你的子女怎樣利用這個暑假？

kit_learning

想同各位家長分享呢排o既感受：
2009-08-25 星期二...........
...........
...........
...........

八月頭，放左榜，一位同學o既家長約番我同埋另外幾位補習導師食番餐飯，地點係跑馬地o既馬會club house餐廳。
講真，第一次去到咁高級o既餐廳食野，真係大開眼界！
多謝呢位家長對我地o既好意！
最重要係，見倒呢位同學仔有好成績，作為佢o既Physics 老師，總算「老懷安慰」，
畢竟，兩年來o既努力終於有一份肯定！

席上，我真係好感受到呢位媽媽對仔仔o既愛護，
由仔仔o既學業、課外活動，佢都十分關心佢，甚至乎幫佢打點一努，
每次當仔仔比賽時，佢都親身去打氣，每一項活動，都幫仔仔影相留念，好讓佢長大後有一個美好回憶。
整個晚餐，都感受到呢個呢位媽媽對仔仔o既愛！


七月至八月，一路都幫中四升中五o既學生重溫中四o既內容，
部分家長及同學更要求加堂，開始補中五課程，
所以而家大部分學生o既進度都非常理想，十一月份可以完成整個會考課程，
剩底o既時間就可以專心做試題喇！


從以上兩個事件，可以睇倒家長們，真係非常關心佢地仔女o既學業，
為左o既，就係佢地將來o係社會可以立足，可以出人投地。



我想帶出兩個反思：
(1) 各位家長，你地o既仔好今個暑假點樣度過？係咪每日都俾佢做咩都冇所謂？
佢地有冇溫番中四學過o既野？希望大家知道，今年係最後一年會考，有好多家長已經為仔女做左好多野，幫緊佢地o係會考作好準備。

(2) 作為家長內，終有一天要放開子女，等佢地可以獨立，
小學、中學可以搵老師幫佢地解決學業上o既問題，
但佢地出左來社會之後，始終都係要自己面對好多好多問題.......

我覺得，o係學業上面家長可以幫子女計劃，但同時亦要佢地明白成功始終都係要靠自己爭取，
除左學業外，子女仲要學識獨立處事。
總而言之，家長要握住子女o既手，但亦唔好握得太緊，要適時放開手，等子女學習獨立。

宣傳內容及網址已被刪除


[ 本帖最後由 召藥師 於 09-8-27 15:55 編輯 ]