AM / PM????? 煩!煩!煩!

breefan

每年這個時候，都有不少聖心小一/幼稚園家長為選上午/下午而煩惱。

有些人很籠統地問哪間好些?你係指英文叻d?數學勁d?原校升中機會大d? 定係公開比賽成績好d?

也有些人以一些令人啼笑皆非的“理由”去選擇入讀上午/下午，例如:


- 下午校的校長好勁，近年把學校搞得有聲有色呢!
如果大家有留意的話，都知道下午校在新學年會換校長。查實即使唔計退休，嘉諾撒會旗下多間學校d修女都係會調黎調去(通常3,5,7年調一次)，你今年小一係某個校長，到小六畢業時大有機會換了人。如果因為個校長而選，唔通佢調你又跟住佢轉校去聖家、聖瑪利?!

-上午校派得好好，好多人升番聖心中學!
小六派位成績年年唔同，好視乎該年的學生表現。上午校舊年有4班，升聖心的總人數維持7、80人(查實年年差不多)，相對比率似乎低左。今年係多左10個8個，但，今年好並不代表明年一定好，明年好又唔表示你個女嗰年一定好。以我觀察了7,8年所見，其實上下午差不多。


- 上年校的英文讀深一年，程度好d播!
眼見上午班學生的英文程度都有好大差別，都有人追唔上，要上remedial class。所以，深未必一定好，都要你個女接受得到。(有人食鹿茸都流鼻血啦!)


- 下午校似乎多d課外活動喎!
下午校每星期都有課外活動課，而且課外活動的種類的確比較多。但唔好忘記，下午校每天放學後已經好晚，很多同學都參加唔到其他活動。由於平日上午的活動選擇始終較少(大部分學校都已經全日制)，以我所知，好多下午校學生學野都要“堆”晒在weekend。反而上午班放學做完功課都係下午3,4點，即係全日制學校的放學時間，大把課外活動比你參加。

總括而言，上下年其實差不多。尤其是若你以聖心中學為目標，可以講句，係“殊途同歸”。所以，我個人認為，選上下午從以下各點考慮較實際︰


- 學費 (省回每月二千多元的學費對你來說差別會否很大?)

- 時間 (視乎小朋友是否習慣早睡，家長份工會唔會好夜收工，又或者要返shift，早上可唔可以睇功課温習等等… )


[ 本帖最後由 breefan 於 09-7-24 09:24 編輯 ]

fatty爸

well done breefan

mark2006

The confusion or complication of choosing AM/PM seems a signal of reflecting the flaw of education system in hk.....

ak1473

breefan,分析得十分理智

Sindy

原帖由 breefan 於 09-7-22 16:39 發表
- 下午校似乎多d課外活動喎!
下午校每星期都有課外活動課，而且課外活動的種類的確比較多。但唔好忘記，下午校每天放學後已經好晚，很多同學都參加唔到其他活動。由於平日上午的活動選擇始終較少(大部分學校都已經全日制)，以我所知，好多下午校學生學野都要“堆”晒在weekend。反而上午班放學做完功課都係下午3,4點，即係全日制學校的放學時間，大把課外活動比你參加。

呢點我又有另外睇法

我女果時返下午,早上訓到九點幾,十點再上咩鋼琴,英文班,都係無人同你爭的,上完堂再食飯返學.....小人上呢d班,老師都照顧得好d,反而我女好小係星期六上堂,一來朝早係長短週,所以無得預早上.....返完五日學,星期六第一時間想做d佢想做既野,星期日佢老豆放假,又一家人去玩.....

其實原來講上課外活動,好多出名既中心,三點後(全日班放左學),係最full既,想要呢d時間,分分鐘有排排隊,但上下午既學校就好好多,二點鐘/早上,隨時有位

VeryHappyMum

下午班的課外活動可從兩方面去理解

>>> 1) 學校舉辦或協辦 2) 家長自行安排


1) 學校舉/協辦


聖心學校 (津貼部) 小一至小四是半日制，下午上課，星期六長短週 ; 小五六是全日制五天上課。


下午校平日約五時半放學，星期五會延遲十分鐘，因最後一堂爲課外活動。每級活動約有十餘種供選擇，有收費或免費 ; 活動為自由報名，人多則抽籤決定 (但合唱團之類便需由老師甄選)。


此外，亦有常規活動如各種球類、樂器、泳班 / 泳隊 在平日上午進行 (全日制於放學後)，管絃樂團和中國舞則在週末/日。若指津貼部多活動，相信是指這方面的安排。


這些活動的確很吸引，因主辦單位 / 導師都是具資歷的，而經校方統籌後收費亦很相宜，我最欣賞的是在學校測考前會暫停活動一至兩節，不用家長因自行告假而白付費用。


話須如此，要考慮的是家長能否安排學生提早返學或帶她到活動場地 (如上環 / 中西區運動場，南華會….)，朋友仔本被選入每週一課的奧數班，但因家中未能安排提早自行上學，只好放棄。

2) 至於家長自行安排的活動，如屬小組進行的話，讀下午班的無疑選擇有限，皆因聖心是碩果僅存的半日制學校，在商言商上午辦的私人興趣班未必有利可圖 ( 但我亦聽聞有媽咪說爲女兒找到跳舞班，因人數不多可以令學習更輕鬆 )。我小朋友參加的全是單對單活動，導師時間鬆動，調堂和補課容易很多。但到了五年級便不能如此方便了。

女兒在下午校的學習能配合我一家的生活模式，而她有幸入讀普教中可省卻部份興趣班費用，希望透過六年的聽講訓練可助日後面試表現。課外活動多寡在選校上只是錦上添花而矣，上下午的取捨仍屬多方面的考慮。

chufei

呢點我都有睇法 ...

無疑少d人上堂就梗係好d (如果找到的話), 而事實上唔係咁易找,
我個女大大話話讀左7,8年下午班 (連埋幼稚園), 上午的時間只係學到piano 和kumon ... 其他的活動: 中國舞, 游水, 普通話, 樂團, 奧數 .... 全部都要weekend 學

讓我分享我的經驗:
我幫個女報swimming, 上午的"中班"只有星期五10:00-11:00一堂, 回到家裏11:10, 但我個女11:45要上校車,  只得35 mins沖涼, 食飯, 換衫 ... 根本唔夠時間

普通話班啱level 的班好不容易找到了9:00-10:00 am, 9 月開學時報名, 到11月都沒覆, 打去問, 佢話得2人報名, 開唔成!!!

結果全部 weekend學, piano 由於上老師家私人教授, 所以才可以上午學!

原帖由 Sindy 於 09-7-28 10:29 發表


呢點我又有另外睇法

我女果時返下午,早上訓到九點幾,十點再上咩鋼琴,英文班,都係無人同你爭的,上完堂再食飯返學.....小人上呢d班,老師都照顧得好d,反而我女好小係星期六上堂,一來朝早係長短週,所以無得預早上.... ...

lm

請問上午班(私立部)經由學校舉辦或協辦的課外活動的安排是怎樣的?