ADHD食葯問題...請賜教...(急!)

zater

原帖由 ~仔仔媽咪~ 於 09-6-17 23:59 發表


我仔要做咁多篇野,佢都會扭計發爛渣架!不過我地企硬一定要佢做,佢又細膽驚我地鬧,所以至死死地氣咁做哂佢咋!查實依家逢星期一至四都要佢去我朋友度補習兩個鐘,係咁做數,我都幾登佢辛苦架...不過無計,唔咁谷佢,佢一 ...

英文默書有七十幾八十分已經係好好好大進步, 我女唔知幾時先會有, 但係佢英文程度真係最多只有 K3, 所以我先諗今個暑假兩姐弟一齊學會好 d, 起碼我可以要佢地兩個一齊坐定定聽我講.

zater

原帖由 77777 於 09-6-18 22:56 發表
其實公文係由好淺開始架, 比佢地信心handle倒, 成日讚..... 但一路學上去係一d都唔淺, 不過我都聽過有d公文教室會好d, 有d差d架, 你要問下口碑先law, 阿仔之前學個間係學倒一舊雲, 不過而家阿仔學個度就d老師好好,  ...

咁真係要去打聽下先決定

~仔仔媽咪~

原帖由 77777 於 09-6-18 22:38 發表
咁其實如果太多呢d小朋友, 轉校都係好事law, 因為周圍都係d蝦蝦霸霸的人, 你阿仔會容易受佢地影響, 一係打人或比人打都係唔好law....

查實, 出面d小朋友又唔係咁多咁壞的, 我諗唔怕大人只係小部份, 特別係低年級小 ...

我都希望個仔有個轉捩點可以唔再打人,依家都係一心利用呢個暑假黎盡力教好個仔,其他野真係咩都唔諗喇...希望順利啦.

~仔仔媽咪~

原帖由 zater 於 09-6-18 22:50 發表


ipa 我自己都未識, 真係唔知點教佢好   但係學識真係好有用.

你呢個方法我曾經試過, 不過無你咁大手筆, 串啱 20 分錯扣 5 分 我都要求阿女一邊字一邊讀, 但佢唔肯, 就算讀出聲都係遊雲咁 ...

無架,有時小朋友真係好似貓貓咁,你唔擺碟靚魚黎引誘佢,唔得閒俾少少魚肉佢食下,佢地真係無咁大動力同個心黎做好一件事,咁都係想佢有心機讀書啫,大手筆d都無所謂啦~~~

~仔仔媽咪~

聽朝個仔去要test喇~!我依家勁緊張!希望聽日順順利利啦~!

呢兩日我都有同個仔溫番小三英文,都幾驚喜架!原以為佢學過嗰D一早已經交番哂俾老師,點知我叫佢一句句咁讀番出黎同用中文解釋番,佢全部唔駛我提,佢已經全部讀哂同解哂!仲好輕鬆好似玩遊戲咁答同讀哂出黎!咁都好D!至少我可以快D同佢複習小三英文,可以有番多D時間同佢溫文法...希望成功啦.

zater

原帖由 ~仔仔媽咪~ 於 09-6-20 00:09 發表
聽朝個仔去要test喇~!我依家勁緊張!希望聽日順順利利啦~!

呢兩日我都有同個仔溫番小三英文,都幾驚喜架!原以為佢學過嗰D一早已經交番哂俾老師,點知我叫佢一句句咁讀番出黎同用中文解釋番,佢全部唔駛我提,佢已經全部 ...

祝成功

~仔仔媽咪~

原帖由 zater 於 09-6-20 00:49 發表


祝成功

多謝您~~~!!!

~仔仔媽咪~

原帖由 77777 於 09-6-20 09:56 發表
等您好消息

今日test完喇~~~!!!不過噚晚同個仔傾偈,佢又係好想讀呢間學校,但同時又鐘意依家佢讀緊嗰間學校,,,係咪玩野吖...問佢今年小三仲有無人蝦佢時,佢又話無人蝦佢喎.... 淨係話唔鐘意D同學成日笑佢做BB...真係...!!!同埋今日都有同老公傾開,我地都驚如果真係轉校,個仔會掛住佢老友,新學校又要佢重新適應,好朋友又唔响佢身邊,又無人同佢玩,真係會驚佢會悶到寂寞到仲大機會成日發癲...真係唔知點好...唯有到時如果咁好收我仔時,我膽粗粗照直同新學校講我仔係ADHD同有打人呢個問題,如果佢地咁都肯收又實牙實齒會幫我仔,咁到時至考慮轉校啦...你話...呢鋪唔止俾自己玩死...又俾個仔嗰隻飄忽玩殘咗!

~仔仔媽咪~

原帖由 77777 於 09-6-21 00:23 發表
您睇下點先啦, 因為如果舊校d同學咁鬼曳, 又如果您講埋您仔仔的野.....記住講埋d同學仔的曳野, 佢地如果係肯幫, 又收您阿仔, 咁您再問清楚阿仔, 如果佢都想轉, 咁就比佢去law.... 始終您而家係諗埋中學派位呀....

...

查實我真係好驚我會幫仔做錯決定...愛佢變成害佢...噚晚都有再同佢傾呢個問題,佢話兩間學校都鐘意,我問佢究竟鐘意新學校D咩,佢話佢鐘意間新學校好大間,地方大.... 我就係驚佢呢下新鮮感令佢諗少好多野,但去到新學校讀,發現又識唔到朋友,D老師惡到爆燈,驚佢會好後悔囉!到時真係無得番去舊學校讀嘛!

不過依家唔理佢讀唔讀得成新學校,我都諗住暑假去訓練佢,同佢預演綵排一下番學要守咩規矩,咁都對佢有好處既...希望真係work啦.

你囝囝點呀?睇咗醫生未呀?唔怪之得呢兩日少咗見你上BK啦,小心身體呀,唔駛太擔心.

~仔仔媽咪~

原帖由 77777 於 09-6-21 10:45 發表
其實新學校都係要博一博, 不過, 您如果同過d老師傾下, 都探倒d口風, 佢地係接唔接受law.....同埋如果你舊個間d小朋友係大人都唔驚, 我覺得真係曳啦....因得小學生咋, 都應該有d驚驚地大人架ma....

細路仔係咁架, 係 ...

係啦,我都係咁諗,都係睇到時我講哂我仔D問題後,如果間學校老師都咁好接受我仔話肯同我合作同溝通,我就俾個仔讀新學校囉...依家都係將一切交俾上帝,係真係讀呢間學校/轉校對我仔好,就俾佢符碌地考得入啦.

如果發燒聽人講唔好俾米飯小朋友食,話熱氣喎,但都唔知係咪...咁佢想食飯都証明佢仲有胃口啦,無事既~~~或者如果佢嫌白粥淡味,你可以整魚片生菜粥,加番少少蒜蓉落去煲,加少少salt,我諗會易入口D既...我媽好興一見我地病咗就會煮呢隻粥,幾無胃口都鐘意食...

~仔仔媽咪~

原帖由 77777 於 09-6-21 11:05 發表
等我試下先....

我都想佢食下粥, 不過佢昨日唔肯, 重同平日一樣, 都好好胃口, 係下午好似倦d咋....

今朝又一定要去mcdonald, 不過我要佢食通粉, 唔比薯餅佢食.....

...

係啦,嗰D熱氣野唔好俾佢食住喇...食咗燒得仲勁...叫佢飲多D水啦,如果嫌水無味,俾D果汁佢飲下,不過要留意佢有無喉嚨痛,如果有,喉嚨發炎係唔可以飲果汁架.

我都係唔多係時候要湊個仔去朋友度補習...晏D再上黎傾過.

~仔仔媽咪~

今朝打咗電話去問新校情況...結果都係failed咗,所以暫時都係繼續俾我仔讀番原本間學校,都好既,呢幾日我諗完又諗,都怕個仔唔捨得佢個老友記,同埋問心今年班老師同主任都有心去教我仔都幫咗我地唔少架喇.

依家我同我朋友日日响中心度專登激我仔,等我仔可以學到唔發脾氣,呢兩日暫時都似乎幾有成效,希望我地呢次暑期地獄式訓練真係可以令到我仔有番EQ,開學唔好再打人啦.

~仔仔媽咪~

原帖由 77777 於 09-6-23 19:47 發表
唔緊要啦, 利用呢個暑假去裝備好阿仔先啦.....而且舊校都有好處係有d老師好關心您阿仔.....同埋始終佢有一d同學仔係同佢老友的, 可能佢都唔捨得, 同埋始終新校係博一博架.....

另一方面, 教開佢的老師又本身熟您阿 ...

都係架!查實呢咁多日我都係諗到呢D野,講真佢依家間學校雖則D同學唔好,但佢總有兩個老友响佢身邊,開始同到小朋友玩,等佢都無咁寂寞啦,二黎諗番呢一年學校班老師點對我同個仔,查實都好睇到佢地已經俾咗好多措施同心機去幫我仔囉!呢樣真係好難得,同埋幾經辛苦,今年班老師已經知我係一個好肯教仔既亞媽,呢樣查實可遇不可求...我咁多年都成日俾人誤會我唔教仔,終於學校理解同明我,對於我黎講已經好大支持...

今日同我仔講,我都話俾佢知新學校唔收佢住,佢都有D唔開心,不過我都叫佢唔緊要啦,如果真係要讀,响呢一年自己就要俾心機讀書同好好改善自己情緒同行為,做好自己先,下年再考過呢間學校囉.

我依家最大期望都係希望個仔响呢個暑假內真係學到控制情緒同行為,只要佢唔再打人,查實我仔真係好易教,唔駛再要我流咁多眼淚.

~仔仔媽咪~

原帖由 77777 於 09-6-24 00:04 發表
其實有一班體諒的老師真係好難得架, 佢會知道個小朋友的情形, 唔係故意已經差好遠啦....

同時, 如果小朋友有欺寧行為(好多學校可能都有), 老師肯出手調停已經會差好遠, 同時, 而家真係可以TRAIN好阿仔脾氣的好時機, ...

查實依家我教其他小朋友,都好覺得仔唔係最差嗰個,仲比較易教添...至少我仔真係話得聽,只係要成日提住麻煩D啫...我早幾日都設計咗一系列訓練佢守規矩既野,等佢响呢個暑假同我學吓點守,希望見到成效啦.

不過呢幾日佢都好辛苦架喇~~~响我朋友度補習,由每日兩小時增至三小時,仲要之後上我音標班...難怪佢嗌救命要番學...不過真係唔敢鬆懈,一放鬆咗我怕我同個仔到時成個暑假都一齊懶...

~仔仔媽咪~

原帖由 77777 於 09-6-24 19:33 發表
我阿仔呢排好鬼反叛, 我叫佢做野都好勞氣, 不過都盡量啦, 唔想晒左成個暑假玩, 查實我呢個阿媽都想放pea, 好辛苦先叫倒佢坐埋來, 唔夠5分鐘又話好悶.....我自己真係無mud eq對住佢, 我嗌晒救命....

遲兩日, 我買埋 ...

查實莫講話係你,我都勁想放PEA...難得放咁長假唔駛日日番學同個仔苦戰堆功課同測驗嘛!不過一諗起唔把握機會操FIT個仔,個仔開學會變大惡魔,我就唔敢放PEA...同埋見到呢個月以來我都已經同個仔開咗個頭日日苦練中,又有朋友咁幫我,我更加唔想自己PEA...所以至迫自己同個仔繼續去馬咋!依家日日全日都對住個仔,真係辛苦過平日番學...平日番學至少日頭時間我可以做懶瞓豬,日日煲劇,得閒又自己一條冷去冷街嘛...依家真係無自己時間.

我仔咪又係咁,依家暑假我俾佢放drug holidays,全程唔駛佢食葯,佢D脾氣臭到呀...真係好想拍扁佢!仲要佢成日周圍彈,玩足一日都同你發脾氣黑面俾你睇同你講話好悶無野玩...聽到佢玩癲一日都仲咁同我講,我真係好鬼火架!!!同埋佢補習同溫書,成日唔夠一秒就同你游出公海,都唔知佢游咗去邊...成日遊魂亳無專注力...我同我朋友成日都要話佢叫住佢,佢至番一番黎,然後再遊過...我同個朋友都幾勞氣架!

係啦,暑期作業唔駛買多,一本就夠,其餘時間同個仔去行下博物館、公園之類,等佢增廣見聞...去下圖書館都好架!好過响屋企掛住攬住堆玩具唔知做乜啦...一見我仔之前攬住堆玩具真係好火架~!

不過今日我專登一對一咁教我貓友個仔,即刻好咗好多,噚日佢反我,我又要顧埋另外嗰兩個(我仔同另一個小朋友),結果我都無時間同佢戰鬥落去,今日一對一,我仔坐响隔離做傍聽生,我都有番時間同嗰位小朋友(又係ADHD仔)傾偈,苦口婆心咁叫佢乖D合埋把口唔好'超'我,我同佢講,如果佢乖,落堂前十五分鐘就俾佢玩遊戲,否則佢spend咗玩遊戲時間黎同我鬥咀,我就唔會俾佢玩,仲要講埋要求佢呢幾堂要乖,我至買個靚file俾佢zip我俾佢嗰D notes同worksheets,咁佢至乖乖地同我合作咋...同埋可能佢又見住我鬧得罰得我仔好金,佢都有D驚,知我都可以好惡好嚴...罰完我仔企,呢位小朋友即刻乖哂...希望之後都可以keep住啦.

~仔仔媽咪~

原帖由 77777 於 09-6-24 23:19 發表
您真係好勁, 可以對住兩個, 查實呢兩日我對住阿仔教佢英文, 喉嚨都痛埋, 不過, 我唔係講d英文, 係大聲叫佢返埋來, 喉嚨就來嗌倒發炎, 佢好似安左彈弓每十五炒彈開一次, 永遠唔可以坐響張凳, 好似有釘咁, 查實我有時 ...

我前日就係一個對三個小朋友,結果咪瞓低咗囉!一個懷疑有autism既,另外嗰兩個擺明係ADHD黎既,仲要遇着我個貓友個小朋友係屬於超級多咀既友仔黎,我仔又係見人玩佢又玩嗰隻跟尾狗黎,响樹無啦啦笑到尖叫,結果嗰堂音標堂真係上唔到咁滯,所以我噚日至獨立教我貓友個仔音標,咁我可以集中對付佢,咁至教到佢咋~!

我覺得屋企真係好難教到仔讀書,唔知點解佢地實反架!同埋我又係一响屋企就想放PEA...所以呢次難得我朋友肯幫我仔補習,我真係感動架!至少我仔都學到野,我又只係需要親自教個仔音標同埋星期五六日呢三日我至親自教個仔英文,真係幫輕咗好多..不過每日忙到爆,咁大個女真係有史以黎係可以教仔教到唔停手...依家我好健康架...攰到一早上床瞓,第二朝我係咪都迫自己九點半前要起身,一黎自己真係攰,二黎真係唔想自己一到暑假就日日瞓到晏晝幾點至起身...我太爛瞓喇~!

你都好,個仔可以跟到人,參加暑期班都好架~!至少你都有得休息一下,我仔會打人兼發夢,以往參加乜班都好,都係搞住人甚至打人,結果個個教練老師都放棄佢,擺埋佢一邊,我自己睇到都炆到喊...點解個仔咁.

zater

好緊張呀, Sat 帶女去考入學試, 好想佢轉到校, 佢依家果間真係...無野講.

~仔仔媽咪~

原帖由 zater 於 09-6-25 18:00 發表
好緊張呀, Sat 帶女去考入學試, 好想佢轉到校, 佢依家果間真係...無野講.

祝您和囡囡成功!!!

zater

原帖由 77777 於 09-6-25 18:41 發表
希望您成功啦.....

多謝

zater

原帖由 ~仔仔媽咪~ 於 09-6-25 18:45 發表


祝您和囡囡成功!!!

多謝!