英語教材的禍害？

kerkermui

樓主, 我諗我明白你嘅情況, 不過我又唔覺得問題大到會影響interview

首先, 我都好似你咁教仔, 不過到佢開始講嘢, 我就90%講廣東話喇! 你可能買咗好多英文書, 但係唔等於你唔可以用差唔多方法教中文

只要你俾返個中文環境佢, 就無問題, 但至於英文無進步.. 相信返學之後就會好d架喇, 雖然我唔清楚你話以中文為主嘅學校係邊d, 我就揀咗一間有NET教英文嘅, 堅決唔報國際班!

我覺得教仔就要向前看, 一日仲係語言敏感期, 就唔會轉唔到彎..
我隻仔之前學one two three先, e+中文數到一零幾, 英文進位都仲要人幫! 佢中英文都有進步, 因為我地重點教中文, 所以進步會較明顯!

加油呀!

安安太太

我都好明白你的心情, 因為我的情況和你差不多, 但我沒有甚麼特別理論要和你分享, 我只能分享我現在的情況, 我半年前(她當時差不多2歲)亦是這樣的迷惘, , 眼見她的廣東話發展比其他人都要慢, 不知點算好, 是否我害咗佢嗎? 所以我個囡原本今年9月才讀N班, 我早在她剛好2歲時已幫她插普通幼稚園的N班, 希望她早點返學講野會好D, 另外減少看教材的時間, 以前工人每天都給她看, 我改為每星期只看一次, 數過月後的今天, 她說話能力真的高了很多, 可能亦隨著年紀增加而增強了說話能力, 以顏色來說, 她中英都能說, 亦懂得和工人說英語, 和我們說廣東話, 甚至跟工人說廣東話, 但工人不知道她在說甚麼, 懂得重複我的說話, 上星期我同我爸爸在說醫生要"排期"..., 她竟然懂得立即跟我說"排期", 我話"麻麻地", "蝕底"她都能重複, 所以我現在已經不擔心了, 或許她的廣東話能力真的比其他沒有用教材的小朋友慢, 但相反她的英語能力亦比別人好(總需要取捨, 不會廣東話及英語也很強吧), 所以稍後我都會俾她讀英文為主的幼稚園, 希望繼續能說好英語, 但我諗真的不要單獨給小朋友看教材, 一定要有人陪著小朋友看, 能從旁解釋, 我諗這樣才對小朋友的發展有良好的影響, 希望我的分享能幫到你!

llb

kerkermui,

多謝你的鼓勵，我會努力製造一個中文環境給他，希望日後有你個仔咁叻，中英俱佳！

llb

安安太太，

多謝你的分享。我也有減少使用教材的時間，暫時亦初見成效。

我有朋友提醒我，假如日後想兒子入讀本地主流學校，就要學好廣東話，因為這是同學們閒談的語言，如果廣東話不好會影響交際，但如果你想女兒入讀英語學校就另作考慮。

meredo

各位mami,
其實,我亦有和各位同樣嘅疑慮!
我女兒剛剛滿兩歲,三個月大開始用教材!
她十三個月大前,由我,及爸爸,嫲嫲and婆婆輪流照顧!爸爸,嫲嫲and婆婆同BB講廣東話!
之後,由菲傭(說英文)照顧,但有嫲嫲 or 婆婆陪伴!
自用教材以來,成效顯著!
一直以來,BB都多說英語,少說廣東話!
亦應歸疚於我一直只著重英文,大量圖書中只得幾本中文書!
她聽得懂廣東話,不太愛看中文字,識講只不太愛說!
其實之前,已發覺有問題存在!但唔敢太急進教BB中文,怕佢confuse,變成唔講嘢及怕人!
因為,有朋友嘅小朋友有咁情況!
之前已為interview担心,自己掙扎咗好耐!現在應會盡量選可用英語intereview嘅學校,而用中文interview,eg.學之園,就會喺旁邊翻譯!
計劃:
慢慢開始比多d中文書佢睇(由爸爸陪睇),由淺開始,及比d普通話佢聽!
9月開始返pre-school班(english and 普
通話)!
希望可以英文繼續進步,中文開始起步!
我又覺得問題可以解決,但應要多花時間同心思,不要急!
我會考慮IS,但因抽簽,怕入唔到!因而interview其他學校,作後備及可作考慮!
如入IS就要自己多花時間教佢中文,及考慮日後升學問題!
因考慮到BB性格,所以考慮IS!

[ 本帖最後由 meredo 於 09-8-4 01:13 編輯 ]

meredo

原帖由 stccmc 於 09-8-4 21:08 發表
I am of the opinion that English is actually easier to get started, especially for young children.  It is the balanced bilingual that is very difficult to achieve.

agree!

llb

meredo,

多謝分享經驗！請問IS是否International School?

meredo

原帖由 llb 於 09-8-6 12:54 發表
meredo,

多謝分享經驗！請問IS是否International School?

Yes!

Eclipse_2006

樓主唔駛太擔心.  我個情形同你差唔多, 而且我個仔仲係語言發展比較慢果種, 平日屋企又只係姐姐湊.  兩歲以前, 主要講英文單字.  我唯有同佢報多d playgroup, 唔好成日只係對住姐姐.  我發現佢返了 best concept 後, 廣東話突發猛進.  我覺得很奇怪, 因為 best concept 應該只用英語及國語.  我估因為此間學校一定要做 separation, 姐姐的影響力會消失, 而同學仔可能多數用廣東話交談, 所以我個仔學廣東話學得比較好.  這是意料之外的得著.  小朋友之間的影響力很大.  所以返了幼稚園後, 小朋友的廣東話應會進步很快, 不用擔心.

asterlui1

我的小朋友五歲大, 其實我係緊張大師, 佢未出世我已經睇定幼稚園的書, 啱啱入幼稚園就睇定小學網, 其實一早已經想她入讀一些國際學校, 但看見那些較西化的小朋友太過大膽, 自己就擔心小朋友會給人家欺負, 唯一的做法是給她捒一所有一條龍及出名一點的幼稚園(只係希望自己的小朋友會純樸一點), 但係自問自己讀書比較聰明, 但係因為小時侯基礎打得不夠, 現在的確比較遜色, 而我的表哥小時候入讀了英文幼稚園, 現在已經是港大傳譯系畢業主修英文.
但係我又想給她過一個無悠無慮的幼稚園生活, 但係社會似乎不能這樣做, 以致我現在還未可以令她開始英語的學習, 我真係想知點做好.

Tata1668

我既情況都大家既都好近似.  兒子一歲前由嫲嫲同太嫲嫲照顧, 所以識聽家鄉話.  另tv都係英語為主 (因避免老人家隨便開電視給小朋友看, 所以只會播碟).  一歲之後自己同太嫲一齊照顧, 我會以英語或廣東話作為溝通語言.  

去年考k1, 我都只係選本地學校, 面試時老師見佢以英文為主, 都會用英文考佢, so far 都ok啦.

現在兒子已經2歲半, 當然以英語為主, 但聽得明白廣東話. 下星期返K1啦, 仲要係國語學校, 呢2個星期開始都加一D普通話比佢認識, 佢都明白和有興趣學習 (如佢知道COW既國語係"牛"等等)

讀開看書, 屋企以前d書都係90%以上係英文書, 剩下10%既中文書, 佢好多時都要我用英文讀... 但近來佢接受我用普通話讀比佢聽, 仲一次過幾本幾本咁讀!  所以呢, 我覺得只要個小朋友有興趣時, 你就可以乘機多d加中文比佢.   所以今年書展, 我都只係比自己去買中文書!

唔好灰心, 既然已經打左一個英文底, 就算之後著重中文, 都唔會一下子冇晒d英文能力.  我自己就認為, 佢地返左學, 就點都一定識中文, 至於日後佢中文定英文強d, 就睇佢自己啦.

happyvalley

寫作英文文章是要多看、多聯想、多寫作為主，要是語境是以英文語為主的家庭，自不然會用英文思考及思索，寫作就會好。如果小朋友還細個思想未敏捷，但腦筋裹中中英英混雜，有人說可以，但我就有保留。


.

[ 本帖最後由 happyvalley 於 09-8-27 11:56 編輯 ]

llb

首先多謝各位家長分享你們寶貴的經驗及意見。我三個月前寫下文章時，確實有點心灰，但三個月後的今天，我想同大家報告我兒子的情況。

因緣際會下，他一個半月前開始入讀一間屋村幼兒園N1，因前身是拓兒所，老師特別有愛心及不介意照顧小ｂｂ，他十分喜愛番學，並開始識唱歌，廣東話更有明顯進步，識唱很多廣東歌，在家仍愛讀英文書，亦多謮了中文書(我買了大量有趣的中文書)，我現在有信心他兩種語言也可以學好！上星期六用廣東話interview了第一間心儀的K1幼稚園，並已經收了他，接下來的interviews，如果可以選擇英語的，都會用英語，始終表現會好一點，但若用廣東話，亦可以一試。

未來我會主力訓練他中文，而英文次之，看了各位的分享，覺得有很多家長在語言教育上面對共同的問題，特以本人的分享共勉之。