有無人去咗3月20去音小的簡介會?

BB2_AM

個日去到介紹得幾好, 不過學費就超貴, 跟住問下老師又話資助係學校批, 而唔係政府批, 請問有無人知呀??

rabbitpiggy

原帖由 BB2_AM 於 09-3-23 13:55 發表
個日去到介紹得幾好, 不過學費就超貴, 跟住問下老師又話資助係學校批, 而唔係政府批, 請問有無人知呀??

我都去左呀, 學校各方面都好impressive, 尤期是校舍.

以私校呢講我覺得學費都不算超貴.

資助一事我就不清楚了.

awpang

我都有去, 學費是貴d, 若有資助是怎樣申請及審批呢?

Himby

我都有去簡介會呀!
學費係貴，但都算合理，因為校舍各樣配套設施都very good。我好buy學校的教育理念，學生應該會有愉快的學習過程

BB2_AM

我都好想知呀, 佢地又答得我一半一半, 我又唔係好明, 佢地張form只係俾公務員可以學費減免。

原帖由 awpang 於 09-3-24 00:16 發表
我都有去, 學費是貴d, 若有資助是怎樣申請及審批呢?

daddywai

正確呢講，唔係ICQM比公務員子女學費減免，而係公務員可向政府申請子女學費津貼，津貼額可達學費的75%。
至於icqm提供的學費減免可分三類。第一類是傳道人子女學減免。第二類是(清貧)家庭減免，需要申報入息，減免額按家庭人均入息定，詳情沒有對外公布。第三類是不論入息，但凡有多於一名子就讀便可申請，每名子女可減免每月500元學費。


希望幫到大家.

原帖由 BB2_AM 於 09-3-26 11:29 發表
我都好想知呀, 佢地又答得我一半一半, 我又唔係好明, 佢地張form只係俾公務員可以學費減免。

awpang

我並非公務員, 又不是傳道人, 所以本人是清貧家長。
學費比較貴, 會很辛苦的去供小朋友讀書, 不過學我老公話, 當音小真的肯收亞仔才算啦!

daddywai

清貧二字是我自己加入去(因為忘記了正式的資助名稱),希望不會引起誤會.
其實,為平民學子提供優質的教育是音小的使命, 要實踐此理念學校選擇以私營辦學. 而優質私校來看, 此學費實在是超平(很多直資學校收了政府每名學生每年數萬元資助,還要收學費呢), 當然, 對於沒有資助的家庭來說, 這樣的學費也不是容易負擔, 所以我是非常羡慕公務員的.

原帖由 daddywai 於 09-3-27 17:03 發表
正確呢講，唔係ICQM比公務員子女學費減免，而係公務員可向政府申請子女學費津貼，津貼額可達學費的75%。
至於icqm提供的學費減免可分三類。第一類是傳道人子女學減免。第二類是(清貧)家庭減免，需要申報入息，減免額按家庭人均 ...

BB2_AM

真係好想知"清貧"家庭可以減幾多, 好似我地咁兩公婆都有份工, 又唔係收入多, 但又唔係政府納入清貧人仕......
雖然唔係一定考得入, 但如果考入, 又俾唔起學費... 所以真係好想知道..

daddywai

香港很多家庭每年或會出外一兩次旅行，一家三口，每次也要過萬了。反而把這筆錢作子女學費，很多人會嫌貴，這可能與有政府有免費教育提供有關。
但從我這幾年的經驗所得，ICQM真的貫徹了以聖經真理為基礎，向每名學生提供優質的基督教育和音樂教育的承諾。
試問子女在世短短數十寒暑，應該把什麼送給他們呢? 要讓社會多一個為錢打滾的世界仔女，還是讓他們認識真理，好好欣賞及享受音樂？

BB2_AM

如果真係有錢去旅行的話, 我都願意放棄旅行, 把這筆錢給子女學費, 幫他們選擇一所好的學校, 本身又怕俾唔起學費, 所以先會想知可以減輕幾多啫

^曾小姐^

我都係咁話,呢個問題我都想知
會唔會申請學費減免,會被人歧視/睇少?因讀得私校都非富則貴

原帖由 BB2_AM 於 09-3-30 16:49 發表
如果真係有錢去旅行的話, 我都願意放棄旅行, 把這筆錢給子女學費, 幫他們選擇一所好的學校, 本身又怕俾唔起學費, 所以先會想知可以減輕幾多啫

daddywai

若說icqm學生的家庭「非富則貴」，我相信與事實有點不符。以本人為例，只一個每天坐巴士返工的打工仔，每天載我的巴士司機會認為我「非富則貴」嗎？

我想icqm學生的家庭大部份都算是中產，有不少公務員、教師、信徒，富貴人家相信不會是主流。當然，中產的定義是很闊的，家庭月入二三萬到十數萬也算是。

至於歧視問題，有兩點我覺得是很重要的。第一，歧視的來源很可能是出於自己。第二，神看人的價值絶對不在於財富。若自己和神也沒有看輕自己，其他人的眼光人還用理會嗎？而我有信心icqm是會用聖經的摽準去看每一個人的。

BB2_AM

第二，神看人的價值絶對不在於財富。話雖如此, 但仍要看財富能否承擔學費。
若自己和神也沒有看輕自己，其他人的眼光人還用理會嗎？一直都沒有看輕自己, 只是想給他們的是否可以做到。
而我有信心icqm是會用聖經的摽準去看每一個人的。我都知icqm是會用聖經的理念去教導小孩及給他們一個愉快成長。

但到這一刻你還在說這些, 我只不過都係想知減免學費有幾多及怎樣才可以減到, 神不在於財富, 但人還要有其他開支, 還要生活, 如果所有人工都只想用作交學費的話, 就不用想太多啦!!

daddywai

我上一個post是回應^曾小姐^有關歧視的問題，希望你不要誤會。

幾多入息先有資助、資助額多少？我真係答唔到你。但相信申請資助的門檻不會太低，因為在完全沒有政府資助的情況下，icqm是很有營運壓力的。試想一班每月只收得約十二萬學費，但每班要養兩至三位老師，另加器樂，校務支援及其他水電支出，若學校對學費作出大額減免，很可能入不敷支。但我相信學校是體諒到家長的壓力，所以一直以來學校也沒有加學費。

若你真的喜歡這學校，我覺得不妨照申請，並於面試時坦白說出你的憂慮，看看學校有何回應。


還有，交託的禱告是不可少的(個人經驗)。

原帖由 BB2_AM 於 09-3-31 14:12 發表
第二，神看人的價值絶對不在於財富。話雖如此, 但仍要看財富能否承擔學費。
若自己和神也沒有看輕自己，其他人的眼光人還用理會嗎？一直都沒有看輕自己, 只是想給他們的是否可以做到。
而我有信心icqm是會用聖經的摽準去看 ...

[ 本帖最後由 daddywai 於 09-4-1 08:44 編輯 ]

kathylo

原帖由 BB2_AM 於 09-3-31 14:12 發表
第二，神看人的價值絶對不在於財富。話雖如此, 但仍要看財富能否承擔學費。
若自己和神也沒有看輕自己，其他人的眼光人還用理會嗎？一直都沒有看輕自己, 只是想給他們的是否可以做到。
而我有信心icqm是會用聖經的摽準去看 ...

我本人都是基督徒, 我明白現實生活的須要和金錢的壓力, 只談宗教是不能解決你的憂慮

其實你要知道一間私校的主要收入是來自學費, 政府是不會比出任何金錢幫助, 所以, 他們的學費減免沒有政府的那麼容易申請和那麼多, 他們要衡量很多因素, 若果有很多家長申請, 可能成功的機會比較低和減到的學費唔會很多

你除了學費的支出, 將來你的小朋友真入到音小之後, 你打算選什麼樂器? 若果是鋼琴, 你又要買一個係屋企, 如果想學樂器學得好, 除了勤力之外, 用一個優質的樂器都很重要, 而一個優質的樂器都唔係平, 我以前學小提琴, 初時都覺得幾平, 幾百$就買到一個, 但到我考3級, 考出來的評語, 說我拉出來的音有些怪, 當初以為是自己的技術問題, 到了考5級的時候, 老師就建議我買一個質素好些的小提琴, 當我去問價時, 嘩, 要成幾千蚊以上才買到一個叫做中等質素的, 高質素的要接近萬元的, 加上, 在音小讀上去, 要學兩種樂器

每一個家長都希望將最好的比自己的小朋友, 但都要算清楚和計劃好(我指是金錢上), 唔好將來後悔和煩惱

而且你要想一想, 音小四年級之後的學費又貴d, 上到中學又貴d, 第一年比你申請到, 係唔係年年都得, 若果將來因為$要轉校, 到時很難找一間中上的學校插班, 加上, 音小不會參加教署的中學派位, 到時你不讀音中, 你個小朋友都唔可以入番政府/資助中學

我想你最好係交報名表前直接問音小的校務部, 如果計過後, 發覺唔係你想的一回事, 我就認為你唔好博啦

BB2_AM

很多謝你的解說, 你所說的都係我的憂慮, 我都怕無論怎努力, 怕過得第一年又過唔到第二年, 所以先想問清楚減免學費的要求, 先會諗報唔報讀.

原帖由 kathylo 於 09-4-1 12:44 發表


我本人都是基督徒, 我明白現實生活的須要和金錢的壓力, 只談宗教是不能解決你的憂慮

其實你要知道一間私校的主要收入是來自學費, 政府是不會比出任何金錢幫助, 所以, 他們的學費減免沒有政府的那麼容易申請和那麼 ...