放學吾會即時回家

Carmen2004121

各位初中生家長齊齊交流下 .

中一生 . 放學后吾會即時回家 . 一是留校打波 , 一年爛了 3 對克鞋 . 一是回家途中與同學到 7/11 or ok 醫下肚 . 每天都要 6 時左右才到家門 .
講了多次也是這樣 . 硬性不準許又反感 . 隨他又怕那慣左 . 越來越遲返 .
問距就更話 : 個個同學都是這樣 ( 個個是指同他 friend 個幾個 )  . 真冇辦法
講真句 . 他的同學真是比他自由 . 幾個約埋週末又出 MK 行街  . 我一次也不 ok . 太雜了 .
這個年紀開始 . 有怕擔心 ...............

KK07

冇法. 這時期是少年成長階段, 佢要開始建立自己的社會地位, 朋輩間的聯系. 做父母要開始調節心態, 把他看成半個成人看待. 擔心是必然的, 你可訂下準則, 要他遵守, 如放學可留下多久, MK 不准去, 但可去XX等. 最重要是讓他知道你關心, 而不是為管而管. 但保持父母尊嚴我覺得是需要的.

我女兒如與同學外出, 我會訂下歸家時間, 遲到每分鐘罰款, 超過30分鐘''拉閘放狗''兼冇下次.

Carmen2004121

多謝您的分享 , 但我本身也是一個硬頸的媽媽 . 好多時大家下吾到台 , 落吾到淡氣 .
已講過好多次 . 但也是超過指定時間返到家 . 好似聽吾入耳 , 什麼也記不到 , 問她還惡過您 . 轉頭見您吾再講 . 過一會她又可當冇事 . 和您說話 . 真不知點接招 .

Dickyma

樓主,睇黎佢d friend個個都係莆精,無法,唯有比少d零用錢比佢,睇佢d friend請得佢幾多次,無錢自然去少d,最後唯有乖乖
待在家.

LittleKidult

所以我地揀學校都考慮埋地點, 附近多唔多誘惑, 例如7-ven, 機鋪, 麥記等...
而家佢地都係間唔中留校打一陣波

vespa

亞女放學第一時間返屋企，歸心似箭．．

mgtmgtmgt

小兒每天放學都有課外活動, 帶衫褲鞋一大袋 , 所以課外活動完, 十萬火急返家

miffybo

你試吓多Ｄ同佢溝通，解釋比佢知點解你唔比佢去，放學遲返屋企你的擔心，現代Ｄ小朋友係要好多耐性同時間去教同我地上一代唔同，我個女以前都係咁好多時比佢Ｄ語氣激死，但要自己盡量保持平心，有時真係好激心，不過你諗越大同你距離就會再遠Ｄ，如果現在都唔打好親子關系，遲Ｄ就仲死，大家一開聲就鬧ＯＲ佢咩都唔同你講未仲慘

KK07

我都是硬頸媽咪. 女兒如說話大聲比我更惡, 我會不理睬她, 是真的不理睬數天. 她忍不住要跟我說話, 我會先要她道歉兼重申我不滿意她的地方. 因為此時大家已冷靜下來, 她也比較容易接受我的意見. 其實自問EQ頗高不容易發脾氣, 她也知道我發怒, 一定是她已越過了我的底線.

Carmen2004121

多謝您的意見 , 我已提升更自已 EQ , 但有時身邊個件 46 吾入戲 . 攪到個火頭越燒越勁 .
我有給阿女底線 ,好似昨天假期 .比阿女與同學看戲 , 預祝生日 , (因生日是考試週 ) 話明 6 點前已返到家門 . 5 點已 CALL 她提提佢 . 5 點半又再 CALL . 最后也是遲了 1/2 H . 全因她的同學不趕回家 .
總之這個年紀 . 朋輩影響很重要 , 太緊大家冇話講 . 反而放鬆些還可了解多些 , 這個年紀是成長過度期 . 過了這個階段 , 關係便會好好多 .

G-Ma

其實我記得自己呢個年紀既時候都係咁樣, 鍾意留係學校, 同同學傾下計, 打下波, 幫下老師手, 攪下社既活動, 呢d係我人生中幾美好同快樂既回憶, 青春歲月唔係好長, 要好好珍惜.  所以我覺得樓主只要多了解囡囡係學校做d咩, 如果係健康既, 大家約法三章, 定好時間幾點要返到屋企, 做唔好就要受罰等等, 鬆緊得宜, 大家就唔駛咁疆.

[ 本帖最後由 G-Ma 於 09-5-31 19:16 編輯 ]

sukkiu

如果放學打波,都係一項好運動,去食野都好小事,問題係應該幾點番,要有個時間,我試過事先定左時間,話過左要點罸,結果過了幾分鐘,咁就要受罸,但佢日日都問我,要挑戰我底線,好不容易才渡過受罸期.

鵝老太

亞女活動多蘿蘿,所以放學都唔會即刻返家,我俾個指引佢 :

1.  若果留係學校,6:00前要回家,真係有需要遲返一定要打電話通知我,以免家人担心

2.  任何時間要同同學外出,都要講低同邊個去及其中一人電話no.,方便家人有事時聯絡佢 (但如無必要都避免致電俾佢d同學 )

3.中學生處於青春反叛期,係時候適當放手,亦要俾機會佢地學習獨立、自律、自愛 ; 管得太嚴會令子女反感之外,亦會妨礙子女學習長大

4. 就算子女有遲返、忘記打電話通知家長,都唔好責罵佢,應該講俾佢知,父母唔係唔信任佢,只係担心佢地人身安全

[ 本帖最後由 鵝老太 於 09-6-2 08:59 編輯 ]

波子

原帖由 vespa 於 09-5-27 15:15 發表
亞女放學第一時間返屋企，歸心似箭．．

我個今年中二, 佢一向放學後都係會即刻回家, 唔會跟同學周圍去.

Carmen2004121

多謝各位 MAMA 的意見 . 其實我也知自已個女的性格較硬頸 . 再加上這個年紀行為較反叛 . 所以已將火線降底 . 我也讚成適當的信任及放手是需要的 . 昨天剛巧放假 . 在沒有通知她的情況下去學校接她返補習班 . 當然我要在校門外等很久 . 但也是值得的 . 因可確定阿女是留校有事做才晚走 . 不是四圍去 . 不過也要 call 她才會出來趕下一場 . ( 我明白不是她時間觀念差 . 而是她的同學還未走 ) .
眼見現在新聞紙的青少年問題 . 講女多過講男 .便知問題不能忽視 .
我也記得自已在青少年的年代 . 反叛行為及出現問題也不比阿女小 . 只是位置倒轉了 . 我回想當年自已的心態 . 用來與阿女溝通 . 問題應可間單些 .

candy8

個女放學就第一時間返屋企
很放心

Obe2009

我個女升F3,一樣成日話有好多課外活動,成日差不多6點至返到,放假又話要和同學去街,唔俾又會黑面,典型青春期反叛性格,連星期六,日都話要去彌撒,又話要做義工,總之日日都唔得閒.

我試圖做個開明既媽咪信佢,任佢去,結果心散左,成績又差左.開始管佢,佢又唔滿意,依家H1N1我唔俾佢同d同學去街佢重更唔開心,都唔知點同佢溝通好?!

yellow3456

我個女間學校,唔准佢地著住校服入7仔 /ok /麥記... 總次唔准去食野. 要馬上回家.  而家中一, 暫時仲ok. 著住校服唔係返緊屋企會心虛. 但明年 升上中二, 我都有d擔心.

beaclem

我囡同你囡一樣, 有時真係好勞氣呀!!!

原帖由 Carmen2004121 於 09-5-29 23:56 發表
多謝您的意見 , 我已提升更自已 EQ , 但有時身邊個件 46 吾入戲 . 攪到個火頭越燒越勁 .
我有給阿女底線 ,好似昨天假期 .比阿女與同學看戲 , 預祝生日 , (因生日是考試週 ) 話明 6 點前已返到家門 . 5 點已 CALL 她 ...