黃大仙國際優質音樂小學校風如何??

jlam

係架, 今年會有會考生, 而家考緊, 出左黎既成績, may be 可以比各位家長有個指標去grade 一grade 間學校

原帖由 Era 於 09-5-6 18:13 發表
據我所知既就係334啦,其實佢地都一直強調緊,會同一般既香港學校既課程銜接,唔係考外國既試既.不過太詳細就唔知啦,因為我識既都係小學生.

jlam

補充一下, 音小既上學時間係8:25am 至3:55pm, 最尾有一堂導修堂, 有老師教小朋友做功課, 所以, 返home 做功課既量唔會好多, 有足夠時間比佢地溫書同練樂器

MrsFung

jlam,

請問默書、測驗及考試多嗎？ 每月平均默書多少次？

jlam

默書大約係隔個星期, 默, 不過, 範圍係唔多既, 可以應付既, 考試就一個學期一次, 即係一年兩次, quiz 就不定時都有, 都幾好架, 成日都比d quiz 小朋友, 等佢地成日都well prepared, 而且, 又係範圍唔會好多, 都係佢地能力應付到既
器樂堂就一年有兩次觀課

原帖由 MrsFung 於 09-5-7 17:30 發表
jlam,

請問默書、測驗及考試多嗎？ 每月平均默書多少次？

samelsaho

hi jlam,

是否冇外籍老師？
一班有多少個學生？
是否係中文學校（只有英文堂用英語授課）？

Thank!

daddywai

08年11月中一收生家長問答會時講的.

不過我要強調, 校長當時只是輕輕帶過, 說會研究一下, 並無保證話會搞, 無任何承諾, 所以亦無家長跟進提問.

原帖由 jlam 於 09-5-7 15:16 發表
我都想知, 幾時講過會搞IB架??  我未聽過呀, 幾時既事?

[ 本帖最後由 daddywai 於 09-5-10 23:25 編輯 ]

daddywai

是否冇外籍老師？現在沒有

一班有多少個學生？30人

是否係中文學校（只有英文堂用英語授課）？小一開始以英文教數學, 小四開始以英文教音樂欣賞, 中一開始大部份科目以英語任授課

Tigerprawn

just curious since it emphasises on music training and education but i don't see its students in musical festival???

yklee

學生有參加校際音樂節比賽.
天籟之聲合唱團獲校際音樂節比賽U9 中學外語初級組季軍及U95 聖詩組季軍。
恩典合唱團獲校際音樂節比賽U27 小學外語高級組亞軍。

COP

向音小家長請教, 想問一問,音樂科或樂器科的分數,在整體考試的成績中,會否佔很大的比重? 或是與其他科目(如中英數等)的比重相同? 若果家長不懂音樂, 是否幫唔到小朋友溫習音樂科的內容? tks

yklee

cop,

升留班學校要求中文、英文、數學、音樂科中最少三科合格, 音樂欣賞,音樂創作,器樂三樣是音樂科. 我是不懂音樂,所以音樂科考試,是靠學校教授,我幫唔到但成績ok,小四音樂欣賞,音樂創作轉英文教,佢都跟得到.
音樂科學校有佢方法教,記得小一開學二月去旅行,小朋友自發在車上唱歌已識唱好多中,英短歌.

COP

多謝你的回覆

kathylo

原帖由 COP 於 09-5-14 01:05 發表
向音小家長請教, 想問一問,音樂科或樂器科的分數,在整體考試的成績中,會否佔很大的比重? 或是與其他科目(如中英數等)的比重相同? 若果家長不懂音樂, 是否幫唔到小朋友溫習音樂科的內容? tks ...

我個人認為家長識音樂係可以幫到小朋友很多(特別在小一至小三的階段), 7-9歲的小朋友係須要身邊時常有大人提點, 特別係佢地做錯的時候, 可以立即幫佢改過

例如樂器堂一星期只有一堂, 佢地未必會記得老師教的野, 平時只得小朋友自己練習, 沒有識的大人提點, 佢地係好容易學得不好, 佢地初學, 睇琴譜的能力有限, 拍子感又弱, 係須要練習時有人提點佢地, 如果沒有大人提點, 佢地的進度會相對慢, 除非小朋友真的對音樂有天份

加上佢地要學習樂理, 若果個小朋友太細, 仍須要家長幫佢地溫習, 若果家長唔識音樂, 就好似要一個唔識英文的家長教小朋友英文一樣, 家長唔識英文可以送佢地去英文補習班, 到時, 可能你要送你的小朋友去音樂中心補音樂

而且, 我成日都同人講, 唔可以靠哂學校的老師, 自己做家長都要跟足自己小朋友的功課和學習

若果你擔心唔識音樂會幫唔到你的小朋友, 我就建議你學音樂, 唔係要你學樂器, 係學一些基本的樂理, 咁就唔怕將來個仔/女話同你"對牛彈琴"

COP

多謝你的回覆. 我明白你的意思. 好似囝囝依家學彈琴, 如果練琴時, 有我同佢一齊, 佢會有心機d. 不過, 只怕如果將來學的越來越難, 又或者要求越來越高的話, 可能未必幫到佢了!!

kathylo

原帖由 jessicalau 於 09-5-14 22:37 發表
我有朋友在內裏教書的，他說大部份學生都來自中產，會發工人脾氣，佢地真係未必知道窮的滋味，如果可以，我想小朋友能接觸不同階層的人。

我想你講的情況, 都會發生係很多的小學生身上, 唔係只有音小的係咁, 亦唔係只有中產的小朋友係咁

我亦聽過一個屋村幼稚園的學生係間超市裡面講粗口, 連個大人都用粗口罵個小朋友

佢地咁細, 唔識分好or唔好, 正確or錯誤, 所以, 我和老公都寧願比多d錢, 都要佢讀一些質素高的學校, 平時, 我地亦會教她怎樣去分析, 特別在街上遇到一些態度唔好的人, 我地立即教育她, 我家都有工人, 但我地係要佢對個工人有禮貌

至於"窮", 我都係"窮等一家"出身, 當我細個的時候, 都唔知咩野叫"窮", 係因為佢地小朋友(特別是幼稚園的小朋友)對金錢的認識很低, 唔係"中產"的原因, 小朋友就唔知"窮"
我本人雖是"中產", 但我兩個女由出生到現在都是穿二手衫, 佢地的校服都係二手的, 佢地的圖書係"舊書義賣"到買的, 平時佢地要買玩具, 我會say no, 只係會帶佢地入"玩具反x城"睇下, 擁抱下和玩下
我身邊有一位親人, 佢的家庭收入很低, 住屋村, 但佢個仔由細到大都一身名牌, 簽落很多咭數, 還唔到就問屋企人借
所以, 我地身為家長要教育小朋友怎樣去珍惜得到的東西, 而不是去教他們怎樣去分別有錢和無錢的人, 而且一個人"外在窮"唔重要, 最重要教他們將來怎樣做一個"內心富有"和"智識富有"的人, 還要教他們量力而為和理財

其實, 一個小朋友好唔好係睇下d家長怎樣教和平時家長做唔做到以身作則, 做小朋友的好榜樣, 唔係單單睇佢係唔係"中產"

係, 比佢接觸多些不同階層的人係好, 但做家長一定要很小心地教他們分別好壞, 有時接觸多些不同階層的人, 反而會令到個小朋友很難教, 皆因他/她接觸的小朋友可以做, 為什麼佢就唔做得, 佢可能會唔服

[ 本帖最後由 kathylo 於 09-5-18 17:15 編輯 ]

lovebebe

so so agreed!!

原帖由 kathylo 於 09-5-18 15:29 發表


我想你講的情況, 都會發生係很多的小學生身上, 唔係只有音小的係咁, 亦唔係只有中產的小朋友係咁

我亦聽過一個屋村幼稚園的學生係間超市裡面講粗口, 連個大人都用粗口罵個小朋友

佢地咁細, 唔識分好or唔好, 正確 ...

bb2

非常同意你的講法, 我睇過一本書都係話'再富也要窮孩子'...但係而家社會好多時都係'再窮也要富孩子'....

其實我見大家談論音小我也好有興趣, 唯一有點保留係佢地無net teacher教英文...

原帖由 kathylo 於 09-5-18 15:29 發表


我想你講的情況, 都會發生係很多的小學生身上, 唔係只有音小的係咁, 亦唔係只有中產的小朋友係咁

我亦聽過一個屋村幼稚園的學生係間超市裡面講粗口, 連個大人都用粗口罵個小朋友

佢地咁細, 唔識分好or唔好, 正確 ...

snoopy904

唔好意想問下現在就讀家長,最近有朋友同我講音小都唔係一間好輕鬆學校,朋友的朋友小朋友在音小讀二年級,佢話一年級時好輕鬆,升上小二時好辛苦小息都無得玩是否真的,我問有d人話好谷,音小是否都同一般學校都谷.thanks