有無人知領思好唔好

babyABCD

亞b 1 歲未識bye bye, 未識叫 dada Mama, 叫佢名唔應, 和陌生人無眼神接觸, 唔聽指令, 懷疑亞仔自閉或遲緩, 遲下想報領思學習基礎小組密集訓練, 有無人知領思好唔好?

yeeyeemum

其實1歲嘅bb未識叫dada, mama或bye bye，都好平常，如果係1歲半都未識就要留意下，同時歲半去健康院時，當姑娘覺得bb係發展慢或有自閉症都會叫家長排隊去評估中心做評估，到時你至搵這些私人的密集訓練都ok。

至於領思是一間私人的訓練中心，由職業治療師開辦，有家長分享它偏貴，它是每月$7500，星期一至五，每日2.5小時，但別的訓練中心每日有3小時，而我個私人導師認識它雖然係職業治療師開辦，其實課堂大部分時間都係交俾特殊幼兒導師跟，他們的參與只係每日半小時，所以，它的訓練似一間學校般運作，而小朋友的個別訓練的時間是很少的，因每班約有6-10小朋友，得1至2個導師，係2.5小時內，他們可以做到幾多個小朋友的個別訓練，所以，大部分時間都係集體活動多，我個人就覺得麻麻地，主要因為我地嘅小朋友已經係有發展上的問題，當然多啲個別訓練針對性去訓練他們嘅弱項較理想啦！

原帖由 babyABCD 於 09-9-17 22:57 發表
亞b 1 歲未識bye bye, 未識叫 dada Mama, 叫佢名唔應, 和陌生人無眼神接觸, 唔聽指令, 懷疑亞仔自閉或遲緩, 遲下想報領思學習基礎小組密集訓練, 有無人知領思好唔好? ...

babyABCD

唔該晒yeeyeemum, 因為健康院姑娘覺得bb發展慢和唔望人, 要下星期見醫生, 所以有點擔心. 請問你的私人導師是那間的? 好不好?

double

其實babyABCD所提及的領思學習基礎小組密集訓練, 據我所知原意就是想小朋友透過小組的集體訓練, 學習集體專注及小組紀律, 所以並不是個別訓練來的. 而人手比例大約是1比3, 除了特殊幼兒導師及助理外,大部份時間還有治療師在場.

如果需要個別訓練, 當然可以預約治療師. 這要視乎你的小朋友的需要. 其實如果你想睇下中心的情況或小組安排, 應該可以上中心度了解多些.

你的小朋友的情況, 可以考慮見完醫生後, 睇下有什麼要跟進. 又或者可考慮再找私人的訓練中心作評估, 睇下是否需要及早跟進, 小朋友如能及早了解到有什麼問題, 適時接受訓練真的十分重要, 希望你的小朋友一順利吧!

[ 本帖最後由 double 於 09-9-19 19:27 編輯 ]

yeeyeemum

Hi! babyABCD,

唔駛客氣，大家互相支持啫，下星期你帶bb去見醫生時，最好把握這時候問清楚醫生有關bb的情況，及問他有咩服務可以給予先，或要排咩服務。

而我嗰私人導師佢之前都係協康做左好多年，亦都做過不同服務，所以，佢都幾清楚政府及坊間的私人服務情況及運作，佢每次都會好細心訓練阿仔，同時亦會教我點樣係屋企同阿仔做家居訓練，我從中都學到嘢及明白阿仔多左，所以，我覺得佢幾好，同埋佢好低調，無咩做宣傳，我都係朋友介紹，至認識到佢，如果你有需要搵佢傾下了解下，你可以留email address，稍後我send佢啲資料俾你呀！

原帖由 babyABCD 於 09-9-18 22:47 發表
唔該晒yeeyeemum, 因為健康院姑娘覺得bb發展慢和唔望人, 要下星期見醫生, 所以有點擔心. 請問你的私人導師是那間的? 好不好?

babyABCD

多謝double 和 yeeyeemum 的答覆, 等我看看健康院醫生怎說才決定.

qqmeow

Hello,

Please also PM me

Thanks

anan3388

我個人覺得你唔好等, 因為我個仔都係咁, 1 yr 時我覺得係有問題, 但係, 聽人講, 等到 1yr半 (but 1 yr 起我已經全職湊佢同佢玩), 到 1 yr 半都有人叫我等到 2 yr, 好彩我無等

唔好等既意思, 又唔係話即時要送你個小朋友去邊度 train既(一般密集式都係收 1yr9m 至 2 yr), 反而係你自己要開始 train 自己, 睇書, 上堂, 學教佢; 因為好多野都係屋企做, 就算學基班都唔係乜都教哂, 最重要係在家中父母點同佢互動

你可以睇 "特殊兒教養寶典", 吸收下點同小朋友一邊玩一邊引佢互動.

其實越細個開始係越好, 你留意下佢有邊方面最有興趣, e.g. 最鍾意望咩, 食咩, 玩咩 etc., 在那些方面去引佢互動 (e.g. 放塊餅在佢眼前, 引佢望住你先俾佢 etc.); 互動既意思未必係講野, 望下你, 出少少聲都可以算係.

同佢上下 playgroup, 去多 d 遊樂場, 甚至遲 d 游下水都好 ga~

如果你擔心既亦可以排協康既青葱計劃, 同個小朋友初步評估左先既, 都係 around 幾百至一千, 可以有第三者俾個意見你, 唔駛自己估估下。若到時真係有需要, 可以上 one to one 幼兒導師 training.

協康, 邁步, 樂天, links 這些中心都有相關服務, 你可以問下比較下

至於個別好定係小組好, 真係睇返小朋友需要。其實話係小組, 人手有時都去到1:2, 1:3, 都好夠, 同埋小組可以學埋排隊, 輪候, 等候, 呢 d 個別我覺得做唔到。但係個別係需要既(密集式一般都有 pst 同 st 既個別包埋), 係家長上, 在家教小朋友。

不過我知道 links & 樂天都好多人排緊, 唔係咁快有得上~

crystal媽咪

原帖由 babyABCD 於 09-9-17 22:57 發表
亞b 1 歲未識bye bye, 未識叫 dada Mama, 叫佢名唔應, 和陌生人無眼神接觸, 唔聽指令, 懷疑亞仔自閉或遲緩, 遲下想報領思學習基礎小組密集訓練, 有無人知領思好唔好? ...

我朋友個仔在歲半時見醫生話坐唔定,
易發脾氣, 識講少少字, 但不足夠.
轉介link做評估, 當日做完就話可能少帶出外,
所以表達同情緒差, 又話感統差, 要做training.
我朋友最後只join左社交小組.
亦叫我去睇下佢小朋友, 因為我教special的.
發現小朋友只係社交弱d, 唔係自閉症或者佢講得咁嚴重.

而家小朋友入了normal幼稚園, 識野已達同齡水平, 社交方面就佢媽咪多d帶佢同小朋友去公園玩.
見多d人都有幫助的.

link 有d好的, 唔係全部都唔好, 睇下小朋友邊方面啦,
如果眼神弱, 少與人有交流, 不過單對單training仲好.
小組train到小朋友與人分享 / 輪候 / 與人互動方面較好.