無奈的7月 (發表一下個人不滿)

pooh_eva

本來安排亞囡係而間學校開開心心讀個N1, 點知一個H1N1就令所有幼稚園/幼兒園要停課, 7月唔需要返學啦, 即係已完成一個學期啦, 點知學校就係上星期五打電話比我話係6月29日至7月17日可以返學, 會安排佢地唱歌, 講故事等等, 只係無戶外活動,有校巴接送,但學校不補課, 而我個囡安排10:30回校, 佢個時段只有3個同班同學(佢個班有17個小朋友點解得3個咁少,)算啦, 我就比亞囡返學啦, 諗住好來好去佢讀埋個7月啦, 第一日返番學,校巴無跟車, 只有校車司機, 回到學校只係我個囡自己玩玩具, 去洗手間都係佢自己去, 之前講會講故事都無即係返去hea, 後尾比我知道只有2個家長會返學,因佢地要係到k1囉,

060905

咩學校黎, 真係唔返好過囉！

原帖由 pooh_eva 於 09-7-2 01:37 發表
本來安排亞囡係而間學校開開心心讀個N1, 點知一個H1N1就令所有幼稚園/幼兒園要停課, 7月唔需要返學啦, 即係已完成一個學期啦, 點知學校就係上星期五打電話比我話係6月29日至7月17日可以返學, 會安排佢地唱歌, 講故事 ...

熱血媽媽

Just babysit :;pppp: :;pppp:

Kendis1

妳的女兒不幸地做了學校的"報景板". 俾我就唔會理會學校喇!

仲有, 如果小孩喺校車度有咩事, 點算好?????

原帖由 pooh_eva 於 09-7-2 01:37 發表
本來安排亞囡係而間學校開開心心讀個N1, 點知一個H1N1就令所有幼稚園/幼兒園要停課, 7月唔需要返學啦, 即係已完成一個學期啦, 點知學校就係上星期五打電話比我話係6月29日至7月17日可以返學, 會安排佢地唱歌, 講故事 ...

莎莎莉莉

嗱嗱嗱, 如果呢d學校仲同我講話老師要出糧, 校長要食飯, 跟住叫我俾足七月學費呢...真係唔該慳d啦....

大家要做精明消費者....對於貨不對版的服務, 應該有權say no.

LovelyBB06

請問係邊間幼稚園?

pooh_eva

亞囡學校係非牟利, 邊一間學校我唔想講啦, 因為我同家人都覺得唔好再比亞囡返學, 所以係星期二已同學校講亞囡唔會再返學, 終於今日lunch時間就到班主任打電話比我, 話比我知學校有結業禮, 會點安排如果有興趣就出席啦, 不過出席就要交回7月學費, 我當然say no啦, 又要請假....不過傾了一陣佢無再講要唔要再比7月學費, 仲有我問佢幾時攞返d手冊, cd 同畫, 佢又話都係要比學費先可以攞返, 吓~d野我之前咪比左錢囉..........又比, 唔比呀, 大不了咪唔要囉,

Kendis1

學校講黎講去都係...no ,no talking....

原帖由 pooh_eva 於 09-7-2 23:44 發表
亞囡學校係非牟利, 邊一間學校我唔想講啦, 因為我同家人都覺得唔好再比亞囡返學, 所以係星期二已同學校講亞囡唔會再返學, 終於今日lunch時間就到班主任打電話比我, 話比我知學校有結業禮, 會點安排如果有興趣就出席 ...

熱血媽媽

can't imagine 非牟利 turn so bad

錢作怪

小皇帝

呢間幼稚園好似有點過份.

ipo167

唔講名都講下係邊區啦!

pooh_eva

絕對無錯..再打電話黎我怕我忍唔到道火, 罵爆佢.....

benalg

hi pooh_eva

你好, 相信你個囡係我個仔既同班同學.
班主任都打左幾次電話問我幾時有時間番去拎家課同通告, 但當我知道返過學既同學仔有咁既情況, 我都決意唔再返去, 連結業禮都唔參加.  而家惟一想攞番個隻cd 同個profile.  

原帖由 pooh_eva 於 09-7-3 23:21 發表
絕對無錯..再打電話黎我怕我忍唔到道火, 罵爆佢.....

pooh_eva

Hi Benalg

我問過老師啦, 佢話我唔事先同佢講, 而家去到而個田地, 都係要比7月學費先可以攞返d野,
講真我真係唔想比囉, 個file係我自己買, 隻cd我都有比$ga ma, 好似講唔通, :cry:

我想問你係唔係陳太太?

benalg

原帖由 pooh_eva 於 09-7-5 01:19 發表
Hi Benalg

我問過老師啦, 佢話我唔事先同佢講, 而家去到而個田地, 都係要比7月學費先可以攞返d野,
講真我真係唔想比囉, 個file係我自己買, 隻cd我都有比$ga ma, 好似講唔通, :cry:

我想問你係唔係陳太太? ...

Hi pooh_eva

佢話你咩野唔事先同佢講呀?
事實上個file同cd 我地全部比晒錢, 係我地既野, 唔係包括落學費度, 佢無理由唔比番我地, 而要比左7月學費先可以攞番.  如果佢真係咁同我講, 我會問佢呢啲係未"教育署指引", 唔交學費就唔比番屬於我地家長既野.  我原本諗住交還番本圖書, 而家惟有等下佢幾時比番隻cd同file先算.  本來我覺得呢間學校好好, 仲諗住畢業時畫番張謝師卡致謝.  自從知道佢地對啲學生咁不負責任, 好失望.

係呀, 我諗你知我係邊個囉.  不過, 我唔係好知你係邊個同學仔既媽咪.  可否只係講姓氏 ?

pooh_eva

Hi Benalg

我個囡同你個囝係好朋友, 我就係鄔太太囉.
老師同我講話有D媽唔搵佢就同X書記講唔讀,又唔搵佢講聲, 咁我同老師講D家長打電話回校都係X書記聽, 如果D家長找老師佢都話老師唔得閒, 又咩事又係X書記SEND SMS比家長, 我有諗過7月2X之後回校攞返D野, 不過我會遲D再打電話比老師/校長問下佢地,唔好搵X書記, 又件事仲衰呀! 我之前比了留位費7百蚊, 咁後而家有張MEMO話留位費係6百, 一百蚊去左邊, X書記就話係書簿費, 咁我同佢講亞囡唔係到讀K1你比返一百蚊我或者比返一百 左蚊書我呀, 佢話唔可以, 咁我同佢講亞囡7月要返要10:30前回到學校, 佢又話無問題, 佢會有人照顧, 可能去D高班到同D哥哥姐姐玩, 咁孖囡媽都想咁咪打電話去問, X書記同佢講, 佢地返黎都係坐係佢到,無人理, 所以我地覺得X書記係好有問題, 同個個講D野都唔一樣, 好彩我無同亞囡報學校D英文班, 唔知而家唔開會唔退返錢, 或者會唔會又係要比7月學費8月比返佢地上返英文班

silvia_ng

根據香港法例, 校車上就算共得一個學童 亦必須有保母跟車。

rayeu160

其實間學校比我印象唔差...係個書記唔得law...佢代表左學校架麻...咁落去, 真係好影響學校形象....

其實個file 同隻disc係我地私人財物, 唔比番我地, 我覺得佢唔可以唔比番我地law....

原帖由 silvia_ng 於 09-7-6 01:45 發表
根據香港法例, 校車上就算共得一個學童 亦必須有保母跟車。

Kendis1

me,too.我的情況跟妳都差不多....

之前我同學校既行政部小姐(不是老師)傾過, 佢話:學校一定要收到7月份的學費及沒有折扣給家長的,如果家長唔俾既話, 學校就唔會俾返成績表&習作等..., 之後佢就話, 妳(指我)可以慢慢諗下先囉!...說完我們使掛線了...我哋傾談是好平靜的 (可能佢已經同唔少家長講過呢番說話/及我已經預咗學校會咁樣處理的)

這是一單生意(買賣), 依家我只是想...是否值得以HK$3400買回小兒在這所"非常牟利幼稚園有限公司"的回憶而已... .

我要快些決定了, 因遲些便是家長日(單對單的), 如果唔要的話, 我想我會連家長日都不會出席(費事喇!). 如果我出席的話, 應該要帶備支票喇!!!!

PS:我丈夫是一個"熱血爸爸", 他是極力反對的(因他認為一所學校怎能如此不理會家長們的想法).
但小兒是非常喜愛他的老師(我也是, 即使我不太認同學校的行政處事, 但我是非常認同老師們的, 因錯不在於她們).
所以,依家真的是15/16了, 不知如何是好??!!

原帖由 rayeu160 於 09-7-6 13:06 發表
其實間學校比我印象唔差...係個書記唔得law...佢代表左學校架麻...咁落去, 真係好影響學校形象....

其實個file 同隻disc係我地私人財物, 唔比番我地, 我覺得佢唔可以唔比番我地law....

...