不知所為的幼稚園 (肥水流別人田)

leemeifung

沙田憎你浸會榮x及碧x幼稚園,真是不知所為

小女在2008年初就讀榮xN1上午班, 而08-09年度K1想轉全日班, 因本人覺得榮x環境不太理想,而當時沒有太多時間選擇, 所以轉碧x就讀K1.


過去一年此校假期較多,令家長好難配合,早就想轉校,
得知榮x已起好新校舍 , 所以在2009年6月8日上午,再向榮x申請K2插班生, 在當日下午碧x已得知轉校消息, 班主任隨即向家長查詢情況及提醒補回退學信, 此時本人都覺得無問題,.
在6月26日前本人已有兩次向榮x查詢是否接受申請, 因未獲校長回復為有等……到6月26日上午榮x通知OK可以交留位費, 所以下午到榮x繳交留位費及到碧x補回退學信通知7月起退學; 惡夢就此開始 .
碧x在第二日要求我交7月份學費 (其實每次都是月尾才交該月學費, 以支票繳交, 6月份已繳交,較早前也繳交下一年度留位費), 我當然向她表示唔會交,
因7月小女不會再返學. 在理論其間她竟然說政府容許家長分期每個月繳交學費是體恤家長 ( 每月繳交學費是保障消費者, 恐防機構倒閉), 在家長須知亦沒有承諾需繳交全期學費, 錢真是會令人迷失.  
終於到表面和善的榮x發功要求全年學習評估報告, 我表明7月已退學點會有全年學習評估報告, 我話全年到6月報告得唔得, 她竟然話唔得, 我問點解? 她說這是轉校必須提供文件, 如無就唔收, 我話之前點解一路都無要求出示此文件, 而收我留位費呢? 佢話以為我知. 我只是一個普通家長, 只為兒女東奔西跑付出金錢令兒女健康學習成長, 點會知咁多幼稚園運作, 全都靠老師提點 (似乎有點不負責任,但這是事實). 我問我可以點做? 佢確實地話,你只要在碧x交7月份學費就OK……! (
7月都要提早放假, 老師點評估, 唔通7月真係可以估)
佢又話家長須知內容有提及退學要一個月通知. 家長 須知 (內容二十項提到: 需一個月前以書面通知校方,如已繳交之費用,概不發還.) 跟本沒有要求繳交餘下並未使用服務的月費, 這就是佢o地既真理?!
哈…哈
此事我覺得令基督教蒙羞, 佢o地是同一屬會,竟然為一個月學費向對方(榮x)施壓令家長就範,而榮x並沒有意思幫家長解決, 因受高層壓力, 無能為力喎?!, 這是一個基督教辦學態度嗎? 而我只是尋找一間學習環境及可配合生活的幼稚園, 有何令學校難堪? 要受這樣的對待. 這樣又可令學童學到什麼 (因之前有人話要做好榜樣交學費)?我選擇同一機構已表明應同教育方式及支持此機構.要辦學校就要承擔風險, 點可以有輸打贏要態度,政府雖然呼籲市民唔好唔交學費, 但從來都無立例,原因何在…?! 政府呼籲市民洗手, 市民有否全部照做?原因這都是個人選擇項目, 政府並沒有立例在升小學一年級前必須就學應付升小一, 而是個人有無需求學前生活(幼稚園).
即是話我有權選擇交唔交學費 (如並未使用服務….我是消費者…….!)!! 幼稚園唔收插班生,是因為在對上一間幼稚園唔交已退學一個月學費,而不是沒有位, 又話收生不足!? 政府何需再用公帑幫幼稚園,政府已有學券,令學費較高的幼稚園入學率提高, 政府又提高子女免稅額為入學率再多個機會, 如這都未能滿足有關機構,請勿稱非牟利, 承擔唔起就唔好做,轉做其他利錢較大的服務行業(電訊機構,可以簽約 :p).
試想想……
現時各幼稚園已用不同型式去額外收費; 例如 : 冷氣費，賣獎券，生日費，勞作費等等，這些睇落好似有得揀而其實無得揀！如幼稚園同家長再多為去錢銀執著,
而不為學童教育為前提,家長會考慮較高學費的幼稚園嗎?
我想兩間幼稚園老師都是有教無類, 但作為基督教團體管理層就要檢討起初建立幼稚園目的, 信仰同工作有有否背道而馳, 怎樣將福音種子從小就放於小孩內心中, 怎樣才可以像真理浸信會榮光幼園兒校歌一樣.
本人最不滿是小女經常在幼稚園被蚊咬, 在幼稚園影既生活照又蒙又貴,要$3一張, 貴過專業攝影師影婚宴. 做勞作只有題目沒材料,成日都話廢物利用 (可能習慣成自然,包括高層), 我明白都要賺錢,但換來這樣的對待. 現時所有搵錢既機構,一遇到有困境就搵政府撐或搵打工仔做人質, 真易做,易到
多謝大家細閱, 我只是將事實分享,希望大家作出明智既選擇.


[ 本帖最後由 leemeifung 於 09-7-8 11:58 編輯 ]

leemeifung

""在當日下午碧x已得知轉校消息, 班主任隨即向家長查詢情況及提醒補回退學信""


即是6月8日,老師主動致電給家長,即是也算直接口頭通知,也屬合法,老師話要"補回" 不是需要計足時間遞交. 其實退學信不是重點,重點她的對既錢態度,如她有心幫家長, 榮x可用其他方法,例如重新interview. 如她不是有高層以面子及錢銀為重,
會發生這樣事情嗎? 當日向碧x申請時也過了申請時間.

leemeifung

sorry......我不是話自己無錯, 我知只是錯在正式用信通知時間上有錯,但對整個過程有點令我覺得不快,點解要兩個幾禮拜才通知ok,再收留位費,再話因學費問題而唔收,既然雙方有知會(幼稚園),覺得有問題,點解唔通知家長,而要等到26日?我覺得被整.
"我只是一個普通家長, 只為兒女東奔西跑付出金錢令兒女健康學習成長, 點會知咁多幼稚園運作, 全都靠老師提點 (似乎有點不負責任,但這是事實)."

"短(當日下午)的時間內交退學信(為什麼)"
因我是專誠請得半日假(因要搵食,如果唔係會轉校嗎?), 而退學信當期時對於我來說只是補回,因碧x已知我會退學,當日 6月8日已同老師確認會退學.


"在6月26日前本人已有兩次向榮x查詢是否接受申請, 因未獲校長回覆為有等……到6月26日上午榮x通知OK"
而不是學費問題.

"咁我又想問如果另一間幼稚園在7月或者話唔收你你係咪都會在7月8日離開學校你小朋友點????"
如果唔係同一屬會,會等咁耐兩個幾禮拜才通知ok嗎?
以你經驗幼稚園要什麼程序要咁耐. :)
正常等到7月我已經再找其他幼兒園.

leemeifung

"如幼稚園同家長再多為去錢銀執著,
而不為學童教育為前提,家長會考慮較高學費的幼稚園嗎?"
我問題只是出發點,而不是錢. 如果講錢我就唔搵榮x.
"我選擇同一機構已表明應同教育方式及支持此機構"

leemeifung

mcheung1 多謝你同我傾

floppybb

個人睇法：所有幼稚園都會把在7月退學看成「家長走數」，唔理什麼原因或情況，認為交足全年學費(尤其是最後1個月)才算有人性，否則覺得你欠咗佢地。

個人經驗，即使你事前比足1個月書面通知，只要唔交埋最後1個月，你的待遇都可能一樣，學校都會覺得你係衰人，被玩在所難免了。

由於2間學校是同一集團，必定維護自己利益。根本從一開始他們便預左你有此一著，新校才特意向舊校通水，夾埋玩你，插班生通常有位就即收，根本唔駛等甘耐，我想他們只是拖延時間，迫你交埋7月。你遲交通知書，舊校大條道理話你唔依規則，迫你交錢，否則扣起你的成績表，新校甘遲先說要成績表，大概都是應舊校的要求。如果你一早交通知書提早退學，新校好可能會唔收你個女，迫你讀返舊校，這是個雙win方案(對個兩間學校)，你註定要投降，除非2間都唔讀，再揾過。

leemeifung

已經找到另一幼兒園啦,  學費平o左, 暑假又短o左. 多得佢o地玩o野, 可以決心搵過另一間. 肥水流到別人田...哈哈,
我個細女點都唔會入此機構,情願唔讀.:;pppp:

kyliejet

oh...幼兒園都係揾口碑好，用心教學及大構機好啲，例如：救世軍，基教，YWCA.

[ 本帖最後由 kyliejet 於 09-7-8 12:46 編輯 ]

leemeifung

所以選擇o左救世軍.

pollybell

走數既家長,係學校知道都唔收啦,咁懶皮.問題第二間唔知姐.

Kendis1

請不要再用"懶皮"來形容一些既無奈又不幸的家長們, 是她們刻意引發"豬流感"出來, 然後要求政府叫停課的嗎? 相信無人會咁無奈的.

坦白說, 如果政府/學校話,家長們可以自由選擇是否交學費(所有東西都會俾番妳時), 我就唔相信"有人"會支付囉!!!!

原帖由 pollybell 於 09-7-8 15:22 發表
走數既家長,係學校知道都唔收啦,咁懶皮.問題第二間唔知姐.

Kendis1

假如我是妳的話, 我是會支付的....why?

如果不付的話, 囡囡就無書讀. 如果再搵別的學校, 1)好的學校已經沒有位, 2)不太好的/不是妳柸茶的, 不讀也吧!

所以, 如果新學真的是妳心儀學校的話, 就千萬不要動氣而誤了大事. 況且, 能解決的已不是什麼大問題喇!

除非, 妳肚裡的哪團火還在燃燒中.....

原帖由 floppybb 於 09-7-5 03:22 發表
個人睇法：所有幼稚園都會把在7月退學看成「家長走數」，唔理什麼原因或情況，認為交足全年學費(尤其是最後1個月)才算有人性，否則覺得你欠咗佢地。

個人經驗，即使你事前比足1個月書面通知，只要唔交埋最後1個月，你的待遇都可能 ...

leemeifung

好彩救世軍是我最心儀既學校姐......
最初是無位才迫住憎你浸會.
後來因生活問題才轉榮x(不是想走數),走數不是轉校原因(太膚淺),轉校會令孩子唔開心,如非迫不得意,家長點會忍心.
真的要走數點會搵同一屬會.

leemeifung

幼稚園不是上個禮拜才辦學,咁易被人走數,你古佢o地傻o架,
點解佢o地只是唔比成績表?而唔用法例去追究.大家可以想想

Kendis1

妳的意思是否指, 她(學校)食鹽多過我哋(家長)食飯??

原帖由 leemeifung 於 09-7-8 22:51 發表
幼稚園不是上個禮拜才辦學,咁易被人走數,你古佢o地傻o架,
點解佢o地只是唔比成績表?而唔用法例去追究.大家可以想想

leemeifung

正所為食得鹽魚抵得渴.

Kendis1

所以咪希望學校快d回水囉....

原帖由 leemeifung 於 09-7-9 11:31 發表
正所為食得鹽魚抵得渴.