百年一遇! 培正開放日!

Rayli

老公是個培正人(由幼稚園讀到中六畢業, 十萬分希望囡囡讀到培正, 但我就不是十分keen on中文學校). 為了多了解這學校, 我今天有去open day, 但我個人就不太喜歡培正(只是個人意見, 培正fans不要angry).  

基本上主要去幼稚園部, 小學部行了一陣, 好似好多活動同表演.  幼稚園呢, 老師真的較其他學校的老, 其實這並不重要, 但她們只是穿上華衣(因為今晚有120週年活動), 三五成群的企係一邊或在走廊上傾計(好似係boutique度只係講電話同同鄰店店員傾計唔賣野個d sales咁), 完全沒有理會參觀的大人及小朋友, 對小朋友一d愛心都見唔到!!!例如我個囡係一個課室玩完遊戲, 見到有個洗手盤, 老公便同佢去洗手 (我囡好鍾意洗手), 跟住有個老師走個黎話個唔可以洗手(咁又唔貼張紙係度!), 跟住個囡到另一個課室見到有4個放左唔同物料, 如米, 紅豆的盒, 又有人教點玩, 亞囡咪張d米呀, 豆呀係一盒放到另一個盒度, 根住又有個老師走過黎話唔係咁玩架!! 樣樣都say no, 好勞氣. 校工姐姐個個都係黒口黑面(老公話以前都係咁).

唯一令人驚喜的是個小朋友洗手間整得好靚, 好多心得意既動物公仔係wall 度, 我個囡鍾意度離開左學校都要折返,去多一次wee wee !!

鈞堯媽

我今日都有帶囝囝去玩, 諗住等佢熟習下環境, 下月 interview 時會無咁驚, 點知個囝一點都不喜歡, 行咗一陣就話要走 ! 今日只參觀幼稚園部, 印象都係麻麻, 真係完全唔知邊 d 係老師, 相對其他學校嘅 open day, pc 好似無咁花心思! 不過 pc 始終係一間有口碑的好學校, 希望囝囝下個月 interview 時唔會好似今日咁猛話要走啦 !

EggEgg08

今日去參觀都覺得d學生好純..校風好好...而且校舍好大, 資源充足...其實以佢歷史來計算保養得好好....不過都有唔喜歡的地方: 見幾位唔同的老師對學生說話的態度都好"威嚴"...我地上佐幼稚園部高層which is not open to public (但佢冇欄住亦冇牌寫住唔入得), 剛剛有個老師經過我們身邊背著我們用老師威嚴的語氣說"家長呢度唔開放gar!" 當時覺得佢好冇禮貌, 第一, 小朋友都知同人講說話要面向人...第二, 我地點都係guest, 點都應該有句"唔好意思" 呢d係最基本禮貌lor...不過這只是個別它老師問題...不過我諗因為呢度老師如此威嚴學生才會那麼純~~ 另外參選小朋友貼堂的作品, 發覺都很漂亮..但同一種類的勞作/畫唔同小朋友作品的style都參不多....這跟我參選其他一些幼稚園很不同...似乎呢度著重follow多於creative......

anteater

d老師咁嚴,當然會教到d學生好純,那是本人當年讀書學校的一貫作風,到了今時今日,你想子女係好"純"=鈍?(有時純得滯,就會變鈍O架嗎),OR座唔定四處走?

無一間學校是十全十美,睇你想要什麼.  不過我一定唔buy d 老師太嚴.  年紀太大,失去了童真

[ 本帖最後由 anteater 於 09-12-1 17:14 編輯 ]

SosoB

我去完參觀之後都有同感，學校的硬件好好，開放日準備給小朋友玩的都好吸引。

不過軟件放面就真係.....唉

係唔係見自己工作的學校有些名氣，所以自己都好似威d 。
如大家一樣，入到去課室都唔知邊個係老師。行近d 見到邊個掛住條藍色繩牌，才知佢係老師。不過知與唔知都無特別，因佢地係唔會理會外來家長或小朋友的，自己三五成群密密傾。向家長講解這一環，我自己當日就沒有見到!

最受氣的就是被人"老啤"及叫走，都係一句"呢度唔開放gar!"   可能自己已沒有了校園生活十多年，對於那些"威嚴"的語氣真係頂唔住!!  再加上個問題係樓梯位沒有任何字句或欄說樓上一層不設開放，當然會照行上去la!好似我地偷偷地上樓上...真激氣...平時她們是否這樣的身教?

選學校真的要親力親為，好好到學校親自了解一下，始終每個人說好的定義都不同。