請給點意見,(內容長篇)

bryanssf

小女今年升小二,開學初,有一天小女很開心同我說:班主任給她做臨時班長.
我問小女:什麼是臨時班長?
小女答:班主任話如果做得好,就是正式班長.
我對小女說:如果你想做班長,就要俾心機.

過了約一星期,小女因發燒感冒請假三天(星期一至星期三),跟住回校的兩天,小女發現班主任冇再叫小女幫她做事
跟住再過了一星期,小女同我說:我唔知仲係唔係班長?(其實在這一星期裡,小女已經不只一次向我說出這事
我反問小女:點解咁講.
小女說:有位同學a做了班長,這位同學a仲同我女兒講,你唔係女班長,我先至係女班長;同學a仲周圍對其他同班同學講自己是女班長.
我心想:咁奇怪. 我就問小女:班主任有冇同你講你唔係班長?
小女答:冇.跟住我叫女兒唔好想,快d訓覺(因為女兒同我講的時候,係臨訓時間)

之後我地兩公婆討論此事.我地都覺得此事好似有d困擾小女的情緒,好似唔係幾好.我老公就話不如直接打電話俾班主任詢問此事,我話不如教女兒自己試下問老師,我覺得女兒開始長大,可以俾機會她怎樣解決問題.我地都同意咁樣做.

跟住,我教女兒問老師,我仲係唔係班長,點解我唔需要幫老師做事.

第二日, 女兒就跟足我教她向老師的提問.結果,女兒成功得到答案.
女兒放學後即刻打電話俾我,同我講已經問左老師,老師亦回答她.但我聽完女兒的答案,我真係好嬲,
老師回答小女:你好番未呀
小女答:差不多.
老師:你係咪想做班長,不如下學期俾你做.
小女:哦!

我地兩公婆覺得有冇搞錯,我覺得小女問班主任,佢先至講邊個係班長,簡直離譜.

跟住上星期,小女對我說欠交功課,我問點解,因為每晚我都會同小女檢查功課,我好肯定小女帶齊功課,我再問小女點解,小女說:當佢交功課時,班主任對小女說:你仲欠一張工作紙.小女即時再睇書包有冇工作紙,小女很慌張,之後小女發現有一張工作紙沒寫姓名,小女很快在工作紙上寫名,但被班主任發現,並說這張工作紙不是小女,是另一位同學,(其實我幫小女檢查功課時,我好肯定全部都有寫名),跟住班主任仲懲罰小女同其他欠交同學.
當小女同我講時,我都同女兒講你唔應該胡亂填寫名字在其他工作紙.

之後,回到家中,我都再同女兒尋找個張工作紙是否在其他書本,但沒有發現,於是,我在手冊寫了張紙條給班主任,請老師代小女再找一找有沒有她的工作紙.但小女沒有給班主任看紙條,只是同老師講找不到工作紙,老師便說,冇所謂!
我聽完之後.真係覺得老師好求其.

今天,小女再同我講起上次欠交功課時,老師懲罰她之餘,還對她說你冇資格做班長.我聽完之後,真係好鬼嬲.

我真係想去學校同呢位老師講清楚.我唔知咁做會唔會影響女兒以後在學校的生活!

請給點意見...









.

Annabellalaw

bryanssf,

做法很簡單,只需坦誠地向班主任表達女兒情緒上的困繞和遺失工作紙一事的看法,你不把意見提出,有些老師就不會關注和改進,

原帖由 bryanssf 於 09-10-11 23:57 發表
小女今年升小二,開學初,有一天小女很開心同我說:班主任給她做臨時班長.
我問小女:什麼是臨時班長?
小女答:班主任話如果做得好,就是正式班長.
我對小女說:如果你想做班長,就要俾心機.

過了約一星期,小女因發燒感冒請 ...

Sherryko9

我都好明白身為媽咪的心情,每間學校緊有些有心老師和求其老師,在這6年時間(小學)實有1間係左緊,睇你運氣.
有時小朋友表達能力無咁好,又或者老師和小朋友溝通有些少出入,都會困擾到大人和小朋友;如果真係咁,身為父母就要主動出擊,以一個好關心小朋友和體諒老師的口吻打電話,詢問老師,了解小朋友在校情況和小朋友的困擾,唔好以為咁樣會令老師對小朋友印象差,一個關心自己(並不表示麻煩家長)小朋友的父母反會令老師不敢鬆懈.初初媽咪我亦以為常聯絡老師的家長是麻煩的,但怕麻煩的家長日後面對問題可能更大,當然不是叫家長每樣小事都打電話向老師投訴呢!如果是小事就要小朋友自己面對和處理,例如:和同學間的相處,除非是受到集體欺凌.學校生活就是如此,等同大人現實世界,你會聽到一些令你難受的說話,如:我是女班長,你不是...等,教教小朋友不要太過理會別人說話,最緊要"問心無愧".

grace_xian

遇到咁架事, 我一定會聯絡該老師, 問淸楚你囡囡所講係咪真, 因為真的有小朋友同老師溝通之後再講比家長聽時走晒樣的

我諗你聽下老師點講先, 再同她溝通你囡囡情緒上的問題,

有時有些老師會講一些傷自尊心的說話比同學聽, 你可以問老師是否有咁架需要, 再了解老師係buy哪一套的教學方法, 多啲去學校溝通, 交流, 會對你處理問題有利

原帖由 bryanssf 於 09-10-11 23:57 發表
小女今年升小二,開學初,有一天小女很開心同我說:班主任給她做臨時班長.
我問小女:什麼是臨時班長?
小女答:班主任話如果做得好,就是正式班長.
我對小女說:如果你想做班長,就要俾心機.

過了約一星期,小女因發燒感冒請 ...

bryanssf

原帖由 Sherryko9 於 09-10-12 11:09 發表
我都好明白身為媽咪的心情,每間學校緊有些有心老師和求其老師,在這6年時間(小學)實有1間係左緊,睇你運氣.
有時小朋友表達能力無咁好,又或者老師和小朋友溝通有些少出入,都會困擾到大人和小朋友;如果真係咁,身為父母 ...

當小女同我講那位同學說小女不是班長時,我都同小女不要埋會她(因為那時我和小女並未清楚知道誰是班長),到後來知道結果,我都同小女不要再埋會這位女班長,只要"問心無愧"(如你所說)努力讀書便可以.

boying

韜光養晦 !

happyvalley

我囡都係原本話做臨時班長，最後變左無得做，佢真係好唔開心，不過我就利用這次機會，教佢點樣學習自己解決問題，及好好管理自己的情緒。

最後，就因為自己仍然保持負責任，同學之間的事都自行解決，及得到另一份學校的義務工作，除左學會應付問題，及明白左自信心的重要性。

所以『塞翁失馬，焉知非福』

bryanssf

原帖由 jane_hl999 於 09-10-13 14:10 發表

bryanssf：
　　　看完你的“長篇”，我想講講自己的心得。今年，我仔仔的班主任換左人，不同老師不同的辦事作風，我的小朋友也遇到‘仿似’你囡囡情況，我甚至有一晚還因覺得老師不負責任而睡得不好。但事後事情有所改變，我對老 ...

看完你的文章後,當想嘗試打電話俾老師時,今天,小女放學後,同我說老師已經找回她的另一張工作紙,並在手冊上刪除"請補交"的字眼.