心情很差

milkylok

同亞仔Interview 咗多間學校, 有D已經有result, 心儀的學校Failed, 其他的都只係 Waiting List。 黎緊重有幾間要interview, 但依家己經有D灰心，亞仔係12月出世, 吾通細仔真係爭D?

依家細妹剛剛要報幼稚園, 尋晚佢"曳曳", 我話「如果你曳曳, 我叫老師吾好收你讀書」, 點知亞仔即刻同妹妹講: 「係啦, 你再曳啦, 好似我咁而家無學校要啦」

我覺得好心痛, 自己不知不覺比咗小朋友咁大壓力, 自己亦不好受, 但真係好担心 :cry:  :cry:  :cry:

Msma

放心啦。你肯放低身份去倪下，會有機會架。塞翁失馬 !

Bluestar

要好好開解個仔，並非因為佢naughty所以未confirm小一會在那裡讀書。小朋友有得玩，轉個頭很易忘記。
相信他是有點不知何去何從的感覺。說真的，我也不喜歡這種不知何去何從的感覺(因我個仔同樣是k3，還要去數個小一面試)，何況一個未滿6歲的人仔!
還有是他感覺到你的失望，但佢想please你等你開心，現在卻做不到==>所以他不開心。

好好的替2位小朋友找些好玩的節目，讓他們及你忘記這些煩惱罷。你若能夠開解自己，他們定會感受得到的。

littlecat

milkylay,

千祈唔好灰心, 萬一你囝囝真係派唔到心儀既津校或私小, 你可以在出年六月派位後, 到其他學校'叩門', 到時一定會有位收你囝囝, 我囡囡暫時有一間私小收佢, 但並唔係我心儀既小學, 而其他私小考入既機會又好微, 我都係一切順其自然, 要做既野我都做哂啦.

        

tt2001

吾好同D小朋友咁講la，好hurt架，除左佢自信心，仲會hurt埋母子關係，個妹可能會覺得哥哥渣過人....我會低低地"關"po，同個仔say sorry架。

個個mami都有心儀學校，但真係要control自已情緒，幾失望都吾好表現比當時人睇，況且塞翁失馬焉之非福呢！

fchan

milkylok

點解一定係個小朋友o既問題?  有無盡力先?  盡o左力咪得o羅!  我朋友個仔 5 歲 8 個月讀 La Salle, 學業上一 d 都唔輸蝕, 仲叻過一 d 大仔.

Heihmom

milkylok,
千其唔好俾仔仔以為佢無學校要呀! 會打擊佢自信心。我個仔都係12月中出生，一d都唔

Bambi

我唔會同個仔講佢得定唔得, 根本唔會討論, 帶佢去interview都係話俾佢知有o的其他學校既老師想同佢傾下計, 認識下佢. 佢頭2次interview已好緊張, 我唔想再加壓力同挫敗0俾佢. 無論點我都係最鍚佢, 唔想俾呢o的得失傷感情. 我同意競爭好大, 唔得唔代表佢差.

moyin

milkylok,唔好唔開心啦，唔好憑短短幾分鐘或十幾分鐘

M仔媽

Hi mikylok,
我心情和你一樣,真的不知如何是好?

YeeOnMama

milkylok & M仔媽媽,
我們身為母親, 一定要堅強D, 樂觀D, 有信心D, 面對小學面試的壓力, 我們應該鬆容看待, 只要盡力去應試, 就已經夠了, 不要過份給自己或仔女壓力, 要知道取錄與否, 存在一定彩數, 在云云小朋友中單靠短短的數十分鐘就能測試得出他們的能力嗎? 肯定不可能, 而且我深信他們大部份能力都是相約.
我們不是經常對仔仔講, 我們做人或做事一定要抱着樂觀勇敢的態度盡力去幹, 我們不要一定可以有完美的結果, 但肯定可以有有价值的過程和經歷, 對自己有所交待呢!
目前, 應該放下之前面試的包伏, 用輕鬆的心情對待前面的面試, 同時也應有多少阿Q的精神, 佢唔收我喺佢唔識寶, 錯漏眼! 而且也應作好扣門的心理準備, 這對自己和孩子才公評, 我見意你們去看看naughtboy(題目: 將軍澳區揀甚麽學校)的扣門經歷, 就知道要入心儀的學校其實不難.
我的兒子也是細仔(十二月), 都已經有心儀的學校取錄. 不要灰心, 要活出身教的好榜樣.
今晚的禱告, 我和兒子會在天父面前記念你們的需要和掛慮.
    

rr

hi milklok,

我想以過來人給你說說我的經驗, 記得, 三年前, 為阿囡選小一時, 我擔心得不知點形容, 報了多間私校, 每交一份表時, 都花上幾天, 做profile, 寫信, 作多方面的準備, 在家中不停教阿囡interview, 以為做足準備, ........ 到第一間學校interview 的時間, 表現都不好, 出來的時間, 責備不停地責備了女兒30分鐘以上, 又打電話到幼稚園哭訴阿囡表現. 所有做的好似無用.   :cry: 一間都考唔到.

至統一派位前一個月, 亦不停跟她Daddy商討若派不好的打算.  基本上自己當時完全無心工作, 好擔心, 失眠了整個月,
至取成績當天, 我囡兒幸運獲派心儀小學, 我開心得打電話回家通知囡囡. 後來家人同我說阿囡收到電話後, 一直坐立不安, 更說心好像砰砰的跳了出來. 原來1個只得5歲的小朋友會有如此的表現.

高興過後, 我的心不很好過, 原來, 我一直緊張的所有的表現, 都看在女兒眼內, 我不知不覺給了阿囡很大的壓力.  

不要看小年紀少的小朋友, 父母表現真的很大影響力, 他們是很明白的. 要小心我們的行為.  

願所有家長都可以得償所願入得心儀的小學.  

rr

M仔媽

Thanks YeeOnMama and rr

carollam310

我都係過來人,話你知我上年既經歷.上年既今日我己經開始失眠.記得自行收生放榜o個日我拖住個女去睇放榜,我驚到手都震,係壁布板搵極都搵唔到阿女個名,個心不知幾難過,阿女仲o係身邊問問問,當時既我完全聽不入耳,直至上到巴士,我忍唔住流眼淚,我女坐o係身邊郁都唔敢郁.直至返到屋企都唔敢出一句聲.由o個日開始無論見到親戚.朋友或者學校既老師.話題總離不開升小學.記得新年去拜年成班親戚坐埋一齊討論添.由11月至6月統一派位放榜,呢幾個月簡直神經衰弱,仲冇覺好目訓添.做乜都冇晒心機.話你知我仲衰到冇同女女慶祝6歲生日添.我女女6月4日生日.但統一派位放榜o係6月5日.你話我邊有心機同佢慶祝呢.記得6月4日o個睌我目訓極都目訓唔著,仲痴線到半夜叫醒老公.同佢講叫佢明早帶埋個女返工,我晤想帶埋個女去睇放榜.因為我驚若果派得不好我自己會控制晤到自己既情緒,我晤想再嚇親個女.o個朝早我一早出左門口.仲帶左好多野添.諗住派得晤好要即刻周圍叩門嘛.不過..............o個日既派位結果係阿女派到跨區第一志願.我即刻飛的去接返個女.o係的士上面己經流晒眼淚.我老公同個女一見到我即刻呆晒.我未等老公開口問我我就一輪咀講晒比佢知.又喊又笑~~我女見到我笑.就夠膽開口問我"媽咪.我係咪有學校收呀?"跟住望住爸爸話"媽咪今日好開心" :
其實.........父母既表現真係有好大影響力, 小朋友係明白的. 做父母既真係要小心自己既行為. 更要好好控制自已既情緒.千祈晤好嚇親佢地呀.
我妹妹個女今年報小一,仲有十幾日就放榜.佢又係食晤落野.目訓晤著覺,我都係咁開解佢架.
我都希望各位等放榜等信既所有家長可以得償所願入得心儀的小學.  

virgokaren

一個幼稚園高班的學生，為什麼要承受這麼大的壓力哩！
為人父母者，對子女的教育緊張、寄與厚望是正常的，但緊張也只應放在心內，反正小一面試其實不全是考實力，而且，我們有九年免費教育，實有書讀，點解要告訴囝囝囡囡咁多殘酷的事實呢？！
憑良心講，選小學都是大人們的事，他們那懂得追問邊間最好，有的都只是大人們有意無意間渲染的。
放鬆些啦！是龍是鳳並不是僅僅因為讀邊間小學，況且，而家命中率咁高，唔駛驚喎！

RAMC

我上年亦是一樣, 在拿取(小一)統一派位通知書時, 得悉抽籤結果唔理想, 我成個人突然變得腦內空白一片, 當時我個仔一直問我佢派邊間學校, 我都答唔到佢, 佢最後講左一句 (派邊間學校都唔緊要啦,最緊要是自己讀書遮), 令我矛塞頓開. 但最後都要同佢去叩門.

:cry:    

do_r_me

milkylok & M仔媽

我好明白您哋心情，上星期嘅我都係，亦係討論區講過，我為仔仔小一入學面試而失眠，而且仲連出2條白頭髮(條頭髮新出的半節是白色，好明顯係近三個月的事)，我不嬲都無白頭髮。
如果您哋好down又為這場戰爭感到辛苦，試下同小朋友分享一下自己感受，令他明白，媽媽為他升小學而"奔波"，給他看您為他做的profile和報名表，而這場遊戲(戰爭)的主角由始至終都是他，媽媽只是陪跑，輸贏與否都是他的。

同大家分享我嘅個案:
我知自己好怕壓力又緊張，所以要想法子令自己輕鬆和減壓，有時又要同小朋友溝通一下，有人話我太緊張會將壓力轉移到仔仔身上，其實睇您用嘅方法，千萬唔好為interview嘅事發脾氣。我反而覺得仔仔可以與我分憂，互相支持，而且仔仔仲會開解我。
因個人好緊張同心急，要等到6月派位，一定捱唔到。原本想漁翁撤撒網，盡量報多幾間，點知不停嘅interview，令我覺得好辛苦，更何況對一個仲未5歲小朋友而言(仔仔剛5歲)。而仔仔又較活躍，唔適合傳統學校，終於我放棄所有九龍塘傳統小學，只報了4間活動教學(直資)。我就set咗guideline同目標比自己同仔仔，4間都唔得就等6月派位。(第一round應該會落空)
我預先同仔仔研究同佢去睇間學校，當然好多資料會經我修飾先話佢知，佢自己好清楚自己想入邊2間，我同佢講，想讀邊間就一定要interview好。interview完，佢仲話另外2間都唔想讀，特登做得差啲，我比佢激死。

好彩，上星期六收到優才acceptance letter，個心先定啲。

希望大家好運。

rr

hi milklok,

記緊同小朋友講"一定一學校收佢,叫他不要擔心" 最多加一句"只是媽媽想找最合適的!"

這是我以前沒有說的.

rr

小孩子的天空

milkylok:

上年我個仔也是沒有直資和私立學校收，連他自己都擔心，最後才有間不是心儀的私校收佢．

但你要相信上天有安排，在六月他派到第一志願．而且他的學校比起他考不到的學校更有愛心，更有系統，程度也勝一點．（有朋友的子女考到，所以有比較）如果考到直資我要放棄抽籤！那麼他也不會人了這校！　

[size=medium]不要擔心

hoho09

這 哪處找到
naughtboy 題目：　將------)