幫手: 將軍澳富康德寶幼兒園 vs 將軍澳廣場比諾幼兒園

fannyhung1213

我囝囝係0711BB, 諗住今年12月比佢返N班, 將軍澳富康德寶幼兒園 vs 將軍澳廣場比諾幼兒園都話收佢入讀, 但我又知讀邊間好, 又冇媽咪d仔女讀過, 可以比d意見參考呢??

兩間幼兒園都話讀N班就可以原校升讀K1喎~~

tty

我個人覺得兩間也差不多, 其實我去年都有你的煩惱, 後來我實地參觀後覺得比諾的環境一般, 同時室內環境比較暗, 廁所又有異味(唔知而家有無改善), 老師上堂情況就普普通通, 不過不失, 而德寶地方同環境都可以, 不過老師都換得幾密, 特別係外籍老師換得較快, 同時佢地的外籍老師太年輕, 我實地觀課後覺得外籍老師不是太有耐性與小朋友相處(這點我比較介意), 而我最後柬咗比諾, 因為佢學費平過德寶, 同時K1開始有學券而德寶K1-K3都無學券, 但係最終我都無比仔仔讀比諾, 雖然我校服同書包都買咗, 但係屋企附近間幼稚園後來通知我話有位收我仔仔, 所以放棄了比諾。

比諾的全新校服及書包我還有, 如果你有需要我可以平讓。

原帖由 fannyhung1213 於 09-8-25 09:21 發表
我囝囝係0711BB, 諗住今年12月比佢返N班, 將軍澳富康德寶幼兒園 vs 將軍澳廣場比諾幼兒園都話收佢入讀, 但我又知讀邊間好, 又冇媽咪d仔女讀過, 可以比d意見參考呢??

兩間幼兒園都話讀N班就可以原校升讀K1喎~~ ...

fannyhung1213

我想問你囝囝最後讀左邊間, 你又覺得如何呢??
麻煩你!!

原帖由 tty 於 09-8-25 11:42 發表
我個人覺得兩間也差不多, 其實我去年都有你的煩惱, 後來我實地參觀後覺得比諾的環境一般, 同時室內環境比較暗, 廁所又有異味(唔知而家有無改善), 老師上堂情況就普普通通, 不過不失, 而德寶地方同環境都可以, 不過老 ...

tty

我仔仔最後讀咗尚德的竹園區神紹會將軍澳幼兒學校, 呢間學校的老師幾好, 特別係潘主任, 佢好錫小朋友, 全校的學生佢都知道佢地個名, 而且學校光線充足, 廁所乾淨無異味, 少班教學老師容易照顧學生, 不過可能課程會淺D, 如果你想小朋友係N1可以開開心心返學咁呢間學校都唔錯, 最緊要系返N1唔好太遠, 最好不用坐車, 同時由於我想仔仔可以讀九龍塘的小學, 所以我無係度讀K1而轉咗去九龍塘宣道。  

原帖由 fannyhung1213 於 09-8-25 12:28 發表
我想問你囝囝最後讀左邊間, 你又覺得如何呢??
麻煩你!!