自閉証跟看電視有冇關?

仔女亞媽

小兒剛剛被評為社交及溝通弱, 自閉証, 很難接受, 有人說 迪x尼 英語xx教才太 單向了, 小兒自細很沉迷看, 對英文字, 數字特別敏感, 有冇媽咪聽講過?

yokolee

本人認為有關係。

我覺得近年咁多自閉症傾向的幼兒出現,主要是以下3種原因同時發生：
1) 獨生子女 > 過戶保護 + 缺乏溝通對象
2) 在職媽媽 > 外傭照顧 > 雙語發展 > 語言發展遲緩
3) 常獨自看電視 > 單向溝通 > 缺乏回應/亙動模式

以上純粹個人意見。

pollybell

自閉症係天生,絕對唔係後天既影響.

mamee

原帖由 yokolee 於 09-10-24 12:54 發表
本人認為有關係。

我覺得近年咁多自閉症傾向的幼兒出現,主要是以下3種原因同時發生：
1) 獨生子女 > 過戶保護 + 缺乏溝通對象
2) 在職媽媽 > 外傭照顧 > 雙語發展 > 語言發展遲緩
3) 常獨自看電視 > 單向溝通 > 缺乏 ...

語言遲緩, 我會覺得多少歸咎以上原因. 但自閉証係天生.

anan3388

我個仔仔同你既小朋友都有類似情況, 我都明白你既心情。

佢個情況點呢, 係自閉傾向, 定係典型自閉症呀?佢幾大呀?

暫時無 research 係話睇電視會引起自閉症, 因為自閉症係大腦神經功能問題而引起, 而唔係睇電視引起既。但係, 缺乏互動及語言混淆係會令個情況更加唔好。不過, 有些因為只睇電視導致發展遲緩既小朋友, 佢既行為可以同自閉症表面特徵相似, 可能會被評為自閉, 呢類小朋友大個左同埋多左接觸人之後, 係會無左自閉徵狀, 但, 唔係因為佢地"好返", 而係佢地一開始就唔係, 只係似...

其實適當既睇電視會幫到自閉症小朋友, 因為呢類小朋友對圖像比較敏感, 當然, 都視乎你睇咩電視, 同埋睇幾耐啦。

另, 喜歡文字同數字都可以利用黎引起佢興趣, 例如數一二三引佢望你, 同仔仔落樓梯時我會同佢數數字。我用字咭教佢d字詞然後先配返d實物。我仔仔記字母數字文字都好好, 結果這些帶動到佢, 由唔開口, 到依家都講到幾十個詞語(未好識用)都係咁教。

我知你個心情都會好難過, 難過完之後, 你要盡快俾適當訓練佢, 佢應該仲細個吧? 仲有好大進步空間的。加油

原帖由 仔女亞媽 於 09-10-24 12:26 發表
小兒剛剛被評為社交及溝通弱, 自閉証, 很難接受, 有人說 迪x尼 英語xx教才太 單向了, 小兒自細很沉迷看, 對英文字, 數字特別敏感, 有冇媽咪聽講過? ...

仔女亞媽

我也只有接收, 佢剛讀k1, 3歲2月. 跟幼稚園老師, 校長談, 佢地叫我排 i 位, 因為全面d, 覺得對小兒 社交及溝通有幫助, 覺得 e 位 幫助不大, 但 小兒很喜歡這間幼稚園, 我又驚佢由半日轉去全日, 再加上轉校, 佢未能適應, 不喜歡ｉ位學校，到時仲煩，  　

Chunmother

樓主你好!我仔仔兩歲四個月,同你個仔的情況好似!一時三刻我都未接受到,以家都係排緊 I 位! 請問你有冇帶仔仔出去接受一些私人治療呢? 我好想盡快幫我仔仔希望佢可以與同年紀的小朋友唔好相距咁遠!

仔女亞媽

原帖由 Chunmother 於 09-10-25 00:44 發表
樓主你好!我仔仔兩歲四個月,同你個仔的情況好似!一時三刻我都未接受到,以家都係排緊 I 位! 請問你有冇帶仔仔出去接受一些私人治療呢? 我好想盡快幫我仔仔希望佢可以與同年紀的小朋友唔好相距咁遠! ...

未呀! 打去協康會,青蔥計劃, 耀能, 好多活動都要等, 因為已經開左班, 我又唔想去d 私人做, 又唔知質數好唔好, 剛剛報左 協康會 係 白田, 其他唯有再等...

yokolee

自閉症當然係先天因素影響，但我覺得近年咁多被評估為”自閉症傾向”的幼兒出現, 同後天環境好有影響。

不過，無論醫學名稱是什麼，都必要加強訓練個人弱項。

原帖由 mamee 於 09-10-24 17:18 發表


語言遲緩, 我會覺得多少歸咎以上原因. 但自閉証係天生.

anan3388

原帖由 Chunmother 於 09-10-25 00:44 發表
樓主你好!我仔仔兩歲四個月,同你個仔的情況好似!一時三刻我都未接受到,以家都係排緊 I 位! 請問你有冇帶仔仔出去接受一些私人治療呢? 我好想盡快幫我仔仔希望佢可以與同年紀的小朋友唔好相距咁遠! ...

密集式訓練 (一個星期5days, 2-3hrs):
快d會有位: 邁步, 樂天教室<-(依間應有位), 領思
要排耐d但係字號老d: 協康青葱計劃, 耀能
仲有其他: 努力試課程

幼兒導師個別訓練
以上的都應該有

語言個別訓練:
以上的都應該有, 另仲有呢 2 間:
專業言語治療及聽力服務中心 (始創, 31078880)
唯聽

我所知的其他:
東華三院
朗研社
遊戲治療室

你個小朋友評估邊方面弱呢? 建議邊間最快有就去邊間, 上去參觀下順便問問題。最緊要快開始, 然後你再識下d同學仔mami傾下偈找多d資料, 再睇下無無適合你小朋友既訓練啦

someoneelse

我大姪女，由於當時佢係整家族中唯一小孩，無人識照顧 (唔好講話早期教育)....佢好好動，精力旺盛，唯有俾佢睇電視先可以令佢安坐下來....一睇就睇到天昏地暗....無論臨瞓前最後一句說話或剛瞓醒第一句說話或發開口夢都係講其中一卡通片內既情節....我地當時無人識驚，所以無人阻止事情發生....相反仲越買越多唔同既卡通片俾佢睇.....到K3時，佢爸爸媽咪正式開始教育囡囡喇....開始正常作息生活....咁，佢就改正過黎喇....佢，無自閉症/傾向呢！
想講，正常既點養都無事.....

sukywan

仔女亞媽, Chunmother,

協康會除了青蔥服務外, 妳們也可考慮它的健樂會活動和家長資源中心的活動, 最近應該推出了新一期的活動詳情, 快去協康會的網頁看看吧! 因為名額有限, 通常很快就滿額的了;
另外, 我最近申請協康的pst(幼兒導師訓練)很快便有位, 可能我没指定要到某一間中心上堂, 我只填九龍東和九龍西都可以, 結果很快便有位了, 如妳們真的很心急, 也可先排pst訓練, 讓小朋友由基礎訓練開始學起(如妳們的小朋友在這方面有需要), 因為st, ot就真的要排比較長時間的; 我的小朋友比妳們的還要細, 亦只在牙牙學語的階段, 不過, 我相信透過適當的訓練, 我們的小朋友都會有所進步的, 加油!

原帖由 仔女亞媽 於 09-10-25 01:37 發表



未呀! 打去協康會,青蔥計劃, 耀能, 好多活動都要等, 因為已經開左班, 我又唔想去d 私人做, 又唔知質數好唔好, 剛剛報左 協康會 係 白田, 其他唯有再等... ...

nokia6300

hi sukywan,

may i ask the details of the course of 協康的pst(幼兒導師訓練)? coz i cant find it from it's website??

tks

sukywan

nokia6300,

pst是由幼兒導師負責的個別訓練, 主要是從學習基礎開始, 如: 安坐, 聽指令, 認知(身體, 物件, 顏色, 形狀.......等), 主要視乎小朋友的需要, 第一堂會先做評估, 然後由老師訂訓練內容, 第二堂開始上堂; 個人認為如小朋友細的話, 可先做pst的訓練, 因為即使上st,ot, 都因小朋友太細, 可能所學的和pst裡所教的都大同小異(除非小朋友在st,ot方面有特別需要, 如:口肌問題, 感覺統合......等), 而pst的收費就比st,ot的便宜, 所以妳可考慮一下;

協康會網頁: www.heephong.org
電話: 23937555

妳可在青蔥服務裡找到下載表格及詳細介紹

原帖由 nokia6300 於 09-10-25 22:26 發表
hi sukywan,

may i ask the details of the course of 協康的pst(幼兒導師訓練)? coz i cant find it from it's website??

tks

仔女亞媽

原帖由 sukywan 於 09-10-26 08:48 發表
nokia6300,

pst是由幼兒導師負責的個別訓練, 主要是從學習基礎開始, 如: 安坐, 聽指令, 認知(身體, 物件, 顏色, 形狀.......等), 主要視乎小朋友的需要, 第一堂會先做評估, 然後由老師訂訓練內容, 第二堂開始上堂;  ...

sukywan, nokia6300,

我有上網check過, 真係好貴:;pppp:啊！ 因是個別訓練，而本人是全職媽媽，金錢絕對是考慮因素， 　有冇聽過　庭恩ｏ既言語訓練，好似平些　＄３００一節，點解度度都咁貴？嗚嗚．．．　

ChattyST

庭恩係主要服務低收入家庭, 同埋有公益金贊助, 所以收費平啲.

聖雅各福群會, 香港明愛好似都有減免收費嘅計劃. 你可以打電話去問問

其他私人ST 都有減免收費嘅計劃. 你都可以申請.

anan3388

原帖由 仔女亞媽 於 09-10-27 03:08 發表



sukywan, nokia6300,

我有上網check過, 真係好貴:;pppp:啊！ 因是個別訓練，而本人是全職媽媽，金錢絕對是考慮因素， 　有冇聽過　庭恩ｏ既言語訓練，好似平些　＄３００一節，點解度度都咁貴？嗚嗚．．．　 ...

雖然唔平，但係我個人認為係值。就算唔個個 week 上，隔 week 或甚至一個月去一次都要去呀。其實當 450 一堂，一個月 $1800, 返 playgroup 或幼兒園都要。唔早 d 幫佢，遲 d 要花既金錢同時間仲多呀。或者，你個 budget 唔夠一直俾佢上，最少你都上一兩個月，自己學識左個方法黎教佢，記住，其實教佢既人係自己，所以唔係只係佢去上堂，係家長去學習呀。(個人意見 only)

若 $ 真係一個好大既問題，你可以全部自學去 train 佢，參加協康會既家長資源中心, $70 一年可以借書借玩具；圖書館都好多相關既書，教哂你 d 活動，當然自學唔係咁易，但，為左小朋友，千萬要針對性訓練佢，時間過左去就無得返轉頭。加油呀

hcily

孩子看太多電視當然不好,但大家有沒有想過,大人看太多電視,也間接剝削了孩子與你互動的時間,我家以前也有看電視,特別是黃金時間的劇,一家人邊吃飯邊看,看得投入時,甚麼人也不理了. 自從發現孩子有事後,我家的電視已極少開,只看新聞及天氣,家裡靜了很多,也多了很多空間時間跟孩子玩. 這真要多謝家人的合作,包括老爺奶奶,要老人家不看電視其實不易,但他們都很配合.