家長的學術水平重要嗎?

ladykin

我個仔宜家讀緊 K2, 如果想他入讀直資或私校, 今年便要為他張羅. 但有些問題實在令我很困擾, 想請各位給些意見.

我和老公都是普普通通的中五畢業生, 不是怎麼專業人士或高知識份子. 但自問仔仔開朗健談唔怕醜, 亦很喜歡看書, 所以想幫佢報直資或私校就讀. 但可能我自卑啦, 我好怕如果比佢入到眾人所講既名校, 自己有冇能力教導佢呢? 好怕到佢要做功課或考試時自己幫唔到佢, 會唔會反而仲差呢?

我好矛盾呀.

[ 本帖最後由 ladykin 於 09-4-16 15:45 編輯 ]

ngtsuio

有朋友同我分享佢兒時讀書的事，跟成績無關。

朋友媽媽係一位老師，屋企環境算唔錯，以前讀名校﹙港島區﹚，佢話佢讀得唔開心，因為一般同學比較富裕，有比較下，有壓力。

另外，她亦任教一間名女校，平時放學，學校門外有很多外傭等接放學，有多架名貴房車等候學生，長假期完後，同學間互相分享到那個國家旅行等。

P.S. 朋友只係提及過兩個學校，而呢兩間佢接觸時還是津校，現在才轉直資。

[ 本帖最後由 ngtsuio 於 09-4-20 11:39 編輯 ]

ladykin

您提到既我都有擔心過, 由細到大我都教仔仔要知足, 唔好同人比較, 呢方面我相信可以令仔仔明白, 但唔通自己係小康之家, 就算個小朋友有能力就一定要讀屋邨小學 (我絕無貶意, 但我唔識表達), 我祇係擔心自己所識既到時教唔到佢.

CHIULHJ

學術高的家長不等如可教出有禮貌、有修養和有同理心的小孩，大部份學校 interview 小朋友，最著重他們 interview 時的表現；你囝囝喜歡閱讀及開朗健談，對 interview 十分有利，你可以挑選一些校風純樸的學校給他，千萬不要錯過他入讀好學校的機會。

原帖由 ladykin 於 09-4-16 15:44 發表
我個仔宜家讀緊 K2, 如果想他入讀直資或私校, 今年便要為他張羅. 但有些問題實在令我很困擾, 想請各位給些意見.

我和老公都是普普通通的中五畢業生, 不是怎麼專業人士或高知識份子. 但自問仔仔開朗健談唔怕醜, 亦很 ...

ladykin

原帖由 CHIULHJ 於 09-4-16 17:32 發表
學術高的家長不等如可教出有禮貌、有修養和有同理心的小孩，大部份學校 interview 小朋友，最著重他們 interview 時的表現；你囝囝喜歡閱讀及開朗健談，對 interview 十分有利，你可以挑選一些校風純樸的學校給他，千萬不要錯過 ...

呢 d 我自問都做得到, 但對自己有幾多料真係心中有數, 所以我先問其實家長既學識水平對小朋友讀咩學校有冇影響, 我唔想個仔細細個就要揾補習老師啫

cfpa

其實唔使諗太多, 如小朋友有天份, 可比佢試下interview, 如可入到名校的話, 到時再恆量在財政上可否支持 (當然包括一系列課外活動,仲有係補習等等)

[ 本帖最後由 cfpa 於 09-4-16 17:56 編輯 ]

mow-mow

I honestly think that you are worrying too much.
Surely it doesn't take a university degree to help a primary school kid with his homework!

ladykin

可能我真係諗得太多啦, 又怕幫佢揾錯學校佢讀得唔開心, 又怕佢跟唔上, 呢場仗仲係啱啱先開始

birdbird

其實讀傳統小學, 家長跟著學校的功課紙, 幫小朋友做齊默書考試呢幾方面, 調教小朋友自動波, 應該就問題不大.

如果係活動教學, 要家長參與去引導小朋友認識課題, 家長要落比較多功夫. 但係我相信只要家長有心同小朋友一同努力, 唔會係難事.

我地果代, 父母亦唔係什麼知識分子, 不過就識得教導小朋友要尊敬師長, 孝順父母, 做事有恆心, 勇於承擔及去解決問題, learn how to learn, 我覺得這些才是一生最受用.

[ 本帖最後由 birdbird 於 09-4-16 22:54 編輯 ]

G-Ma

如果小朋友有能力考到入果間學校即係證明佢自己本身係符合學校要求, 有家長幫助固然之係好d, 就算真係幫唔到, 只要小朋友肯勤力d, 用心d, 其實都可以自己攪得掂, 始終讀書係佢自己既事, 家長都係盡力幫既je, 所以唔駛太擔心, 現階段盡可能培養小朋友自學自習既能力, 咁佢將來就可以自己應付.

[ 本帖最後由 G-Ma 於 09-4-17 23:57 編輯 ]

俊賢

我膽敢妄下判斷, 早在面試前, 大多數家長對自己小朋友都充滿信心及盼望, 打算為他們的小朋友選擇什麼學校...

到正式進入面試階段, 由報名到等待放榜, 便發覺不是自己在選擇, 而是希望人家選中自己的小朋友, 因為競爭實在太大, 又受制於小朋友的臨場表現, 其他競爭對手和主考官是誰...僧多粥少, 人上有人, 天外有天,...在這場如棋局的遊戲中, 不能再由自己主導, 只好等人家選中自己後才到自己話事, ...

即使可以話事, 都還看有誰選中自己的小朋友, 如果沒有心儀的小學選你, 你的話事權就是選擇只玩大抽獎,或參加埋叩門遊戲...

所以, 我覺得大家只好裝備好自己的小朋友--禮儀應對, 人際相處, 弄好學校的成績表, 了解各校面試形式及考核內容, ... 不用多想, 亦不到你想.

無論家長學歷如何, 只要在自己能力下參與, 已經是很大幫助, 培養到小朋友讀書及自學的興趣, 由他們自己尋找解決問題的方法更加實際.

家長學歷有多高而沒有關注小朋友; 參加多強勁的補習班, 如果學生只養成依賴, 不自己學會其方法, 也是枉然.

原帖由 ladykin 於 09-4-16 19:52 發表
可能我真係諗得太多啦, 又怕幫佢揾錯學校佢讀得唔開心, 又怕佢跟唔上, 呢場仗仲係啱啱先開始

WindyChow

我都好有同感, 最近幾晚上網分析d學校都睇到我失眠, 自己又唔係什麼大學生, 當然想自己個仔入到名校, 因為我相信(直資or私校)學校係可以培養到小朋友讀書!!因為讀得這些學校, 其父母一定有為小朋友安排, 因為現在太多大陸人來港生子都係想佢地d小朋友來港讀書! 而我都有小小介意亦都唔想仔仔周邊d同學係佢地!

原帖由 ladykin 於 09-4-16 15:44 發表
我個仔宜家讀緊 K2, 如果想他入讀直資或私校, 今年便要為他張羅. 但有些問題實在令我很困擾, 想請各位給些意見.

我和老公都是普普通通的中五畢業生, 不是怎麼專業人士或高知識份子. 但自問仔仔開朗健談唔怕醜, 亦很 ...

ngtsuio

大家選校所關注的事、擔心的事都不一樣，如果樓主比較擔心學校裡太多新移民或基層人仕，相信直資/私校應比較少

至於係唔係名校，直資/私校都唔一定間間都是名校，官校/津校也有很多名校。

CHIULHJ

我妹妹當年會考獲8A(她只報考了8科)，她並不是什麼資優生，從來沒有參加補習班，父母知識水平低(媽媽是文盲)，她是靠自己發奮獲得此成績。

本人及本人 hubby 學歷一般，為囝囝報讀一間較有名的 kindergarten 時亦有類似憂慮，因學校一半時間是由外籍老師以英語授課，我怕自己未能配合提供良好英語環境給他，令他追不上，但事實証明我的擔心是多餘的，他很享受學校生活，學術成績也很不錯。

不用多慮，不試過又怎知你囝囝會追不上，喜歡閱讀的小孩，成績一定不會差的。

原帖由 ladykin 於 09-4-16 17:50 發表


呢 d 我自問都做得到, 但對自己有幾多料真係心中有數, 所以我先問其實家長既學識水平對小朋友讀咩學校有冇影響, 我唔想個仔細細個就要揾補習老師啫 :sigh: ...

ladykin

原帖由 俊賢 於 09-4-16 22:57 發表
我膽敢妄下判斷, 早在面試前, 大多數家長對自己小朋友都充滿信心及盼望, 打算為他們的小朋友選擇什麼學校...

到正式進入面試階段, 由報名到等待放榜, 便發覺不是自己在選擇, 而是希望人家選中自己的小朋友, 因為競 ...

俊賢,

多謝您既提醒同意見.  其實我唔係一定要個仔入名校, 亦唔係話佢報人就一定收, 始終現今 d 小朋友真係好出眾 (真心覺得).

其實我係唔太信得過政府大抽奬既制度, 所以想幫佢報直資同私校做個後備, 當然, 如果好彩直資或私校收佢既, 就唔駛大抽奬時咁徬徨, 唔收既, 就睇派去邊 lor, 香港地唔會冇書讀. 正如買六合彩, 預咗唔中嫁啦, 不過買個希望咁啫. 但我一定唔會特別去催谷個仔, 隨緣啦.

ladykin

原帖由 CHIULHJ 於 09-4-17 10:05 發表
我妹妹當年會考獲8A(她只報考了8科)，她並不是什麼資優生，從來沒有參加補習班，父母知識水平低(媽媽是文盲)，她是靠自己發奮獲得此成績。

本人及本人 hubby 學歷一般，為囝囝報讀一間較有名的 kindergarten 時亦有類似憂慮，因 ...

CHIULHJ,

多謝您既鼓勵, 我會比佢去試吓, 睇吓佢自己可唔可以考到啦, 唔得既都唔會失望既, 因為由細到大我對佢既格言係 "祗要盡咗努力, 輸咗都唔緊要". 佢好接受到呢套, 每次玩完遊戲輸咗都會自我安慰嫁, 有時我特登輸比佢, 想睇吓佢有咩反應, 佢就會同我講 "今次輸咗唔緊要啦, 下次贏番咪得 lor", 好攪笑.

missangela

其實你唔需要咁緊張吧..
讓小朋友隨性發展亦不錯..
直資或私校或津貼學校都不重要..
最重要是小朋友的本質..
其次才是師資和同學..
而且老師的角色只是引導學生學習..
成績如何便要看小朋友有沒有興趣汲取知識了..

mymelody2003

agreed! 我覺得父母有一定的教育水平一定對小朋友有幫助, 問題係父母會用幾多時去教呢? 或是只依賴興趣班/補習老師呢?

所以幼稚園階段, 我會教小朋友學習 讀書態度 多於認識幾多種語言, 因為三歲定八十, 性格定了很難改的.

直資/私校很受歡迎, 但家長選校時必須考慮長遠經濟問題, 我認識的朋友, 有些小朋友讀的課程很深, 需要p1 開始補習, 補習+興趣班+學費+書簿費等項目是必須的支出, 一定要計算清楚吧! 津校也會有好的學生, 但好多時家長認為比學費的一定是最好, 總之各有好處, 視乎家長的選擇.

原帖由 missangela 於 09-4-18 12:18 發表
直資或私校或津貼學校都不重要..
最重要是小朋友的本質..
其次才是師資和同學..
而且老師的角色只是引導學生學習..
成績如何便要看小朋友有沒有興趣汲取知識了.. ...

idy926

我女女都係K2,我覺得家長吾好因為自己吾識而吾比機會小朋友，我同c6都係F5學歷，English吾惦，國語吾惦，但都為女女考了間雙語幼稚園，諗住同佢打好基礎，學校由K1起巳有閱讀計劃，every week要讀一本English + 一本chinese story book, every Friday回校讀比老師聽，我地係屋企同佢睇English book時有吾識咪一齊查字典囉，至於中文，由於要用國語，好在我搵到出版社有國語CD買，同時我又要求老師只係比有CD嘅書我女女，我好坦白話比老師知我地吾識國語，但我買晒成setＣＤ可以聽咁law，我吾怕瘀架，為左女女，其實吾緊要架，吾好自卑，你幫小朋友入倒間好小學，起碼有左好嘅學習環境，打好基礎，佢地自己一路大個一路學自然會handle倒架la.
我女仲係超細女，開頭係爭D，so far而家都幾好. 你仔仔開朗健談唔怕醜？幾有優勢呀，我女對住老師，就文靜怕醜吾開口，老師都驚佢面試會sit底添
我地上一代普遍都讀書少la,吾通又因為咁限制左我地讀mug咩？

當然都要count下將來嘅開支la,好似我咁，而家就有CD啫，第時小學，我預左係要請補習嘅la我地都係會照考，收左先算la, add oil la憂吾黎的!

原帖由 ladykin 於 09-4-16 15:44 發表
我個仔宜家讀緊 K2, 如果想他入讀直資或私校, 今年便要為他張羅. 但有些問題實在令我很困擾, 想請各位給些意見.

我和老公都是普普通通的中五畢業生, 不是怎麼專業人士或高知識份子. 但自問仔仔開朗健談唔怕醜, 亦很 ...