除了一條龍 可吾可以講下播道有甚麼好?

joey_lee14

客官比較, 除了一條龍, 可吾可以講下播道有甚麼好?

例如和其他不同區的直資或同區政府小學比較等......

Dennisk

Well...客觀？ 睇怕你可能找錯地方，又或者你問錯問題了！
入咗去讀書而又無轉校的家長當然就覺得播道好，又點樣「客觀」？仲要係話果啲好處你聽，我講都好難叫人信喇！因為個個人啲經歷都一定包含咗啲「主觀」個人經歷，而且現時又無數據支持（新學校多數係咁），如果再欠缺埋比較就更加無說服力。最後都係只可以講到啲客觀「事實」（唔一定係好處）你聽，不過這些東西其實在學校的網頁上除手都找得到，都唔駛講喇。
正如你所講「一條龍」，只是其中一個客觀事實，並不「一定」是一個什麼好處，因為在某些人眼裡「一條龍」其實並不好。因為從另一個角度看，如果因為一定可以上到直屬中學，而被一些學生誤解以為可以放軟手腳，到頭來可能係一件壞事！

Dennis

[ 本帖最後由 Dennisk 於 09-7-14 01:32 編輯 ]

freddielau

原帖由 Dennisk 於 09-7-14 01:25 AM 發表
Well...客觀？ 睇怕你可能找錯地方，又或者你問錯問題了！
入咗去讀書而又無轉校的家長當然就覺得播道好，又點樣「客觀」？仲要係話果啲好處你聽，我講都好難叫人信喇！因為個個人啲經歷都一定包含咗啲「主觀」個人經歷，而 ...

Dennnis,
通常難答的問題都由你出面

Dennisk

其實由樓主在那裡收集資料（播道書院子區），根本好難存在「客觀」，而「相對」客觀又要有其他較有力的算據支持才容易成立。舉個例：有個家長他本身在其他小學任教，而又有子女在播道書院就讀。這樣他就比較容易，在自身的經歷去比較兩間學校，從而在兩者間作出一個在自己立場的「好」。因此樓主你的問題，本身就存在問題。
因為你問題中還要涉及其他學校的「好，唔好」，好多時因立場角度唔同，而在網上又難於長細辯解，最後就造成罵戰，而且還給人一個播道「死硬派」的印像...這都是點解答你唔到的其中一大原因。所以我建議你可以留意一些播道家長的分享，至於「客觀」與否「好或者唔好」，我諗你要從自己的經驗作出分析判斷了。

[ 本帖最後由 Dennisk 於 09-7-14 13:33 編輯 ]

CanS

其實EC係一間新嘅學校, 佢地嘅升中同入大學率都仲未有數據, 好難講係好定唔好, 但係....我都幫囡囡選讀, 因為1)本身家住tko, tko比較小好嘅學校, 聽聞EC唔錯咪試試囉. 2)校舍幾大幾靚吖, 係到返學, 小朋友應該開心. 3)聽完盧校長係家長會講嘅抱負, 我覺得佢係有心搞囉, "唔係純粹打份工", 依樣好緊要架.
一間新校, 只要大家(包括校長, 老師, 同學, 家長)都有心搞好佢, 咁一定唔會差嘅...可況, 已一年比一年多人報考啦!
努力呀