有得去面試, 但唔知點答???

bb416

家長面試 題目：
(1) 點解揀這所小學 ？
(2) 你希望學校點教育和教甚麼給你的子女？
(3) 你對子女現在和將來有甚麼期望？
(4) 你的教育理念和如何培育子女？
(5) 你怎樣培養孩子的閱讀興趣？
(6) 你有工作嗎？怎樣照顧子女及和子女溝通？
(7) 平日親子時間，多會進行甚麼活動？
(8) 放假時，會和子女進行甚麼活動？
(9) 可能問你子女各方面喜歡和不喜歡的東西或事物？
(10) 怎樣為子女安排生活時間表？

我又不想答得太官腔, 可唔可以幫下我???

Charlotte_mom

以前我都覺得咩理念咩校風, 全部都係"見人講人話, 見鬼講鬼話", 學你話齋: 官腔!
而家女女讀左小3, 終於明白原來唔係假的, 每間學校辦學方法唔同, 你話最好, 人地未必同意
所以你真係要study下間學校強項係咩野, proud of 自己咩野, 係唔係真係你想要既
例如:
傳統學生有規矩vs活動學生有自由度
學校成績好, 教高一級, 中學派位好vs一條龍, 學生少d壓力, 除左學業成績之外, 學生有時間去探索其他學問
唸清楚邊d係你想要既, 你自己係咁唸嗎? 小朋友性格你點解覺得適合?
教學語言係concern嗎? 學生表現如何?
其他課外活動有無突出面現? 音樂? 體藝? 你小朋友有無邊方面已經有學緊or表現突出, 所以特別覺得配合

如果你真心認同果間學校係你想要既, 你就唔會覺得官腔架喇:D

祝面試成功!

bb416

好老實講, 間間小學個網都係寫到樣樣都好架啦, 我真的不知如何答得不官腔??

Charlotte_mom

no喇
每間小學都有自己教學方式, 有d鐘意讀深一年, 操得夠勁(留堂日日操做完又做), 為求tsa成績見得人, 學生banding又正
有d覺得'天生我才", 成績唔好唔代表一切, 唔會將d exercise重覆又重覆做, 要生活化學習
有d校風嚴謹, 學生一舉一動都要跟rules, 見到老師要停低點頭, 唔識為校增光既, 學校根本唔會幫佢報比賽, 有d自由發展, 學生言論自由, 有意見歡迎提出, 學生想去比賽學校舉腳讚成
似乎interview前, 你真係要認真去理解學校了, 否則一味好好好就真係行貨了..........
你試下post學校名出黎, 睇下有無家長幫到你?

原帖由 bb416 於 09-6-8 12:05 PM 發表
好老實講, 間間小學個網都係寫到樣樣都好架啦, 我真的不知如何答得不官腔??

bb416

沙田官立中學 (88)
陳元喜 (88)
沙呂小 (91)

原帖由 Charlotte_mom 於 09-6-8 12:15 發表
no喇
每間小學都有自己教學方式, 有d鐘意讀深一年, 操得夠勁(留堂日日操做完又做), 為求tsa成績見得人, 學生banding又正
有d覺得'天生我才", 成績唔好唔代表一切, 唔會將d exercise重覆又重覆做, 要生活化學習
有d校 ...