09-10年讀九龍塘金巴倫道迦南N1 ~ 入來傾吓~

jeje

[email protected] , kamtai, 兜仔媽媽 & sheffield,

咁多位媽媽妳地好, 我個女都係金組架, 不過我無比佢返8月班, 見妳地d 小朋友都無喊同埋好enjoy school life真係羨慕呢, 希望我個女下星期四返學都係咁開心啦.聽妳地講Miss Kwok 好似幾盡責咁, 我都放心d. 其實而家我最驚係送佢上校車嗰刻咋, 返到學校就應該無乜大問題.

Keep in touch~

jeje

原帖由 sheffield 於 09-8-27 10:10 發表
jeje,
希望你bb都開心唔會喊，小朋友好快會投入！我覺得miss kwok都ok架！起碼我個女都好鍾意佢吖！

Thx~ 我越來越緊張呢, 好似我返學咁, haha.
我今日帶埋亞女同細佬返playgroup 時見到跟校巴嗰個黃太姨姨, 佢都好nice, 仲同我個女講搭校車時會同佢唱歌, 又有好多哥哥姐姐一齊搭叫佢唔駛驚, 希望3/9 順順利利啦.

jeje

原帖由 yukisomiss 於 09-8-27 12:50 發表
hihi....各位媽咪你地好,

我個女來緊9月3號第一日返學了, 之前冇俾佢讀預備班,所以9月3號至7號要返一個鐘啊(可以陪)之後返兩個鐘去到月中, 月中打後返正常喎....我家住油塘宿舍, 我地都會俾佢搭SCHOOL BUS ...

Hi yukisomiss, 我都係住油塘宿舍架, 不過我個女係返上午班金組, 無緣見面啦.
妳個女係咪都係搭27號校巴?

[ 本帖最後由 jeje 於 09-8-27 16:11 編輯 ]

jeje

原帖由 hashlulu 於 09-8-27 14:04 發表
我想問吓你地下午班返學時間，因為係我老公去聽，佢無話我知開頭返兩個鐘，到月中先正常，我又要返學，有無人可以話比我知幾時先返三個鐘

Hi hashlulu, 前幾日攞校服時Miss Kwok (上午班) 問過我老公3/9 想返1個鐘定3個鐘, 咁緊係返3個鐘啦, Miss Kwok 話除非喊得好犀利先會要求佢地返1個鐘. 我估妳應該可以request 返幾多個鐘, 妳打去問問啦.

jeje

咁就真係奇啦, 嗰日Miss Kwok 淨係問我老公想返1個鐘定3個鐘, 無講過學校會有呢d 安排喎, 連校巴嗰個鄭叔叔都無話會返1個鐘, 仲叫我大概12:20 到屋企樓下接返亞女.
乜d 安排咁混亂架, 又無通知家長會有呢d 情況, 唯有等我下星期二返playgroup 時再搵Miss Kwok 問清楚啦.

jeje

今日問清楚Miss Kwok 啦, 原來佢地會開另一班專for 未上過8月班嘅小朋友, 時間就好似8月班嗰d 咁頭3日返1個鐘(家長可陪), 然後返2個鐘, 再之後就返自己本來嗰班上3個鐘, 係睇小朋友情況而定幾時可以返3個鐘.

jeje

原帖由 cherylyau_b 於 09-9-1 16:13 發表


Jeje,
乜今日要返學咩??唔係3/9先返咩??

我今日係同亞仔返playgroup, 正式返學日期係3/9.

jeje

Hi all~ 亞女返左2日3個鐘都無喊, 噚日上校車時表現得好茫然, 今日上校車已經識同我講bye bye, 有進步呢.

郭老師打電話黎話亞女好靜好乖, 問佢野都唔答或答得細聲, 但對同學仔就好熱情, 好鐘意同佢地玩. 出外鵪鶉兼慢熱嘅佢唔知幾時先"露底"呢, 哈哈.

打開手冊睇到原來有咁多假期, 都嚇左一跳呢, "教師專業發展日", "高班旅行", "高班畢業禮綵排日", 暈.......

jeje

原帖由 TAROPIG 於 09-9-14 21:12 發表
今日老師打黎話有幼稚園小朋友確疹豬流感，叫家長自行決定比唔比小朋友返。

學校都無硬性規定唔比返，返都應該無乜問題，但個責任就去返家長度，你自己比佢返，中左招都與人無尤...

點決定好呢? 一唔返就要停七日。 ...

我有比囡囡返, 佢實在太鐘意返學啦, 唔想佢每日都好開心咁自己起身話要返學然後先話比佢聽無得返, 一陣間到熱情冷卻左唔願再返就慘. 講真, 就算佢唔返我都會帶佢周圍去玩, 街或公園無人消毒仲多細菌啦, 學校起碼都寫明幾個鐘會消毒一次, 放心得多.

jeje

真係好多小朋友病啊, 希望你地d 小朋友快d 好返. 今日又收到通告話下午班有一個確診, 幸好已經康復.

另外有一張家長回條係出席家長會日期, 我想問大家係咪一定會去?

jeje

原帖由 kamtai 於 09-9-18 15:29 發表
hi je je,

我個仔同你小朋友同班架!!佢無返成個星期學，原來又多個確診，咁你小朋友仲會唔會返學呀??
個仔已經好番啦，但仲諗緊比唔比佢返學，唔返佢真係係屋企好無聊，返學會開心d。


...

Hi kamtai,

我聽日都會照比佢返, 個人愚見呢個豬流感已經普遍喺社區傳播, 差不多每日都幾百人確診, 如果學校每星期都有一個學生確診而自己又決定停7日先比佢再返學, 都唔知停到幾時先可以再返, 所以我會一直比佢返到學校停課為止.