學校老師說我囡囡可能是資優

ooooohk

學校老師說我囡囡(2yrs8mths)可能是資優,說可上網找多些資料幫助囡囡. 其實我好懷疑,我只覺得囡囡是精靈一點,問老師何以有此懷疑,(其實我知其他精靈小朋友都會很多東西,不見得囡囡俾其他小朋友識得多,而且我是全職媽媽,囡囡知多一點都不出奇),但老師說我囡囡是特別一點,囡囡不只是記性好,學了之後會消化,明白及運用出來... 我和c6聽了有些疑惑,c6不太相信而且不喜歡我跟別人提起.  囡囡最特別只是很喜歡說話,說得像大人般,而且經常會捉大人說錯的東西. 但數學方面,就沒有什麼突出.
作為一個媽媽,我覺得資優不資優都不是什麼大不了,我不打算給囡囡做測試,只希望囡囡開心,健康便已經足夠!
因為不能與朋友分享,所以在此寫出來.

officecatcat

HI ooooohk媽,

你個囡囡係唔係上堂特別留心, 唔會太理其他小朋友令到老師覺得佢成熟d??

同埋點樣為之姿優?? 有興趣既一個題目

kerkermui

我讚成你嘅諗法.. 唔好俾壓力大家, 係正常輕鬆嘅環境學習就好.. 但係你亦唔可以當無件事! 我會俾多d學習機會佢.. 滿足佢嘅求知慾! 仲有~ 幫助佢自學!

資優有好多方面嘅.. 唔一定係數學架!

momobbli

[quote]原帖由 kerkermui 於 09-7-9 09:52 發表
我讚成你嘅諗法.. 唔好壓力大家, 係正常輕鬆嘅環境學習就好.. 但係你亦唔可以當無件事! 我會俾多d學習機會佢..


我都系咁認為。唔好俾壓力佢，平時給佢多D學習機會，可能對個女更好

smartcar

speak like an adult..very common nowadys.

parent should stop watching TV series with children. they could pick up the street slang very fast..

readings more book could help writing and composition skill academically.

.

kitmantsoi

有無發覺資優兒童, BK係放係特殊教育? 因為佢地係有特殊需要, 當上課既時候佢己完全明白佢有機會會悶而做出破壞行為, 繼而影響其他同學及其心理成長. 而且就算是資優兒童缺乏適當的培育其天資亦會隨時間流逝, 會否可惜呢?
做不做測試沒什麼大不了, 最重要係父母懂得為其特殊需要作好準備. 我相信亦為你女兒老師說她是資優的原因.

安琪一家

贊成!!
我個仔既兩位老師,成日都要特別為佢計設或思考吓d特別安排比佢,以令仔仔專注或合作.有時唔一定係想炫耀,或要特別栽培,而係回應佢地既特別需要呢!

原帖由 kitmantsoi 於 09-7-24 13:54 發表
有無發覺資優兒童, BK係放係特殊教育? 因為佢地係有特殊需要, 當上課既時候佢己完全明白佢有機會會悶而做出破壞行為, 繼而影響其他同學及其心理成長. 而且就算是資優兒童缺乏適當的培育其天資亦會隨時間流逝, 會否可 ...

eclooper

我個仔都比老師話過係, 仲叫我帶佢去中文大學做乜乜研究. 我唔想逼得仔仔太勁所以都係有得佢自己發展自己興趣. (佢劃畫方面比較叻)

maylau09

我囡都啱啱三歲，語言能力同專注力吸收能力都好強，常常講嘢似大人咁，好有邏輯。兩歲幾已識兩三百個漢字。記曬我哋所有人及屋企電話號碼都係自己打電話。兩歲幾識畫多拉A夢識寫1-100的數字字母等。
而家經常不停發問。講故事時佢會問好多問題。我有D招架不住。
雖然有人話佢EQ好髙好有可能係資優兒童。
不過我冇打算幫佢做測試。因為唔知好定唔好。仲有D話資優兒童會有好多情緒問題。所以壓力好大。希望佢能開心快樂學習健康成長就好。

maylau09

加減計到555+251。。你囝囝仲犀利啊。
我唔知教定係唔教好。呢兩日教咗佢十以內的加數。
我話遲D先學了。但佢好有興趣。
我冇帶佢上過吔課程。你有好的建議同方法都話俾我知啊。唔該。

原帖由 BB成長期 於 09-9-16 13:43 發表
真的可寫到字(執筆), 我仔3歲多0的, 同may的差不多一天(打電話, 打PSP, 甚至打keyboard), 而且他可以計到加減(555+251, 60-12等的數), 但他的專注我又不覺特別好, 只是記性好, 現在反而想知我應要怎配合.  
他是不是 ...

happyvalley

原帖由 maylau09 於 09-9-16 16:37 發表
加減計到555+251。。你囝囝仲犀利啊。
我唔知教定係唔教好。呢兩日教咗佢十以內的加數。
我話遲D先學了。但佢好有興趣。
我冇帶佢上過吔課程。你有好的建議同方法都話俾我知啊。唔該。



...

通常可以讀高兩年數學，就算係 Mathematics Advance student，妳可以試下做小一數學作業。


.

[ 本帖最後由 happyvalley 於 09-9-16 22:22 編輯 ]

happyvalley

原帖由 BB成長期 於 09-9-17 09:23 發表
如做到又怎樣呢?  but我會try 0下0, 其實我都有想過待他計減數好0的(現在10題會有2題錯)時教他背乘數背 (他記性好真的不好浪費), 你有沒有課程好介紹?

我不是專家，如果真的明白懂得計算，妳可以寫上來，其他人可以幫到妳。

KK1234

做資優測試可以讓父母更了解子女的長處--因為有些資優兒各方面都很平均。另一個原因是現在有些資源是特別給資優生 (雖然少得很)，你必須証明了是資優，方可參與。
我曾與做評估測試專家討論--若小朋友大致沒有嚴重情緒或行為問題，是否不應該讓他或學校知道他是資優的，免卻被label為資優的壓力。她的答案是當然可以不讓他們知道。而參加一些以資優為名的課程亦不是必須的。

但父母可按他們自己興趣學習讓他們發輝所長，自然會有好的效果ｏ  若小朋友還小，根本不用這麼早做測試，到年紀大些才按需要決定吧！

但有一點任何父母都可做的，就是當他們是資優兒的教導他 (treate them as gifted)，多看不同的育兒書，一定會有幫助。

[ 本帖最後由 KK1234 於 09-10-15 12:40 編輯 ]

happyvalley

原帖由 KK1234 於 09-10-14 17:29 發表
做資優測試可以讓父母更了解子女的長處--因為有些資優兒各方面都很平均。另一個原因是現在有些資源是特別給資優生 (雖然少得很)，你必須証明了是資優，方可參與。
我曾與做評估測試專家討論--若小朋友大致沒有嚴重情緒或 ...

label 呢個字真係有點驚……因才施教，其實最後都係落返父母手中，因為只有父母親先最明白自己仔女最雖要係 d 乜野。

KK1234

唔係有點驚，係好驚。有時要守著這秘密並不容易。
因才施教--絕對贊同

原帖由 happyvalley 於 09-10-14 18:02 發表


label 呢個字真係有點驚……因才施教，其實最後都係落返父母手中，因為只有父母親先最明白自己仔女最雖要係 d 乜野。

[ 本帖最後由 KK1234 於 09-10-15 12:38 編輯 ]

amycml

原帖由 BB成長期 於 09-9-16 13:43 發表
真的可寫到字(執筆), 我仔3歲多0的, 同may的差不多一天(打電話, 打PSP, 甚至打keyboard), 而且他可以計到加減(555+251, 60-12等的數), 但他的專注我又不覺特別好, 只是記性好, 現在反而想知我應要怎配合.  
他是不是 ...

有興趣既可以去people impact,佢地有個左右腦既course係for智力好D既小朋友上架，銅鑼灣、荃灣都有，我未上過，淨係聽過