條低褲竟然仲有poo poo

緊張肥媽咪

我個仔而家3歲, 今年九月會升K1, 今日知道個仔在校賴咗poo poo, 雖然老師或嬸嬸已同佢換咗條褲, 但返到屋企打開個袋, 竟然見到條舊低褲仲包著一粒中size既poo poo, 根本係好明顯會見到, 間幼稚園咁唔小心, 大家可唔可以比啲意見我好唔好仲留在呢間校讀黎梗o個3年, 定係轉校好呢? 最慘就係我已交咗留位費同比咗書簿費, 加埋都成三千幾, 都唔知點好。

Gmajor

多口問句，間學校係邊個區！

hkrosetw

我阿女剛讀nursary 時都有類似情況出現過, 於是我同主任投訴, 投訴完仲死, 我發現我阿女個pat直頭損左, 我慶到爆, 誓要將件事索性搞大, 我直頭寫左封信比主任, cc埋比校長同校監, 講明再對我阿女點點點, 我一於去信社會福利處, 剷上學校將封信直接比主任再好客氣同佢講同佢講: 我好相信你既理想一定係教育下一代, 但係希望你都要明白, 呢一份都係你既工作同你既前途,冇理由為左個阿嬸嬸咩一隻大鑊姐,希望你好好處理呢件事....
之後我阿女就一直都咩事都冇, 而且好鐘意返學tim.

lin624

現在好似係真既有規定學校可以不始幫學生清潔洗小朋友嘔過的衣服或是沾上尿或屎的衣服..
仲有都不可以幫家長餵食小朋友藥物(需家長自行到校處理)

原帖由 hkrosetw 於 09-7-3 00:58 發表
我阿女剛讀nursary 時都有類似情況出現過, 於是我同主任投訴, 投訴完仲死, 我發現我阿女個pat直頭損左, 我慶到爆, 誓要將件事索性搞大, 我直頭寫左封信比主任, cc埋比校長同校監, 講明再對我阿女點點點, 我一於去信 ...

[ 本帖最後由 lin624 於 09-7-3 03:56 編輯 ]

Kendis1

我小兒之前返n班時都係咁. 不過, 學校d姐姐就清潔得好乾淨喇!!! 我非常之滿意呀!!

原帖由 lin624 於 09-7-3 03:36 發表
現在好似係真既有規定學校可以不始幫學生清潔洗小朋友嘔過的衣服或是沾上尿或屎的衣服..
仲有都不可以幫家長餵食小朋友藥物(需家長自行到校處理)

...

熱血媽媽

太可怕, 太嚇人

緊張肥媽咪

咁比著你哋會轉校嗎?

Kendis1

我會俾多一次机會, 如果下次已經改過的話,即今次可能只是一場"美麗的誤會"而已...

原帖由 緊張肥媽咪 於 09-7-3 14:12 發表
咁比著你哋會轉校嗎?

heiheibbchu

我囡囡以前間nursery將條內褲丟棄, 但沒有問過家長.

是否okay?

何師奶

其實會唔會同班主任溝通多少少，可能真係一時失手，而負責換褲可能係嬸嬸，老師唔知唔出奇!

我估學校唔會特登出一些事出黎迫你退學呱!我覺得大家包容多d，唔係下下都要攪到咁大件事先開心!而家d人就係鐘意咩事都投訴，都唔知為咩!!!

緊張肥媽咪

原帖由 何師奶 於 09-7-3 23:42 發表
其實會唔會同班主任溝通多少少，可能真係一時失手，而負責換褲可能係嬸嬸，老師唔知唔出奇!

我估學校唔會特登出一些事出黎迫你退學呱!我覺得大家包容多d，唔係下下都要攪到咁大件事先開心!而家d人就係鐘意咩事都投訴，都唔知 ...

投訴!!! 我簡直係完全冇出過任何聲, 只係同自己老公呻加上黎呢度問意見咁大把, 邊敢向學校投訴呀, 我個仔仲响入面讀, 點知佢哋會點對佢架, 我個仔已在呢間校讀咗大概1年, 其間發生過幾次唔同咗條抺嘴毛巾 (和同學調轉咗, 最後不翼而飛), 鞋又著錯過第二個同學既返黎, 最慘就係試過左右腳既鞋調轉咗著返屋企, 冇跌損已經係好好彩, 但我都忍到今時今日, 仲要對著佢哋唔該前唔該後, 唔係個個都會投訴既。

twinsstar

aiiiiiii........ ..

原帖由 hkrosetw 於 09-7-3 00:58 發表
我阿女剛讀nursary 時都有類似情況出現過, 於是我同主任投訴, 投訴完仲死, 我發現我阿女個pat直頭損左, 我慶到爆, 誓要將件事索性搞大, 我直頭寫左封信比主任, cc埋比校長同校監, 講明再對我阿女點點點, 我一於去信 ...

hkrosetw

唔幫佢清潔, 唔通年僅2歲小朋友自己識同自己擦poo poo 咩?  又唔通個家長返返工要走去學校同小朋友擦, 餵藥? 會唔會有d離譜?

原帖由 lin624 於 09-7-3 03:36 AM 發表
現在好似係真既有規定學校可以不始幫學生清潔洗小朋友嘔過的衣服或是沾上尿或屎的衣服..
仲有都不可以幫家長餵食小朋友藥物(需家長自行到校處理)

...

hkrosetw

點解要忍? 冇人要一開始就拍台, 不過見到呢d情況, 應該同老師講聲, 再冇改善, 咁就投訴囉. 我當初就係唔係試過一次pat pat仲有poo poo,  而且著片著到求其到d vivi溜晒落鞋仔度, 有時仲有d  廁紙痴係個妹妹度, 好姆西, 我先同主任講, 果時我阿女識識地講野, 有一次, 我阿女企係度poo poo, 佢一邊poo 一邊遘講: 你玩野牙, 你玩野牙....    我就知道就係因為我投訴所以可能d嬸嬸罵佢, 佢又好似copy cat咁, poo poo 就即講呢句野,跟住我再同佢換片, 發現佢個妹好都損晒, 佢捉住下面話 "痛痛"  ,  我當晚即時寫封長達兩張紙既投訴信cc晒比校長等, 我覺得我點解要我個b受呢d不安平對待姐, 唔係比學費大晒, 呢d野, 我相信, 絕對係學校既責任姐, 客客氣氣同學校講反而咁, 不如就玩大d囉

原帖由 緊張肥媽咪 於 09-7-4 12:38 AM 發表


投訴!!! 我簡直係完全冇出過任何聲, 只係同自己老公呻加上黎呢度問意見咁大把, 邊敢向學校投訴呀, 我個仔仲响入面讀, 點知佢哋會點對佢架, 我個仔已在呢間校讀咗大概1年, 其間發生過幾次唔同咗條抺嘴毛巾 (和同學 ...

kacharles

真的, 有沒有心去好好照顧小朋友, 係好易看得出的, 我知道有間 "名校", 竟然因為個小朋友頑皮, 老師會帶佢去另一個班房, 講俾其他小朋友知, 因為佢頑皮, 所以要去另一個班房罰企, 讓其他小朋友笑佢.......... 又有些學校不會幫 N 班的小朋友換片, 更不要講話戒片.........

其實什麼時 "好的幼稚園" ? 相信在七月停課期間, 大家就更加可以看到不同幼稚園的優劣了. 小朋友是否每天都開開心心返學, 放學又開開心心向家長講及有關學校的人和事. 是否每天都健康, 真的好重要.

究竟學校最重視的是什麼呢 ?

officecatcat

見到各位既 post 真係比我知多一樣野.
我一直miss 左既point 就係 hygiene!

我而家個仔2歲今年要入讀n1, 我一路留意其他 學校英文班既時間, 同埋學習既內容, 估唔到會連去 toliet 都有問題!!

請問各位媽媽, 你地仔仔女女間幼稚園, 有幾多位姐姐幫手做架? 因為任何小朋友清潔都係由姐姐去幫手架麻...

原帖由 kacharles 於 09-7-6 00:11 發表
真的, 有沒有心去好好照顧小朋友, 係好易看得出的, 我知道有間 "名校", 竟然因為個小朋友頑皮, 老師會帶佢去另一個班房, 講俾其他小朋友知, 因為佢頑皮, 所以要去另一個班房罰企, 讓其他小朋友笑佢.......... 又有些 ...

何師奶

其實唔好講到老師好似魔鬼咁....聖經所講:
愛是恆久忍耐，又有恩慈；
愛是不嫉妒，愛是不自誇，
不張狂，
不作害羞的事，不求自己的益處，
不輕易發怒，不計算人的惡，
不喜歡不義，只喜歡真理；
凡事包容，凡事相信，
凡事盼望，凡事忍耐；
愛是永不止息。

我相信做得老師，都係愛小朋友架!
試想想以下問題:
......其間發生過幾次唔同咗條抺嘴毛巾其間發生過幾次唔同咗條抺嘴毛巾(和同學調轉咗, 最後不翼而飛)-->我都明白係會有d百思不得其解,只可以叫老師留心d!可能人數比例太多，老師會疏忽一些小地方。
............鞋又著錯過第二個同學既返黎, 最慘就係試過左右腳既鞋調轉咗著返屋企-->其實想想老師會否訓練其自理自己著鞋，但都可以提醒老師多留意。

最後想問,間學校係咪好多活動，而老師無時間休息?抑或係老師流失量大?呢d都係原因導致.........一些問題出現。各位媽咪，只希望唔好比咁大壓力自己，因為都係想自己o既小朋友開心讀書姐!^v^