根德園 K3 家長

lamba

開學2個月了, 你們覺得怎樣?

我覺得功課深了很多, ( 每天基本中英文生字各1-2個 , 及有一整句英文及中文要寫 )

每星期好似都有中,英,數的默書及測驗!

令到家長及孩子都好似應接不暇!

我個係年尾出世, 所以更覺辛苦!

唔知係唔係我個既年齡或資質問題, 所以想請教其他 k3 家長!

dorothy

我都覺得深了很多，尤其是中文字，好似"飛""風箏""蜜蜂"這些字，大人寫都不一定寫得靚，更何況是小朋友。我囡囡是八月尾出世，佢都跟得上，但寫字唔靚，英文問題不大，但Mental同中文差小小，中文有時會寫反轉字，彧者漏筆劃，默書很小全對，多數錯一至兩個字，Mental 時常錯一至兩題，但我問囡囡正確問題是什麼，佢話唔知，唔記得，我想知Mental的問題形式，是否問加減數，應用題，前後中間數，順序和倒序?我覺得囡囡如果不是太差便算，根德園是比其他幼稚園深，不可以要求佢樣樣都做得perfect，始於佢都是得五歲，更何況你是細仔。共勉之。

lamba

Dorothy, 你好!

聽我囡囡講, Mental 是有不同形式的, 有時用中文,有時用英文, 不過都應該係加減數,連加數,補加數等。小囡 mental 一般,多數錯幾題!

但英文生字就麻煩D, 新教的好快就忘記了! 串字對佢黎講係一大難題!

有時間多D交流下!

Bambi

Hi! 我也是根德K3仔媽咪, K3功課確是深了很多, 要求亦嚴格了, K2時囝囝很容易拿到100分, 但現在很難, 時常錯在寫得不好及畫符號錯了, 當然亦有真係寫錯, 直至現在佢既最新低分係80+**, 而家有2題係**題喎. 記得最初的一, 兩次默書只有一個100分, 其餘都是9X分, 送他上學時班主任竟對我講話囝囝默書好叻喎, 係咪成日都有溫習呢, 我心諗, 以前佢成日100分架, 而家都話叻? 但諗諗下其實佢都唔係唔識, 只係寫得唔好及畫錯, 我地唔應該對佢地要求太過份.
至於MENTAL, K2時囝囝好難有100分, 成日都會錯1-2題, 但唔知點解上到K3直到而家都保持到100分喎, 真唔明.
但其實要求高的都無壞既, 最緊要我地唔好俾壓力佢地. 而家我都覺得囝囝寫字好唔靚, 但又好驚佢為左寫得靚就會慢, 所以都係唔好寫錯就算啦.

JJ1122

我個個就同K2差唔多.  好少100分, 但又唔低過80分咁囉.  初初第一次試默英文, 嚇死我. 10個錯左9個.  好在正式都算OK番.  K3d個老師同K2個老師要求好似唔多一樣.  之前個個中文成日比星佢, 英文同數學就好少比.  K3 d個老師對中文就好似要求高好多.  有時有d字我都唔知點為之啱.  好似個臉字, 我初初就以為個月字入面要寫二.. 點知老師改番黎就要丬, 攪到個女話我好要佢咁.  佢地而家好似除左功課之外, 每日要寫番哂學過既中英文落一本練習簿到, 你地有冇要佢地寫呀?  我有時由得佢自己鐘意寫就寫, 唔寫就算.  我都唔知見家長會唔會比老師話.  你地d小朋友番黎仲有冇唱學校d歌?  我個女而家好似一首都無唱過咁既..

lamba,
我個都係細既11月尾, 所以我對佢要求都唔高.  交齊功課就算架拿.

bambi,
我個女話個d係星星題, 但係其實係咩黎架呢?  我見有時寫1, 寫 2 咁架o咼.. 你幫我問下你仔仔得唔得?  我個女唔知答我d咩呀.

docomo

[quote]
JJ1122 寫道:  好似個臉字, 我初初就以為個月字入面要寫二.. 點知老師改番黎就要丬, 攪到個女話我好要佢咁.
因為呢個字係從肉部(查字典都係呢個部首),所以要寫丬例如:臉、腳...不過而家好多人都無留意,所以個月字入面寫成二,都變左通用

Sue^_^

woooo..... 聽你們所言，K3又真係似乎幾深，所以若仔仔被取錄，都有點兒擔心，一來怕他吃力，二來自已想他有個較為輕鬆和開開心心的3年幼稚園生活 (雖則可能他們未懂去分辨深淺 or 辛苦)，但我會思想掙紮，其實有需要在這 stage 去催谷他嗎？
我都跟一位K2媽媽傾過，她說K1好舒服，但今年K2就跟K1好不同，主要係功課方面，自已都沒想過會有7、8樣功課 (那時係 long weekend, 剛巧 Fri 係假期)。
老公已表態不想仔仔有太多功課，鐘意上學開心便可.....好難取捨，好矛盾。

lamba

bambi & JJ11122,

聽你地咁講, 你地兩位寶貝都唔錯呀 !

我個就未試過100分啦! 不過升上K3, 就要跟得貼好多 !

bambi,

係呀! 我個都好少回家唱歌! 呢個可能係呢間學校既特色,
多做少玩!

ansonmom

聽妳們的心聲，令到我這位k1媽媽也開始擔心起來。因為，看見囡囡現在返學非常開心，好難想像到升班後會是什麼境況，我想都是早點裝備自己，難怪未升k2，囡囡d同學就急不及待地要上補習班，搞到我依家都要開始緊張。
呀！請問妳們會幫小朋友報邊幾間小學呢？請問難唔難考呢？

JJ1122

lamba,
我見朋友個仔P1, 做既野同佢地而家差唔多..咁我地P1咪無跟得咁辛苦囉.  K1同K2歌不離口架o咼, 係今年先唔多覺佢有唱.  但係今年就成日話要溫習.  我反而覺得佢今年無要好似K2咁寫字跟咁足, 可能手仔發展好左, 寫得好過以前.

ansonmama,
咁又唔洗咁緊張.. 佢地自然得架.  我個個就暫時未有一間收, 睇落亦唔似會有.  震住到6月呀要.

Sue,
印象中, 我無見過佢有7至8樣功課o咼..   

4R

各位根德園Ｋ３家長，
想請問Ｋ３
（１）中文默書是詞語（例如有？？）或一編課文呢？
（２）英文有什麼生字及句子學到？
（３）數學除連加法外，還有沒有文字體要應付呢？
因朋友仔仔是細仔，現讀該校Ｋ２，入不到ＢＫ網，代她問各位，她怕仔仔Ｋ３追不上，想預教定他。有沒有家長可幫她吧！謝謝！

docomo

[quote]
Sue^_^ 寫道:
我都跟一位K2媽媽傾過，她說K1好舒服，但今年K2就跟K1好不同，主要係功課方面，自已都沒想過會有7、8樣功課 (那時係 long weekend, 剛巧 Fri 係假期)。
我都好似未見過有7、8樣功課喎

lamba

Sue,

長假期都係3,4 樣功課者, 又未至到話7,8樣!

不過 k3 真係深過 k2 好多 ! 要有心理準備 !

lamba

JJ1122,

P1 辛唔辛苦都係睇邊間小學者 ! 如果係 SFA 這類學校, 想唔辛苦都幾難 !

冇錯我個 ( 未夠5歲 ) 寫字都靚左 !不過成續就.......