請大家也分享一下插班的辛酸和歡樂~~(不好意思,好長篇)

小木偶媽咪

囡囡插班二年級
小一時收到派位,我真的哭了出來
派到一間跟我囡囡性格完全相反的活動教學小學,
我囡囡是一位好講規則,文靜,好喜歡看書的女孩.
這一年不知說了幾多次上課很嘈吵,影響她聽書,
但沒辦法..活動教學就是經常要一組組地去討論問題
(其實好多學校活動教學也好值得欣賞,但奈何不適合我女兒)
只好裝備好自己,為轉校作準備,
寄出成績表,一年級所獲得的獎狀,回郵信封...
信寄出後,我天天也打開信箱查看,24小時開著手提電話
當收到電話通知可以筆試時,好開心,歡天喜地去考試,
但到達學校後,心立即一沈...太多小孩了...
感覺每一個都聰明伶俐,名列前矛的樣子.
不過要強裝平常心,不在乎,因為不想給女兒壓力,
一直也是跟她說 : [媽咪仍未決定會否轉校,
現只是試做一下別的學校試卷,吸取別人所教導的,
好讓她學到更多,才不會變成井底之蛙!]
之後一直收不到電話,亦在BK看到小一叩門的已有電話通知,
已經有放棄之心,不過亞Q精神勉勵自己再多給一年時間,
我會和囡囡再努力,就準備小三插班再加油.
突然收到電話可以進入面試,就好像是失而復得的心情
興奮得難以形容.朋友問我:面試時是否說到"天花龍鳳"?
我說我以最自然,坦誠的心去答每一個問題,
最後,學校致電給我----取錄
我只懂不斷說多謝(回想起來好傻..好好笑)
眼淚立即控制不住的流出來,但這次是喜極而泣
感謝天父..感謝校長,老師給小女的一個機會,
我們定必好好珍惜........

[ 本帖最後由 小木偶媽咪 於 09-7-17 02:13 編輯 ]

小木偶媽咪

多謝大家的祝福
謝謝!!

小木偶媽咪

我先打過電話去問,學校話冇位
不過我係6月頭照寄信去,親手寫既插班信,
上學期成績表,一年級得過既獎狀,回郵信封
然後等通知,希望你可以入到你心儀既學校
之後記得上來報喜啊
願主祝福你!!

原帖由 wynma 於 09-7-27 00:52 發表
請問你地插班的程序是怎樣的? 是幾月知道有冇位比人插班及從甚麼途徑得知有插班位架?

還有, 你們會交D咩文件(証書, 奬狀)給學校? 是否公開比賽的奬狀, 及公開考試的証書呀? 還有甚麼其它文件呢? 可否分享吓呢?  Tha ...

小木偶媽咪

點都試一試,試過有機會,唔試就一定冇,係咪

原帖由 wynma 於 09-7-29 18:51 發表
唔該晒你呀!

其實唔係我個仔要插班, 我仔仔今年九月才會升小一, 而這間學校都是我最心儀的, 我是幫朋友問的, 如果個小朋友只是在學校考到頭幾名, 但沒有攞過奬, 又沒有考過公開試, 唔知機會大唔大呢?


...