覺得自己幫唔到亞仔.......

owl_2046

返左S位大半年, 亞仔係有進步, 但我認為可以再好D.

係屋企好少同亞仔做訓練, 因每晚飯後只得一個多鐘頭共處, 自己又好攰, 加上亞仔返左成日學, 我又好想比D私人時間佢及同佢玩下(主要都係聽歌,睇碟, 玩刺激野).

叫佢串珠: 唔專心, 玩野, 令我好勞氣.

叫佢配對: 亂黎, 掟落地, 攪亂檔.

唔知點好

KSWKSW

我都觉得我帮唔到仔仔, 仔仔已经2岁4个月了, 没有任何单字, 今日第一日返幼稚圆, 我觉得成班他是最差的一个, 在幼稚圆里我忍住了自已的泪水, 我真系唔知如何是好?
好想找同路人倾下.

原帖由 owl_2046 於 09-9-1 12:36 發表
返左S位大半年, 亞仔係有進步, 但我認為可以再好D.

係屋企好少同亞仔做訓練, 因每晚飯後只得一個多鐘頭共處, 自己又好攰, 加上亞仔返左成日學, 我又好想比D私人時間佢及同佢玩下(主要都係聽歌,睇碟, 玩刺激野).

叫 ...

anan3388

原帖由 owl_2046 於 09-9-1 12:36 發表
返左S位大半年, 亞仔係有進步, 但我認為可以再好D.

係屋企好少同亞仔做訓練, 因每晚飯後只得一個多鐘頭共處, 自己又好攰, 加上亞仔返左成日學, 我又好想比D私人時間佢及同佢玩下(主要都係聽歌,睇碟, 玩刺激野).

叫 ...

你花時間同佢一齊就係幫緊佢, 有 d 野急唔黎, 欲速不達。試下唔訓練住而同佢玩 d 佢有興趣既野, 又或, 只係從一分鐘既訓練開始啦, 做到少少就讚佢。我個仔由無語言到識媽媽, 都係咁學返黎~

慢慢黎~持續咁"輸入", 有日你個小朋友會學到同用返出黎的

anan3388

原帖由 KSWKSW 於 09-9-1 14:30 發表
我都觉得我帮唔到仔仔, 仔仔已经2岁4个月了, 没有任何单字, 今日第一日返幼稚圆, 我觉得成班他是最差的一个, 在幼稚圆里我忍住了自已的泪水, 我真系唔知如何是好?
好想找同路人倾下.


...

自己小朋友好似唔及人, 感覺真係唔好受, 我地都明白既~

其實你個仔仔只係無語言, 或仲有其他困難呀? 有無評估, 有無做訓練呀?

語言方面, 佢唔出聲, 但係會唔會確定到佢明白你意思呢? 若佢好明, 懂用手勢或非語言既溝通方法就唔駛太擔心。若唔確定, 咁可能佢認知同理解都要幫助, 從好簡單咁開始教佢呀~

我個仔一開始都係得外星話, 依家都識 bye bye, 媽媽, 開呢 d 單字, 叫做開左口。

從名詞教起, 講野要好簡單。以前我同仔講一大串佢都唔明, 所以我只係講"晴仔, 奶奶", "晴仔, 餅餅" 開始, 每日都講。同埋佢一好似表達咁就係咁讚佢, 鼓勵佢。要知道, 其實佢做唔到自己都會挫敗, 係好需要我地鼓勵 ga!

到佢識左少少, 又加少少。依家教緊佢 "要"。佢開始能夠在問佢’要唔要奶奶呀’既時候，答”要”～

我無諗過佢會識講，但，係得既，不過每個小朋友都有佢既時間，俾ｄ時間佢，從佢有興趣同識既地方開始。依家暫時放低唔好同人比住，同佢自己同自己比較，佢會進步 ga, 佢仲細，每個小朋友都有濳能，等我地去發掘出黎～返學咪當玩下啦，又或，阿ｑ咁諗下個仔既優點（我個仔好靜，專注力好強〔咁人地會覺得佢唔出聲，只有自己玩〕）。有時係睇你自己點睇。唔開心多ｄ上黎分享下，又或找社工傾下啦～你要自己自強，照顧好自己，唔係邊個湊仔個仔呢?加油呀

Melissa_Tam

唔駛唔開心嘅, 以前亞仔係正常幼兒園返學(２歲班),都是全班能力最差的一個, 尤其是開放日,–定喊,其他家長又俾意見我,...應該怎教他, 實情是他不習慣見到學校多了太多家長,個課室又嘈.後來老師都覺得亞仔怪怪地, 唯有坦白講話亞仔有自閉症, 有愛心的老師一般夲都會好體諒, 老實講亞仔以前學校的老師真是超好, 亞仔只讀了一年, 便轉讀ｓ位, 老師都說不括得亞仔, 有次仲特登一來我家探亞仔, 如果亞仔第日可讀返正常幼稚園,一定返去讀.

January

hi kswksw,
我相信呢度好多媽媽都係過來人.
我第一日帶仔仔返學果陣都有你呢種感受. 佢成日哭, 吾識講野, 吾望人. 又四圍走, 吾肯坐定定. 攪到我好吾好意思.
講野都迫吾到既, 制造多d機會比佢講下野, 好似專登收埋d野, 等佢搵吾到要搵你, 你就教佢講. 由一隻字開始. 一講就鼓勵佢,比多d信心佢. 試下自制d書, 圖咭比佢. 慢慢學. 我地都急吾來既. 我之前同仔仔去完沙灘, 海洋公園呀, 做左d書比佢睇, 一路同佢睇, 一路講d生字. 佢都學得幾快. 你可以參考下.

原帖由 KSWKSW 於 09-9-1 14:30 發表
我都觉得我帮唔到仔仔, 仔仔已经2岁4个月了, 没有任何单字, 今日第一日返幼稚圆, 我觉得成班他是最差的一个, 在幼稚圆里我忍住了自已的泪水, 我真系唔知如何是好?
好想找同路人倾下.


...

owl_2046

多謝你鼓勵, 我都明白, 對佢地呢類小朋友係唔可以急, 但有時總係難免.
繼續努力!

原帖由 anan3388 於 09-9-1 17:17 發表


你花時間同佢一齊就係幫緊佢, 有 d 野急唔黎, 欲速不達。試下唔訓練住而同佢玩 d 佢有興趣既野, 又或, 只係從一分鐘既訓練開始啦, 做到少少就讚佢。我個仔由無語言到識媽媽, 都係咁學返黎~

慢慢黎~持續咁"輸入",  ...

owl_2046

你就係一年前既我啦.
一年前我都同你一樣, 比亞仔返普通幼稚園.
但事實上幫唔到亞仔, 終於鼓起勇氣, 面對現實...返S位.

原帖由 KSWKSW 於 09-9-1 14:30 發表
我都觉得我帮唔到仔仔, 仔仔已经2岁4个月了, 没有任何单字, 今日第一日返幼稚圆, 我觉得成班他是最差的一个, 在幼稚圆里我忍住了自已的泪水, 我真系唔知如何是好?
好想找同路人倾下.


...

KSWKSW

但医生又话他不需要返S位, 我都唔知.....?

原帖由 owl_2046 於 09-9-3 18:00 發表
你就係一年前既我啦.
一年前我都同你一樣, 比亞仔返普通幼稚園.
但事實上幫唔到亞仔, 終於鼓起勇氣, 面對現實...返S位.

fatgogo

聽你咁講間幼稚園真係好有heart喎,可否pm間學校資料比我. 謝謝!

原帖由 Melissa_Tam 於 09-9-1 23:42 發表
唔駛唔開心嘅, 以前亞仔係正常幼兒園返學(２歲班),都是全班能力最差的一個, 尤其是開放日,–定喊,其他家長又俾意見我,...應該怎教他, 實情是他不習慣見到學校多了太多家長,個課室又嘈.後來老師都覺得亞仔怪怪地, 唯有 ...

mabelkee

請問S位是什麼 ?

原帖由 owl_2046 於 09-9-3 18:00 發表
你就係一年前既我啦.
一年前我都同你一樣, 比亞仔返普通幼稚園.
但事實上幫唔到亞仔, 終於鼓起勇氣, 面對現實...返S位.