究竟依家啲老師有冇操守

Lovely媽咪

唔好意思,都幾長,因為真係好激氣,純粹發洩一下
仔仔那班今年都唔知好彩定唔好彩,到今日為止,除了視藝及體育係正規老師,其他全部都係代課老師.仲有4星期多啲就考試,都唔知可以點
話說上學期個班主任(教中文科)已經差唔多3份2時間請病假,返1日病2日,攪到成日唔同老師教,班中的紀律又越嚟越差,最後成績當然唔會好啦.
到下學期開學,我地班家長已諗住要集體投訴,但學校比我地先出通告,內容大致為班主任會請一段長病假,會盡量用同一個老師代中文科,另體育老師會暫代班主任之職責;而英文科的老師因要去進修,因此下學期要由一位代課老師教 算啦,諗住可以正常番啦,點知2個月左右中文科又要轉另一個代課,因原本的代課只能教5年級,抽不到時間兼教4年級(一開始時她已知教幾多班架啦 ).
而英文科的老師就越嚟越痴線,上堂只識鬧,功課錯咗唔會教改正,工作紙即場俾答案改正就當做啱,作文俾model answer叫小朋友照抄當做咗改正,同小朋友爭論食物金字塔是4層定5層,最後只說一句:「我是老師,我話5層就5層」,有小朋友不服駁咀,就罸全班企+掹耳仔,攪到全部都唔鐘意上英文堂.
到今個星期連教數學和常識的老師都話去進修5星期,又搵了一個代課,呢個仲叻,1堂可以教2課書,因為佢係照書讀(數學都係)唔係教,唔理佢地明唔明,講完就叫佢地返屋企做作業,有小朋友舉手話之前的老師會俾佢地堂上做書本上的題目,如果唔明可以問,佢就鬧住話:「阿咩sir點教我唔理,依家係我教,我話點做就點做」
同校長講完,答覆係佢地都唔想,老師要病/要進修佢地都冇辦法,已經盡量請啲好有經驗的老師番嚟教 .
好唔明點解依家啲老師多數係返學既時間去進修,重次次都要幾個星期甚至幾個月,依家返學真係咩都學唔到,都唔知返嚟仲咩 .

catmilkw

係教育局問題,成日要老師去讀書,又成日改,改,改,點跟得上

原帖由 Lovely媽咪 於 09-5-13 15:59 發表
唔好意思,都幾長,因為真係好激氣,純粹發洩一下
仔仔那班今年都唔知好彩定唔好彩,到今日為止,除了視藝及體育係正規老師,其他全部都係代課老師.仲有4星期多啲就考試,都唔知可以點
話說上學期個班主任 ...

一家的太陽

我反而覺得係學校既問題多d喎.
家家學校都有老師要進修,要睇學校點安排囉.

miss321

這是學校的行政問題。校長管得不好。老師病和進修是經常的事。其實好多老師都係"炸"病，不過請得假多，上頭都有說法俾你聽，可能班老師諗住唔做。

黃巴士

原帖由 Lovely媽咪 於 09-5-13 15:59 發表
唔好意思,都幾長,因為真係好激氣,純粹發洩一下
仔仔那班今年都唔知好彩定唔好彩,到今日為止,除了視藝及體育係正規老師,其他全部都係代課老師.仲有4星期多啲就考試,都唔知可以點
話說上學期個班主任 ...

邊間學校?? 校長管理得咁差.  老師好似玩罷工咁!!

mayc

我就覺得幾方面都有問題:
教育政策;學校管理和老師的專業操守,社會大眾對老師的看法,還有小朋友越來越難教,都令今天的情況發生!

原帖由 catmilkw 於 09-5-13 16:46 發表
係教育局問題,成日要老師去讀書,又成日改,改,改,點跟得上

laam1228

....................

G-Ma

其實宜家想搵一個春風化雨既老師已經好難

Lovely媽咪

原帖由 laam1228 於 09-5-18 10:23 發表
你的情況好似我囡囡 以前 間學校

老師如果請長假期有代課老師都好d.....

如果, 係突發性請 幾日 病假, 無外援幫手 , 要原校老師放棄休息的 空堂 去代課的話, 老師的態度奇差.....囡囡話小小事就比人罵足 ...

上學期就係咁,個老師返2日就病3日,因要夠3日先可以搵代課,但佢要每日朝早先知自己返唔返到工,所以學校想搵代課都搵唔切,攪到佢地大部份時間就做其他功課,自修.

之前同學校反映完,個新代課老師(數學+常識)打嚟解釋咗好耐佢點解會教得快,又派定心丸話對小朋友仲有益處,因佢代課,唔需要做其他行政上既工作,可以更加專心教書,佢都覺得呢班小朋友好慘,要不停適應新老師,所以佢原本有其他學校搵佢做代課,但佢都決定留低教佢地,我唯有係電話到多謝佢咁有心

SpadeaAce

好明白你ge心情
不過呢D野其實係兩方面的
依家好多有心ge老師都走晒, 或者唔再教書, 原因係學生家長實在太橫蠻了, 動不動就投訴, 縱壞了小朋友, 甚至覺得教小朋友奉旨是老師責任....

我父親就係因為咁提早退休, 我母親也很可能因此教完呢個學期就退休了

我唔係話你個老師做得啱, 只係想表達下好老師走晒ge原因...

龍舌蘭

有感而發.... 有錯勿怪.
學界怪風
好的老師都去做補習..............不去補習的學生就跟不上課程..............

千里馬難求, 伯樂更難遇......

黃巴士

原帖由 SpadeaAce 於 09-5-18 13:45 發表
好明白你ge心情
不過呢D野其實係兩方面的
依家好多有心ge老師都走晒, 或者唔再教書, 原因係學生家長實在太橫蠻了, 動不動就投訴, 縱壞了小朋友, 甚至覺得教小朋友奉旨是老師責任....

我父親就係因為咁提早退休, 我 ...

好多事都是雙向的.  
我朋友兩公婆都是教書, 他們都因為看到很多小朋友都很難教, 所以唔生小朋友.當然這只是1個單一例子.

大家都是家長, 有時見到有些家長過份對學校要求, 表達訴求態度又差, 認為家長是BOSS便大灑, 這些蛮橫, 都減退了老師對教學熱誠.

但單看樓主內文, 這好像是校方安排不足, 又沒向家長交待&安排好所致.

SpadeaAce

原帖由 龍舌蘭 於 09-5-18 15:44 發表
有感而發.... 有錯勿怪.
學界怪風
好的老師都去做補習..............不去補習的學生就跟不上課程..............

千里馬難求, 伯樂更難遇......

做補習ge話, 唔鐘意或者覺得個學生/家長有問題可以唔教嗰個
做老師就算見到問題學生都要頂晒成個學期先走(為左學生著想), 而且又要顧行政野, 甚至依家連辦公室政治都有

因此...我阿爸阿媽叫我千萬唔好教書, 費事激親
不過我見到佢地咁辛苦都唔會自己走埋去

ceomum

你地有無見過D老師係個度教又靜雞雞收錢幫學生補習 信老師 不如自己努力教好個細路好過。

Lovely媽咪

原帖由 ceomum 於 09-5-18 18:35 發表
你地有無見過D老師係個度教又靜雞雞收錢幫學生補習 信老師 不如自己努力教好個細路好過。

「收錢幫學生補習」 已經冇做再轉做補習老師我就聽過,仲做緊而靜雞雞收錢幫學生補習就未聽過.

但之前聽過有個老師因為好鐘意個學生,個老師本身睇到啲我地睇唔到既嘢,而佢知道呢個學生同佢一樣有呢種感應,所以特別偏愛這學生,放學後會去這學生屋企幫佢補習,咁都唔算差,最過份係測驗/考試通水,作文如知佢結果唔高分,會叫佢改 另一方面亦因為佢介紹咗自己個師傅(風水個啲)俾呢家人(屋企做生意),所以佢更加特別照顧呢個小朋友.

ceomum

真人真事，唔係吹水，我地班白痴家長仲以為佢地好好，後來才知道有補習個班有貼士，又幫佢地係份卷道做手腳，最後個2個為人師表被炒，一個就無再教書，仲搵緊班學生錢，另一個就係某中學教緊書因為要(搵新血)，不過佢都一樣有同班學生補習，因為佢開補習社的!即係話比大家聽貴子弟可能將會成為下一輪的受害者!

原帖由 Lovely媽咪 於 09-5-19 10:24 發表


「收錢幫學生補習」 已經冇做再轉做補習老師我就聽過,仲做緊而靜雞雞收錢幫學生補習就未聽過.

但之前聽過有個老師因為好鐘意個學生,個老師本身睇到啲我地睇唔到既嘢,而佢知道呢個學生同佢一樣有呢種感 ...

黃巴士

社會咁大, 各行業都不免有些不良/狡猾份子.  
但我相信大部份老師都是可信的, 還有很多老師都 是很好的.