 也應該要了解小朋友的強/弱項, 有時小朋友在家溫習時, 真係全部識哂, 但一返學校就忘記哂了, 所以要了解清楚真正原因, 看看有什麼方法可幫助小朋友解決學習的困難, 這才是正面的處理方法啊!

grDaddy

絶對認同idy926, 應先從了解的角度去傾, 而唔係一開口就話 [個小朋友無理由咁差,一定係學校錯]

召藥師

真係應該去了解吓喎! 咪問下老師小朋友份評估咁差，問佢係唔係小朋友學習上出現左問題，又或者係老師及同學面前表現唔好，同老師講妳想知道小朋友嘅問題後再係屋企幫小朋友改善。