2009 派位試算表 (停用, 請於升中資料下載區自行下載)

khmama

原帖由 晴朗媽媽 於 09-7-9 12:40 發表
Thanks Khmama!
但係"谷"唔"谷"到就真係難以預知. 以妳的意見,東區網同油尖旺網邊個好D呢,這是指以現時的制度入band1英中計. 另轉升中校網是新學年何時申請的呢?

...

唔係記得好清楚, 應該一次係年尾, 一次大概3-4月. 到時你可以問下學校.

khmama

原帖由 candylau 於 09-7-8 13:03 發表
Hi Khmama

我囡囡今年9月升p.5, 但成績都是中間, 希望可以參考你的試算表作準備, 但看過後有些不明白, 例如: 競爭非保留學額band 1 學生人數, 非保留band 1英中學額等,
可否解釋一下, 還有試算表內的數字從哪裡得來 ...

學位有分保留同非保留兩種, 保留學位只係比聯繫/直屬小學抽, 所以其他考生只可以抽非保留學位. 升中考生數目係根據報紙所載, 派位學額同英中學額係根據中學一覽表自己加總數既.

pineapple0983

我個女係沙田區讀，學校D先生話佢成績可以報Band 1，於是我參考網友Khmama 數據，係大抽獎頭14個填曬英中，然後到中中，稔住個女既然係Band1 生，冇理由讀Band2架，位又夠，岩吳岩先？
點知7/7派位派到第20間Band 2尾。
呢幾日叩門，連直資都總共叩左八、九間，個女筆試考到殘曬，一間都未有著落，而家唯有暫時係間Band2尾註左冊先，再看情況而定，好鬼頭痕。
我而家都吳知點同個女講，佢已經好Down，連分班試都話吳想去考。我真係吳想講比佢聽係因為我太進取，令到佢落得如斯田地。
我叩門時聽其它人講，間間Band1叩門都幾百收幾個，要有特異功能先有機，林漢光幾百收20都冇份，唉！
我曾經打去教統要查個女Banding，有冇跌Band，回覆係保密，唉！
下一年個細既又黎升中一，我吳想再錯多次，各位網友可吳可以同我分析下問題係邊？係未淨係隨機number原因？
我大抽獎頭幾個排：
林漢光
沙循
郭得勝
鄭榮之

謝謝。
另恭喜派到頭3志願的網友。

khmama

原帖由 pineapple0983 於 09-7-11 18:43 發表
我個女係沙田區讀，學校D先生話佢成績可以報Band 1，於是我參考網友Khmama 數據，係大抽獎頭14個填曬英中，然後到中中，稔住個女既然係Band1 生，冇理由讀Band2架，位又夠，岩吳岩先？
點知7/7派位派到第20間Band 2尾。
呢幾日叩門，連直 ...

如果你大抽獎排第一係林漢光都抽唔到, 只有一個可能, 就係你唔係band1生, 因為林漢光係band1尾, 冇可能放第一抽唔到. 你囡囡既老師究竟點樣同你講? 係唔係講實係band1? 你囡囡既級名次係幾多?

ksw

khmama
    我已收到你pm.你真好人.thank  you

twinsgirl

原帖由 khmama 於 09-7-11 15:09 發表


你要知道級名次同學校band1,2,3既%, 先知道囡囡banding. 你個細女成績好, 應該係band1, 大女要加把勁, 尤其是中文科.

khmama 己收到試算表,好多謝你, 我間學校無分名次,老師無講banding,希望第二次呈分老師會通知家長banding啦!

Skywan

Hi Khmama,

你好! 收到試算表了, 但我都系有些不明白, 現有一些問題想請教你,己發 pm 給你, 墾請有空時幫忙。

2008mum2008

請問小西灣-中華基金點睇?
比較華富-聖公會呂明才邊間好?

謝謝回覆!

pineapple0983

無錯，當7/7我收到派位後就係敢稔，所以我馬上叩直資同官校同係個女筆試期間Call教育局check banding，但答複係保密！佢地推搪話吳想標簽個小朋友。其實真係可吳可以查既呢？佢地而家吳講仲慘，個女覺得係佢既問題：其它同學得，甚至差過佢既都得，係佢吳得。
當日先生話排75以內都可以報Band1，我個女六十，可能係踩界掛？
但問題係排後過佢兩名有個女仔都派到Band1A培英，係未學校計Banding計錯數？但我個女成績吳差喎，期尾全級百幾人考四十幾。
唉！！

khmama

原帖由 2008mum2008 於 09-7-12 09:58 發表
請問小西灣-中華基金點睇?
比較華富-聖公會呂明才邊間好?

謝謝回覆!

中華基金應該好過呂明才. 下面係節錄自校網:

中華基金:
大部份中七畢業學生考獲本港及海外大學學位、副學士、高級文憑及基礎課程。應屆會考主要科成績及格(優良)率為英文100% (59%)、中文90% (30%)、數學95% (50%)，遠高於全港平均。

呂明才:
5科合格率:91.4%, 6科14分:42.8%

samuel89

原帖由 pineapple0983 於 09-7-12 10:49 發表
但問題係排後過佢兩名有個女仔都派到Band1A培英，係未學校計Banding計錯數？但我個女成績吳差喎，期尾全級百幾人考四十幾。

假設個女仔同你個女都唔好彩跌入左band2,...但個女仔隨機no好彩系排前面, 你個女就唔好彩排到最後....甘個結果就有機會好似而家甘啦...

stanleya

唉教育局的官僚政策害死人, 我自己的成績有咩理由唔比我查? 中學會考都可以查卷啦, 話會標簽小朋友? 而家咪仲慘, 一樣係標簽左個小朋友, 仲無得上訴, 希望你能叩到一間理想的中學. 照計百幾人考四十幾應該係BAND 1, 加上排佢後面D同學都入到BAND 1. 會唔會有人做錯野?

原帖由 pineapple0983 於 09-7-12 10:49 發表
無錯，當7/7我收到派位後就係敢稔，所以我馬上叩直資同官校同係個女筆試期間Call教育局check banding，但答複係保密！佢地推搪話吳想標簽個小朋友。其實真係可吳可以查既呢？佢地而家吳講仲慘，個女覺得係佢既問題：其它同學得，甚至 ...

khmama

原帖由 stanleya 於 09-7-12 22:38 發表
唉教育局的官僚政策害死人, 我自己的成績有咩理由唔比我查? 中學會考都可以查卷啦, 話會標簽小朋友? 而家咪仲慘, 一樣係標簽左個小朋友, 仲無得上訴, 希望你能叩到一間理想的中學. 照計百幾人考四十幾應該係BAND 1,  ...

而家用咗中一編班試成績黎調整banding, 如果o的師兄師姐唔生性, 隨時影響band1%. 呢個case應該係band2生 (三次呈分試最終排名係考60), 因為band1生將林漢光放第一志願唔會入唔到, 因為係band1尾學校, 放後面都抽得到, 熟知沙田區既家長都會認同呢點, 況且如果真係band1生, 就算入唔到英中, 最差只會派到所填第一間有位既band2學校, 唔會一路跌到去band2尾, 如果係咁, band2生唔通要派去band3? 呢樣係唔合邏輯既.

小甜

Hi Khmama,


Can U send me 派位試算表!

Thanks!

[email protected]

kathymum

khmama,

Hi! 我現在很煩惱, 因小女在第一次呈分試考得唔理想, 老師話佢係Band 2 頭, 我想問其實可否在第二及第三次呈分追返上Band 1 呢?  小女就讀的小學在九龍城區, 請問有什麼Band 2中學選擇呢?

Kathymum

pineapple0983

多謝khmama同其他網友為我分憂。
真正o既原因我稔冇辦法知道。差過我個女2位個女仔可能係自行收左；又可能係佢既隨機number靚；又可能係學校既學生banding排名同教處o既有出入：因為3次呈分既比重分怖兩者有分別，可能個女仔係比重大既試考得好過我個女都未定。而家個女仔自已都吳知係邊個環節收左佢，因為佢自行、跨區、大抽獎頭位都填培英。
我填曬 D Band1 係前面就係因為相信沙田o既Band1 位夠，就算最差o係Band1生隨機number最後一個都吳會派到Band2尾0掛。
如果我個女跌落Band2，好有可能係D師姐師兄吳生姓，令到佢厘屆跌曬Band。
而家已經無乜辦法。另想知道而家仲可吳可以Call番D英中，執o下死雞？如果係咁，幾時先係最好時機？雖然機會好渺茫，但點都要試o架。

candylau

試算表已收到, thank you

原帖由 khmama 於 09-7-11 15:53 發表


學位有分保留同非保留兩種, 保留學位只係比聯繫/直屬小學抽, 所以其他考生只可以抽非保留學位. 升中考生數目係根據報紙所載, 派位學額同英中學額係根據中學一覽表自己加總數既. ...

樂豬懶媽媽

Hi khmama

Would you kindly send me the 2009派位試算表 as my mail [email protected]

Thanks

cherryjamesma

Hi khmama

Would you send me 沙田區 2009派位試算表
my mail [email protected]

另, 可否分析一下, 因本人得一位仔, 冇經驗點去選擇.
小兒將升小六, 老師話佢小五呈分考全級60左右, 暫應是band 1.

請問以你可否分析一下以下的排位會否太進取?

1.沙田官立中學

2.沙田循道衛理中學

3.聖公會曾肇添中學

4.沙田蘇浙公學

5.沙田培英中學

6.浸信會呂明才中學

7.聖母無玷聖心書院

8.沙田崇真中學

9.天主教郭得勝中學

10.鄭榮之中學

11.聖公會林裘謀中學

12.五旬節林漢光中學

13.賽馬會體藝中學

14.梁文燕紀念中學

15.馮黃鳳亭中學

THANKS

[ 本帖最後由 cherryjamesma 於 09-7-13 20:34 編輯 ]