請以子女利益先行

hkangel89

請大家集中在數學英改中的話題上，不要在人事上，試想如果學校真的出事了，見報了或負面消息不絕，對我們的子女有何好處，如果學校真的千瘡百孔，倒不如轉校了。
另外，請家長小心一些別有用心者﹗

我想再補充一些：
我們不是偵探
也不是無間道
更不是文革的紅衛兵
我們只是希望子女能開開心心有效學習的家長﹗

試想：如果一切假設成立了，學校的領導一個一個被查問，甚至打倒了，學校被指行政有重大問題，這樣的學校，你還會讓子女就讀嗎？
請不要：將新仇舊恨藉機發洩、非李宗德家長者請不要拿別人子女的前途來達個人目的。

[ 本帖最後由 hkangel89 於 09-5-27 18:08 編輯 ]

小B媽咪

同意!

請各位家長自己諗下,你哋小朋友喺李小讀書,佢哋o既表現喺點呢?

好似我小朋友咁, 佢己經喺李小讀咗四年，喺呢四年期間,佢比我見到佢表現, 真係能夠將佢學到o既嘢用喺現實生活上面。

喺呢道,我真係好多謝李小一路以來o既細心教導。真係好希望今次"中數"事件能夠盡快解，雨過天青。

原帖由 hkangel89 於 09-5-27 14:15 發表
請大家集中在數學英改中的話題上，不要在人事上，試想如果學校真的出事了，見報了或負面消息不絕，對我們的子女有何好處，如果學校真的千瘡百孔，倒不如轉校了。
另外，請家長小心一些別有用心者﹗ ...

funnyboy

絕對贊成, 我只相信自己看到的事實, 校長已清楚說明這數年來都有討論中數是否讓學生較容易明白, 不清楚為何消息會錯誤傳出並引起如此大問題, 傳出的人應該知錯了吧, 應該向全校校長, 老師及家長認錯了吧. 學校是為學生設想的, 現在通告已出, 是不會轉中數的, 相信問題已告一段落了, 希望各家長以後收到特別消息後三思, 以免被人誤導或利用.

原帖由 hkangel89 於 09-5-27 14:15 發表
請大家集中在數學英改中的話題上，不要在人事上，試想如果學校真的出事了，見報了或負面消息不絕，對我們的子女有何好處，如果學校真的千瘡百孔，倒不如轉校了。
另外，請家長小心一些別有用心者﹗ ...

waiwai108

完全同意

題外話，如果用中文教數可以提升學生到高階層次，其實大家是否可以考慮一吓呢？細想一想，總好過再浪費金錢及時間在外找補習班

小B媽咪

我哋都係香港人,大家o既母語係廣東話,如果要喺數學探研時用廣東話,我心信令小朋友快啲明瞭及掌握。英文課本,英文教學再附加廣東話鑽研,都唔係一件壞事呢!

原帖由 waiwai108 於 09-5-27 18:30 發表
完全同意

題外話，如果用中文教數可以提升學生到高階層次，其實大家是否可以考慮一吓呢？細想一想，總好過再浪費金錢及時間在外找補習班

waiwai108

原帖由 小B媽咪 於 09-5-27 19:10 發表
我哋都係香港人,大家o既母語係廣東話,如果要喺數學探研時用廣東話,我心信令小朋友快啲明瞭及掌握。英文課本,英文教學再附加廣東話鑽研,都唔係一件壞事呢!

...

Good point. 你的提議很好，不如叫學校諗吓啦！好過第二時又話要全部轉晒中文。

小B媽咪

嗰一晚,其實我有直接同校長提議過，但係佢只係講咗句叫我做問卷，就住就走開咗!我諗都係無咩用囉!Anyway, 起碼現在我哋現有o既學生同家長，唔洗咁苦惱先!

不過如果校方真係想行中文數，不如佢來年收生時，三口六面同啲想入李小啲家長講明,等佢哋自行決定嚟唔嚟interview. 我真係好唔想我哋呢班家長同學生名名買咗張直航機票,之後上咗機坐坐下要我哋中途轉機。真係會好浪費之前o既時間呢!

提外話, 有個學者咪話出面有間十字架o既名校都係用中文數教學....小朋友出來個水平都好高..... 我聽完真係覺得好好笑! 佢都講得出嗰啲係名校,啲家長未比小朋友讀之前,己經一早知道呢樣嘢。就係因為佢哋出名，論經驗同師資，一定實力雄厚...

另外講到呢間港島名校，出名係佢哋教啲嘢係好深, 我有個朋友個女咪今年入讀呢間學校, 當佢知道個女被學校收咗,家陣個小朋友一個星期上足五日補習。我聽完都個心好up.....唉~~~~童年有幾多呀.....換轉係我要咁迫個仔,睇怕我要喺青山醫院訂定個床位比我囉!

原帖由 waiwai108 於 09-5-27 21:35 發表


Good point. 你的提議很好，不如叫學校諗吓啦！好過第二時又話要全部轉晒中文。

CKC

小兒在李宗德4年讀得好開心, 學到聽,說及寫到流利的英語, 京腔的普通話, 這一切全懶校長的帶領及老師的教導, 她/他們功不可沒, 無論如何, 請給小孩們一個安定及安寧的校園繼續讓他們的學習吧!!  希望學校的教職員亦都開開心心地教學, 受惠的是我們的孩子, 請大家深思!

ptptmama

校長如果唔提出英數(轉)中數，就唔會有強烈的反對聲音，為何要無風起浪呢？
校長點解唔利用通告詢問我們家長的意見呢?
是否我們家長唔須要知道呢？
永遠是否都係家教會知道第一手資料，是嗎？
在這裏就只有家教會成員和離任家教會成員吵吵鬧鬧，真的很失禮，我感覺有些人很支持校長，有些覺得校長有問題而反對.
希望各位李小家長用詞時小心些，無須要用難聽的詞，會真係比其它學校和家長笑我們學校的家長在這裏開火.

小B媽咪

我諗"英轉中"呢件事件其實只係喺校董會會議時提議過,校方係未有公佈出來,只係喺人轉人之間知道。 所以嗰一晚校長一直強調"我無講過"。

至於家教會係未知道此事,真係要問下佢哋至知囉!

喺校長呢四年任期間，小朋友所學o既嘢 利多於幣 定 幣多於利，請就要各位家長自我反思一下。喺我角度來講，不論我小朋友呢四年o既成績和個人成長，學校毎人位成員真係功不可沒。在此真係喺道講聲"多謝"!

原帖由 ptptmama 於 09-5-28 01:12 發表
校長如果唔提出英數(轉)中數，就唔會有強烈的反對聲音，為何要無風起浪呢？
校長點解唔利用通告詢問我們家長的意見呢?
是否我們家長唔須要知道呢？
永遠是否都係家教會知道第一手資料，是嗎？
在這裏就只有家教會成員和離任家教 ...

LCmum

十分認同你在這標题內的幾次發言,很正面地講出了大部份家長的心聲.

原帖由 小B媽咪 於 09-5-28 10:04 發表
我諗"英轉中"呢件事件其實只係喺校董會會議時提議過,校方係未有公佈出來,只係喺人轉人之間知道。 所以嗰一晚校長一直強調"我無講過"。

至於家教會係未知道此事,真係要問下佢哋至知囉!

喺校長呢四年任期間，小朋友所 ...

小蜜蜂BB

今次對校長十分不公平，校長在任4年大家有目共睹，如果不是校長令李小有好學習環境，好聲譽、我怎會選擇李小給我兒子入讀。
今次中數在未正式通過、咨詢下給別人發放消息，奇怪全部入哂校長身上。對校長實在太不公平，將校長在校4年的公績一下子沒哂。
家教會是家長同學校的橋樑，希望經今次的誤會，大家更同心合力建做更好的明天。多謝

今次錯與對不再重要，最重要從今天多溝通、多體諒、多關心，學校有和諧學習環境對兒女才是最好。