幼稚園報校 + 面試

airforce1

大家好. 本人兒子於2007年7月出生,

有很多問題想請教各位家長.  麻煩大家
1.)  應該何時報讀k1呢?  據聞每間幼稚園報考日期不同.  想請問那裡可以找到詳細時間表?

2.)  應該如何預備?  想請問幼稚園會否考慮本人所住校網?  若是的話.  想問應搬那一區校網?  本人心怡St Cat, 根德園和倍正.   (其實我只知大部份好的小學喜歡收St Cat 和根德園 之學生.  不知好的小學還喜歡收取那些幼稚園的學生.)

3.)   想請問什麼是該批幼稚園之收生準則?  想請教已成功給該批名幼稚園錄取之家長的秘訣和意見.  萬分感激. (和＋分羨慕)

因兒子只有一次考幼稚園的機會.   所以十分擔心.  在批先謝各家長寳貴意見.
   請多多指教

BH_2

1) 應該今年下半年, 我之前唔覺有咩統一的時間表, 只要打去心儀的幼稚園問下就得, 小心有D得好短時間報名, 我有d朋友就太忙錯過左..

2)  幼稚園同住址冇關, 只要不太遠方便小朋友啦.

3) 聽聞有些幼稚園較喜歡收大仔大女, 如培正, SPC (in 時冇家長陪), 有些需要唱下歌, 如 kv, bk 都有好多分享, 妳可以去查番下.

In 的時間小朋友得2歲多d, 我覺得一般來講小朋友不怕生, 肯講野(英/廣)已經好叻, 通常都會問下一d常識, 例如俾個玩具生果 or 一幅圖畫, 問佢是甚麼等等, 個d反而個個小朋友都識晒, 只是睇佢當時肯不肯大聲講.   另外是肯分享, 在玩玩具 (好多 interview  都有) 唔同其它人爭野就更好.

我的小朋友是中仔 (0606),  St. Cat 收左, 不過我之前就真是冇咩同佢準備, 個早我都仍俾佢有去番n1, 冇請假, 之後訓左一陣先趕去in 2:00 pm, 同埋阿仔當時的表現都好一般, 又唔去玩玩具, 又唔專心去答, 成日要行出位去花園玩,  我估可能他在英文/國語的對答都算ok, (因英普班會需考2樣) , 好似唔係太多小朋友在國語方面會答, 因個國語老師in 時睇到.. 英文我現場見個個都好好..  

其它的我只考過 hkps, 可能個日人好多, 感覺老師問得好少野 (全英文, 最普通個d, 冇考國語), 我個仔反而是最好表現的, 有問必答 (我平時都未見過), 但而家只是 waiting, 可能真係太少位, 太多人啦..

所以真係好難說收生準則, 小朋友的野, 有時真是冇得控制的.. 家長都不需太在意..得就當 bonus, 唔得就試下第2間, 可能更好的在後面..如果細仔細女, 就下年當大仔大女再考, 機會大好多啦...  小小分享, 希望幫到妳啦.

原帖由 airforce1 於 09-4-13 00:04 發表
大家好. 本人兒子於2007年7月出生,

有很多問題想請教各位家長.  麻煩大家
1.)  應該何時報讀k1呢?  據聞每間幼稚園報考日期不同.  想請問那裡可以找到詳細時間表?

2.)  應該如何預備?  想請問幼稚園會否考慮本人所 ...

airforce1

多謝BH_2.  見到隔籬有Topic "想要求位信-最後可以做的事 " 和 "細女應否repeat k1? "   而且重有好多Reply.   真係擔心明年要問同一問題. (大吉利是).   
   最惨係得一次機會.  冇得話唔得就明年第二次.  

" 例如俾個玩具生果 or 一幅圖畫, 問佢是甚麼等等,"   麻煩从詳細小小.  多謝.  Thanks

   其實我得一個B.  冇乜經驗.  唔知應該俾乜嗰B至啱.  隔籬鄰舍用咗4萬幾買咗套美X世界俾佢個仔.  點知得唯一一間街坊幼稚園收.  如果4萬幾可从俾我嗰仔入到好嘅幼稚園.  我真係唔介意.  所从感覺好大壓力 和 迷網.  好想裁培佢.  但係又唔知應該點.

  最後. 再一次多謝你的分享

BH_2

考 St. Cat 時, 先排左幾個隊分批入不同的房, 排隊時有一位西人同小朋友 chat 下, 問下叫咩名 (唔知有冇計分).  哩 part 我個仔有答得幾清楚..

跟住入玩具房, 有分4-5張 table, 上面有各種玩具, 小朋友要自己行入房坐係台旁玩, 可能2-3個人一齊,  家長坐外圍, 有老師計分, 可能主要睇小朋友可否獨立玩及 share, 如何玩不同的玩具, 我個仔個d是 lego 類野.....
我個仔死都唔入, 要去花園玩, d老師係出面就盡量叫佢入去玩啦, 終於佢入去, 不過去個冇人的 table 自己玩左一陣..

之後見英文老師, 老師俾左一幅公園有小朋友玩的畫, 問下小朋友有關畫入面的野..我個仔都有答下有 this is a park, hv slide etc.. 之後問下家長為何要選 sc..平時有空同阿仔做咩..

之後再去國語老師個邊, 佢取左一d小玩具出來問下佢此是甚麼, 其中有一些是花, 他叫我的仔給媽媽, 我阿仔就俾, 之後亦有一些圖 (忘記是甚麼), 阿仔識.. 老師又問下我在家如何支援學國語等問題, 就完了.


在hkps, 就排隊直接去見老師, 好似人人不同, 我個就西人, 佢取不同的玩具, 好似是水果等問what is this... 阿仔全識.. 佢有 show 一d咭, 指出邊d係佢說的野..另外有單幅的圖咭, 我記得其中有一隻是鸚鵡, 我個仔其實見過, 佢個時就答 I don't know... 老師說是 parrot, 我個仔說 ocean park.. 老師就很讚賞.. 最後老師取個玩具送小朋友, 我個仔見到就說 rocket.. 老師都聽到, 不過都係 waiting..