自閉症是否會痊愈﹖

rachncurtsmom

有自閉症，是否一生一世的事呢﹖還是有一天醫生可以說「好翻啦﹗」

除了唔啋人之外，別人不容易看出我兒子有自閉症，而醫生也說將來會OK，到底以後是否要帶住自閉症這個名稱呢﹖

owl_2046

據我所知, 自閉症是不會痊癒的.
只可以透過訓練將徵狀減低.

原帖由 rachncurtsmom 於 09-10-28 00:56 發表
有自閉症，是否一生一世的事呢﹖還是有一天醫生可以說「好翻啦﹗」

除了唔啋人之外，別人不容易看出我兒子有自閉症，而醫生也說將來會OK，到底以後是否要帶住自閉症這個名稱呢﹖ ...

pollybell

係一生一世既事,自閉症有好多種類既症狀,每個人都可能有分別,其他人是否睇得出,都要睇佢既行為,同智力,越細就難察覺,到青少年時期其實都不難察覺係有問題.自閉症既名稱唔重要,與生俱來既同資優兒童一樣,問題你覺得係負面定正面.

bobolam

我相信沒有人覺得自閉症係正面的名詞.

原帖由 pollybell 於 09-10-28 11:01 發表
係一生一世既事,自閉症有好多種類既症狀,每個人都可能有分別,其他人是否睇得出,都要睇佢既行為,同智力,越細就難察覺,到青少年時期其實都不難察覺係有問題.自閉症既名稱唔重要,與生俱來既同資優兒童一樣,問題你覺得係 ...

someoneelse

那要睇你會否一生一世都用某角度去睇你囝囝了...基本上，孩子到達某一歲數/階段時，他們的過去只是一個記錄...意思係，只有你或家人或孩子本身先會對"自閉"有特別意義...外人，在公在私，都唔會理你有咩問題，一切以能力作依歸...講白一點，如孩子同人講自己係自閉既，對方唔會特別優待佢去俾份工佢做..亦不會因為咁而特別體諒孩子....世上從來都係有能者居之，無論生活、工作、甚至愛情....
趁還有時間，趕快裝備好囝囝吧！

原帖由 rachncurtsmom 於 09-10-28 00:56 發表
到底以後是否要帶住自閉症這個名稱呢﹖ ...

pollybell

我想講俾樓主知道自己既想法好重要,認為自己因擁有自閉症子女而受到他人標簽,疏遠,責備及輕視,將這種外界歧視轉換為「自我歧視」負面評價自己,遠離人群,或產生其他情緒問題,會直接影響子女.所以要正面去思考,凡事都有正負兩面.

原帖由 bobolam 於 09-10-28 12:06 發表
我相信沒有人覺得自閉症係正面的名詞.

sharon26788

係一生一世既.
我而家都覺得囝囝唔係自閉啊(安慰下自己咁姐),祇係有時唔順心脾氣就差少少,普通小朋友都會啦;其實最主要就係自己,家人,點樣看待,心態問題.

bobolam

我明白係要正面的態度去面對自閉症, 但真係睇唔到自閉症有正面的一面, 或許我太悲觀了.

原帖由 pollybell 於 09-10-28 16:27 發表
我想講俾樓主知道自己既想法好重要,認為自己因擁有自閉症子女而受到他人標簽,疏遠,責備及輕視,將這種外界歧視轉換為「自我歧視」負面評價自己,遠離人群,或產生其他情緒問題,會直接影響子女.所以要正面去思考,凡事都 ...

hcily

當我知道個仔可能有自閉時,我就想,作為一個正常人,我經常會受人影響,生活中太多時候要顧及他人的意見及感受,其實是很累的,但我個仔則不會,他頗滿足於自己的世界,對別人不太理會,其實某程度上都幾開心的,只要他長大後有謀生能力,我認為他這樣的性格沒大問題. 這算不算是自閉症正面的地方?

sharon26788

正面:呢一類既小朋友都係善良既多,唔會有想害人既諗法,真係可以講係好純.呢樣都係有好有唔好既.
做人唔好太過悲觀.

HIMHIMDH

其實小朋友係唔係自閉症都不重要 , 最重要係你係他媽媽,而他係你小朋友,仲然小朋友和其他小朋友有些不同,都不會改變你們之間關係,祗要多些愛,多些包容,其實他們是同其他人沒有分別.
他們好多優點,他們懂得愛,我們同他們的愛是相互的,有對流的,不是父母單方面的付出.加油:) ,你小朋友好需要你,不要再負面,要正面一些才可以幫到自己和小朋友.

[ 本帖最後由 HIMHIMDH 於 09-10-30 00:20 編輯 ]

rachncurtsmom

我的疑問是，如果自閉症係一生一世的話，咁即係可以話唔會痊愈，對他日後到底會有多少影响呢﹖

而如果佢可以做到其他人做的事，又為什麼要標簽佢呢﹖因為對自閉症不認識的人，絕對會戴有色眼鏡睇自閉症，我不希望我兒子得到特別對待。

pollybell

你講既能力只係工作一部份,工作既另一部分包括溝通.
自閉症人士最大問題是社交技巧及理解能力較弱,容易在工作上與人產生磨擦,令人際關係變差,不過他們專注力強,對重複或資料輸入的工作絕對勝任,只要在返工前清楚向自閉症人士講述工作每個步驟,就不會產生問題.

但你可唔可以選擇忍瞞?????瞞得幾耐????所以呢個係唔係標籤,睇你自己點睇.無人會優待一個不勝任工作既人.人總有缺點,唔好放大成標籤.

rachncurtsmom

原帖由 pollybell 於 09-10-30 16:47 發表
你講既能力只係工作一部份,工作既另一部分包括溝通.
自閉症人士最大問題是社交技巧及理解能力較弱,容易在工作上與人產生磨擦,令人際關係變差,不過他們專注力強,對重複或資料輸入的工作絕對勝任,只要在返工前清楚向自 ...

好多謝你的解釋，我兒子現在還未到兩歲，仍有很多未知數。

其實要判斷是否自閉症，要做一些tests，如果第二次做tests的結果不是自閉症的話，不就叫痊愈了嗎﹖還是一定無可能做出不是自閉症的結果呢﹖我又覺得未必，下次有機會一定要問一問醫生。

nokia6300

不要太worry,先要focus如何take care仔仔,會對仔仔好d,我仔都未2yrs,又係好似a仔,又好似唔係,of course,心緊想唔好啦,但if assessement 既result係,都要接受,要接受很難,但如何幫助呢d小朋友健康長大,係更難,所以傷心一陣便要堅強起來,好好plan一下如何比training 仔仔會仲好!

我一個好好朋友既姪仔,3歲讀k1時先發現有自閉正,不過唔係好嚴重,而佢爸爸我都識,我同我好朋友回想返我地兒時,原來佢哥哥都似係一個自閉兒童(like玩圓的東西,可以玩一個宵機幾個鍾,讀書唔多但可以用英語溝通,可以自己睇書而識曬一架areoplane既結構),不過,當時社會未必有咁多resources,而且我地上一伐既父母都唔會好似我地咁照顧小朋友,所以唔會發覺,而佢而家已經長大,有自己工作,有家庭,但honestly,佢一向都係怪怪的,總有自己一套,如家庭經濟唔係太好,會買一部貴車,就如而家佢仔仔有自閉正,佢都覺沒有咩問題,所以,如有自閉正,我信是一生一世,但會否影響到佢長大工作,同我們做家長有冇比training佢,會有好大 relatioinship,所以,唔好唸太多,好好plan一下如何幫仔仔還是首要做的事,加油呀mami ^^

p.s.:阿哥哥的生活是很開心的,只是....佢太太及佢家人總要因佢而煩惱.....

anan3388

原帖由 rachncurtsmom 於 09-10-31 00:21 發表


好多謝你的解釋，我兒子現在還未到兩歲，仍有很多未知數。

其實要判斷是否自閉症，要做一些tests，如果第二次做tests的結果不是自閉症的話，不就叫痊愈了嗎﹖還是一定無可能做出不是自閉症的結果呢﹖我又覺得未必，下次有機會一定 ...

咁可能第一次斷症時小朋友狀態唔好，所以自閉特徵明顯，但睇二次時狀態好。

始終自閉症係靠觀察而斷症，所以好視乎個醫師或心理學家既專業程度，同埋小朋友既狀態。另，小朋友既年齡亦好重要，有些好細個而去評估，或許係個發展階段未到，發展到，就無左ｄ徵狀

外國都有呢ｄ例子，你可以睇”語言發展遲緩的小孩”及”語障天才”。

另外，有些相信生物療法既家長，亦有說自己的小孩 recover from autism。

此外，有些例子是通過 DIR 地板時間”治好”的，你可以看”特殊兒教養寶典”和”自閉兒教養寶典”，作者並不認為自閉症是不能治的。另一個治療方法RDI （”解開人際關係互動之謎”一書）亦有一些經過治療後有很大進步的例子。

當然，有些小孩的自閉徵狀是跟著他一生的。但，自閉只是小孩既一部份，他／她同時都可以是一個可愛的小孩呀。只要肯去理解一下，每個小孩都有佢獨特而可愛既地方。

[ 本帖最後由 anan3388 於 09-10-31 18:26 編輯 ]