臻美校監被轟卸責 認沒校長資歷 稱沒利益衝突

nywing

有沒有家長為小朋友升中選了這學校??
基督教臻美黃乾亨小學暨初中學校


臻美校監被轟卸責認沒校長資歷 稱沒利益衝突
http://news.mingpao.com/20090523/gfa1.htm


【明報專訊】基督教臻美黃乾亨小學暨初中學校校監梁淑貞，被家長指控管理「七宗罪」，她昨晚首度開腔解畫，向家長承認沒有校長資歷，且欠交多份申辦新高中文件。梁淑貞稱，經廉政公署調查後，證實她沒有利益衝突、學校收支平衡。梁淑貞昨晚向200名家長交代被指管理不善問題，與會家長周先生表示，梁淑貞花很多時間解釋校長資歷問題，最後才承認自己沒有校長資歷，並承認因為欠交文件給教育局，所以下學年無法開辦新高中。「她（梁淑貞）說自己當年只向家長說有信心開辦新高中，沒有說明一定可以開辦。」周先生因為不滿梁淑貞對指控諸多辯解，並質疑校方管理不善，所以提早離場。部分家長在會後表示，梁淑貞與校董黃英琦在會上曾就某些帳目問題對質，其間梁淑貞承認被廉署調查，但最後證明她沒有利益衝突。認欠申辦新高中文件 「卸責教局」創辦臻美的校董黃英琦直言，梁淑貞在會上將責任全推到教育局及她身上。黃英琦稱，梁多次展示已簽名的文件，向家長表明自己是簽妥申辦新高中的文件，問題出在教育局，梁其後又解釋臻美的服務及活動是經過招標的。黃英琦直斥梁說故事扭曲事實、解釋不盡不實，又不提自己須負上的責任。黃英琦稱，家長會場面混亂，現場分為兩派家長，一批是「向前看」的家長，想討論改善臻美的方案；另一批則是希望梁淑貞能澄清所有指控的家長，家長都爭相發言但又沒有咪高風，現場一片混亂，她亦提早離開。校方今午舉行記者會，向公眾交代事件。教局：若不符辦學要求 不續直資立法會教育界議員張文光表示，即使梁淑貞承認沒有校長資歷及沒有向教育局遞交申辦新高中課程的文件，但已經不重要，因兩件事情已成過去，追究亦沒用，梁最重要的是交代清楚身兼多職、有角色衝突及利益輸送之嫌的指控。張稱，教育局須根據梁的回應再作出跟進，以評估她是否欠缺管治能力再辦學。教育局發言人表示，學校現時是以臨時註冊的方式營辦，不存在違規營辦的問題。學校校董會承諾在短期內完成校董會服務合約的簽訂。發言人表示，如學校的辦學情被評定為未能符合教育局的要求，將不獲准繼續參加直資計劃。

ZZdaphne

小女升小一時，
好多家長因為她有演奏廳而選擇她，
唉，乜現在攪成咁！！！

Mimi_Ma

原帖由 ZZdaphne 於 09-5-23 14:31 發表
小女升小一時，
好多家長因為她有演奏廳而選擇她，
唉，乜現在攪成咁！！！

我女升小一時都有考,  二選一 揀了另一間當年被投訢很多的直小,  但今日反而現讀的學校辨得很好.  真係估唔到, 但最估唔到臻美的結果係咁！！

G-Ma

我當年幫囡囡去揀學校時都有去臻美睇過, 佢地校舍真係好靚, 而且教學理念真係幾好, 不過就係因為佢地太新, 我怕無咩辦學經驗, 加上佢地無高中, 雖然話會申請, 不過都怕真係申請唔到, 所以無揀到, 點知宜家真係申請唔到.

希望快D有新既辦學團體接手.

judy

梁淑貞稱，經廉政公署調查後，證實她沒有利益衝突、學校收支平衡。

我聽講唔單止收支平衡，仲盈餘千萬大元。

以臻美管理得咁差，要負担高層超肥薪金(校監校長加埋都20萬)，收生又少，得400人。有咁嘅盈余，其他加價之直資，係唔係要向社會大眾公佈加價之理由呢？

恩林

今日睇新聞話, 香港有5間學校同樣都是臨時註冊辦學的, 有兩間係津校, 有三間係直資, 請問有冇家長知道係邊5間呢????????

Fion_Chan

我估D傳媒只會越挖越臭(唔臭唔挖? )，呢件個別事件會殃及其他學校。

b-7

範圍可以縮窄：
1  必然是新興辦學團體；
2  曾受羅范椒芬祝福；
3   ......

呼之欲出了......

有錯請指正！

原帖由 恩林 於 09-5-26 00:14 發表
今日睇新聞話, 香港有5間學校同樣都是臨時註冊辦學的, 有兩間係津校, 有三間係直資, 請問有冇家長知道係邊5間呢????????

b-7

羅范椒芬當年大力推生直資，尤其中意新興辦學團體，以為佢地必有新思維、新理念。中學的開辦經費是一千萬元，而家計起條數，當年「昆掂」羅太的，都盈利過億﹝當然會用各式各樣方法轉移﹞，仲長搵長有，好過去澳門開賭廳呢！

真係一本萬利，肥過肥雞！
﹝良好的意願是他們會將盈利來投放教育，造福學生﹞


未經核實，有錯請指正！

:-| :-| :-|

原帖由 judy 於 09-5-25 16:11 發表


我聽講唔單止收支平衡，仲盈餘千萬大元。

以臻美管理得咁差，要負担高層超肥薪金(校監校長加埋都20萬)，收生又少，得400人。有咁嘅盈余，其他加價之直資，係唔係要向社會大眾公佈加價之理由呢？ ...

[ 本帖最後由 b-7 於 09-5-26 10:28 編輯 ]

stitchfriends

b-7 唧係邊間, 唔好賣kwan子啦, 我想知係邊間, 我做緊嘢唔得閑摷information. Tks !

原帖由 b-7 於 09-5-26 09:36 發表
範圍可以縮窄：
1  必然是新興辦學團體；
2  曾受羅范椒芬祝福；
3   ......

呼之欲出了......

有錯請指正！

nywing

http://hk.apple.nextmedia.com/te ... amp;art_id=12802387

截至目前為止，共有五所公營學校只獲發臨時牌照，其中四校因搬新校舍而獲發臨時牌照，同時未逾三年。餘下一間則為臻美黃乾亨學校，而且僅得該校長達八年仍只持有臨時牌照而非正式註冊。

ZZdaphne

今朝聽電台新聞話有梁校長以私人名義向幾名家長借錢，係咪真咖？？？

Charlotte_mom

佢份"AUDITED" report都無人肯簽, 佢話千萬盈餘, 我就唔多信!
我女間直資小學, 因為想抒緩staff turnover問題(直資學校老師特別多野做, 唔駛我多解釋), 決定加薪留人, 學生每月俾多$150咁大把, 家長一致讚成順利通過
你唸下每個月十幾萬都要攪咁多野黎"科水", 一間學校究竟有幾多錢賺? 我好懷疑千萬盈餘呢個說法lor

原帖由 judy 於 09-5-25 04:11 PM 發表
我聽講唔單止收支平衡，仲盈餘千萬大元。
以臻美管理得咁差，要負担高層超肥薪金(校監校長加埋都20萬)，收生又少，得400人。有咁嘅盈余，其他加價之直資，係唔係要向社會大眾公佈加價之理由呢？ ...

HPChingchingma

一間學校, 點解體育, 音樂, 圖書館都係外判 ??
完全是一間興趣活動中心的模式.
真的不信沒有利益衝突


根本連管理學校的能力都沒有
不要老說人家阻你辦高中的宏願了.

HPChingchingma

原帖由 stitchfriends 於 09-5-26 10:21 發表
b-7 唧係邊間, 唔好賣kwan子啦, 我想知係邊間, 我做緊嘢唔得閑摷information. Tks !

臻美機構究竟是一間甚麽機構 ?
老人 ? 幼兒 ?
那一個服務範疇 ??

沒有背景 , 而年資又淺的好有理念的辦學團體 .  
當年 EMB 的催谷直資的威力,  作介紹人給黃英琦.
如今真自作孽.....
但害了人家的.

[ 本帖最後由 HPChingchingma 於 09-5-29 20:53 編輯 ]

G-Ma

淨係比埋自己個老公入去做資訊科技總監已經好大問題啦, 佢地仲攪埋好多新it野, d錢可以倒水咁出去都得, 我相信d問題一d愈挖愈多.