談高班升小一

hcshiu

各位高班學生家長，你地幫小朋友報小一既情況點呀？

我知有些高班學生已經有小學收左。而我而家既策略係用我自己果間聖公會小學比我女打底，在第一階段自行收生報左佢，因為間聖公會小學唔係熱門小學，如果係畢業生個女，應該係入硬，（我唔想係第二階段派位時，頭果Ｄ志願抽唔到，比人派到後面果Ｄ不合心既學校，到時無得選，直資私校又無份，咁就驚啦；第一志願有間滿意既官津打底，個心會定好多）；跟著再幫囡囡報考直資私校，希望到最後可以多Ｄ選擇，到時再選。

HYT

原帖由 hcshiu 於 09-9-15 21:59 發表
各位高班學生家長，你地幫小朋友報小一既情況點呀？

我知有些高班學生已經有小學收左。而我而家既策略係用我自己果間聖公會小學比我女打底，在第一階段自行收生報左佢，因為間聖公會小學唔係熱門小學，如果係畢業生個女，應該係 ...

你囡囡有學校打底真的小一點煩惱

我囡囡報的是34網, 本來心儀協恩, 但第一階段好像是會看分數的, 15分似乎不用想, 聽說第一階段和第二階段在第一志願裡最好填寫同一間小學, 如照做, 豈不是浪費了第一階段機會......

有點煩惱

hcshiu

以我理解，只有第一階段係計分既，第二階段係純抽簽既。你說得15分，咁即是適齡(10分)同埋首名子女(5分)，我都覺得機會都幾微，是但係父母畢業生或同宗教都已經係20分。

至於第一同第二志願都選同一間小學，都算合理。因為你有一間心儀小學，如果你係第一階段唔選這一間，選另一間無咁多人爭既，咁如果佢真係收左你個女，我看番小一入學小冊子個flowchart，如果佢收左你，你就無第二階段來抽，咁你就幫唔到你個女入你最心儀既小學，除非你第一階段果間你都覺得OK啦。

我都想過協恩，而我情況應該同你一樣。但當我想到真係要好有心去抽協恩，第一階段15分，機會唔係無，但真係好似好微，好似校長講，我就要搬去果區，咁先可以係第二階段係跨區同本區都抽一次。如果抽唔到又唔知果區抽邊間好，到時，如果只係一間普普通通既小學，咁我而家40區都好多選擇（我畢業果間就係40區，每級6班成200個學額，差不多我幫我個女報，應該第一階段機會好大），唔洗咁勞師動眾咁去搬。

原帖由 HYT 於 09-9-16 08:02 發表


你囡囡有學校打底真的小一點煩惱

我囡囡報的是34網, 本來心儀協恩, 但第一階段好像是會看分數的, 15分似乎不用想, 聽說第一階段和第二階段在第一志願裡最好填寫同一間小學, 如照做, 豈不是浪費了第一階段機會.... ...

hcshiu

據同級家長提供，這個星期六至少有四間小學有開放日活動，包括：

旅港開平
荔枝角天主教
瑪利諾神父
中華基督教會基真小學

全部都係津校，差不多係左近，有趣興就去睇下啦。

hcshiu

低班既家長，我都建議你地開始留意下小學開放日，有時間可以當嘉年華會全家去玩下，小朋友開心，家長又可以預先知道而家Ｄ小學係點，到出年小朋友高班時就更有把握選擇和比較小學。

原帖由 hcshiu 於 09-9-17 14:25 發表

據同級家長提供，這個星期六至少有四間小學有開放日活動，包括：

旅港開平
荔枝角天主教
瑪利諾神父
中華基督教會基真小學

全部都係津校，差不多係左近，有趣興就去睇下啦。 ...

hcshiu

剛去了瑪利諾神父小學，逛了逛便離開了，跟著過了隔離聖安德烈小學，去校務處問下有關自行收生的細節，跟著來了對父母，問有關家長簡介會的事，才知道原來下午一時半到四時半，聖安德烈小學有家長簡介會。

原帖由 hcshiu 於 09-9-17 14:25 發表

據同級家長提供，這個星期六至少有四間小學有開放日活動，包括：

旅港開平
荔枝角天主教
瑪利諾神父
中華基督教會基真小學

全部都係津校，差不多係左近，有趣興就去睇下啦。 ...

mylau

有d數據可以參考下：
以上年情況，協恩15分無機會(03年出生率已經最低)，20分好多都抽唔到，協恩幼稚園自行階段約收左15人(全級60人)，未計讀其他kg的必收生，自行階段有45個位，唔知會唔會減少，因近幾年收生總數都一路減少，今年度小一生共96人，應是減少左叩門位；

通常第一、二階段都選同一間學校，係因叩門有幫助，但協恩冇叩門位；如果還有其他心儀的學校，15分有機會派到，又真係無謂浪費機會，除非你只喜歡協恩。

希望你地都入到心儀的小學！

hcshiu

我友人個女今年入協恩小一，佢個女已經係協恩幼稚園讀，第一第二階段都入唔到。第三階段叩門先入番，第一第二階段都選協恩，仲要係果到幼稚園畢業，先有得見，仲要見小學同中學校長。

原帖由 mylau 於 09-9-19 22:59 發表
有d數據可以參考下：
以上年情況，協恩15分無機會(03年出生率已經最低)，20分好多都抽唔到，協恩幼稚園自行階段約收左15人(全級60人)，未計讀其他kg的必收生，自行階段有45個位，唔知會唔會減少，因近幾年收生總數都一路減少，今年度小 ...

hcshiu

近來我親自去交報名文件，發現要親自交文件既原因，除左職員可以即時話比家長知文件齊唔齊，仲有就係比番哂推薦信同簡介(portfolio)比家長。講真，我都明白推薦信同簡介都係賣花讚花香，所以學校睇黎都無意思，但咁大份portfolio，又唔想收左要處理，倒不如即時比番家長。

到最後，學校要睇既都係學生本人，教係教個學生，畢業出品都係個學生。我覺得唔好浪費時間甚至金錢係呢Ｄ文件上，倒不如平時多同子女一齊，子女自己會開朗Ｄ，醒Ｄ，咁就面試好Ｄ，機會都大Ｄ啦。

原帖由 hcshiu 於 09-9-20 06:22 發表
我友人個女今年入協恩小一，佢個女已經係協恩幼稚園讀，第一第二階段都入唔到。第三階段叩門先入番，第一第二階段都選協恩，仲要係果到幼稚園畢業，先有得見，仲要見小學同中學校長。

...

HYT

原帖由 mylau 於 09-9-19 22:59 發表
有d數據可以參考下：
以上年情況，協恩15分無機會(03年出生率已經最低)，20分好多都抽唔到，協恩幼稚園自行階段約收左15人(全級60人)，未計讀其他kg的必收生，自行階段有45個位，唔知會唔會減少，因近幾年收生總數都一路減少，今年度小 ...

錦睇黎唔應該選協恩......

請問對聖羅撒及馬頭涌官小有何評價?

家在34校網, 應否放棄有宗教分的小學?

hcshiu

其實理論上如果家在34區，統一派位有兩次機會去抽（10%同埋40%)協恩。咁實有人可以跨區抽到，有人本區抽到。問題真係睇運氣，至於抽唔抽就真係睇家長點睇，尤其係抽唔到既時候，家長有無兩手準備，如果唔係，到統一派位又派間不知名既小學，直資私校又唔收，咁就要經歷叩門呢個階段；想唔想摶就睇家長有幾大把握，同埋有無後著。

你提及有宗教分，即係指係自行收生部份，我想你意思係應唔應該用宗教分入一間機會很大但不是最心儀的小學，咁自行收生收左，亦即放棄抽協恩，如果你想抽協恩，跨區只填協恩，本區部份第一選擇填協恩，第二選擇才填你有宗教分果間，咁抽法又完全沒有幫助，都是和所有人一齊抽。係唔係抽唔到協恩都可以入到第二選擇果間，呢個真係無人可以答到。如果你有兩手準備（如有直資私立很大機會收），都話可以摶一摶，否則就真係幾危。

原帖由 HYT 於 09-9-21 14:36 發表



錦睇黎唔應該選協恩......

請問對聖羅撒及馬頭涌官小有何評價?

家在34校網, 應否放棄有宗教分的小學?