各位比d意見

08準媽媽

我bb本來08年3月出世，早產左3個月變左07年12月出世，本來打算今年比佢讀n1，但係e家bb都成15個月大咩都未識，所以又想下年9月先比佢讀n1，但係到時已經兩歲9個月大可以直接讀k1，請各位比d意見我，都唔知點算好。

[ 本帖最後由 08準媽媽 於 09-3-15 23:20 編輯 ]

08準媽媽

有冇人給點意見？唔該！

spmok1999

做大 仔/女 好o的, 如果唔係早產的話根本就係08年出世, 所以依家照計你 bb 係應該細足月o既 bb 三個月 ...
另外有o的 k1 係要收足三歲的, 所以對於某些幼稚園來講你 bb 仍然算係未夠秤呢 ...

08準媽媽

我bb本來08年3月出世，早產左3個月變左07年12月出世，本來打算今年比佢讀n1，但係e家bb都成15個月大咩都未識，所以又想下年9月先比佢讀n1，但係到時已經兩歲9個月大可以直接讀k1，請各位比d意見我，都唔知點算好。

kerkermui

就算足月, 我都會睇吓小朋友嘅能力..爭幾個月可以相差好遠..何況你仲要早產! 你會唔會想响一個周圍嘅人都比自己强嘅環境長大呀?

joecrystal

其實遲d讀書都冇咩所謂,最緊要係佢能力到唔到,我識有個朋友仔,佢同你情況义唔多,最後都係讀二年k.1.所以都係睇番你個小朋友情況.

08準媽媽

唔該各位！

trina_choi

sorry,我架見解又唔係同大家好同喎!
我個仔都早左足足一個月先出世,同表弟差四十日,表弟係預產期果日出世添,足月到盡,身型體重咩都係表弟大份d,起初個個都担心我仔,覺得將來咩都係表弟仔好d叻d.

但我仔下個月二yrs,我仔十三個月先識行同發單音,點知一係唔識,一識就發展得好快,佢學行唔夠二三日,就可以行得好穩同好快,依家都未到二yrs,就識講好多野,識數1至13,one to five後重識同我講give me five,听我唱左三四次就識唱naughty boy 同happy birthday to you. 而表弟仔佢都要到十三個月大先識行,重行得好慢,表弟仔六個月時就二yrs啦!到依家都只係識叫女麻女麻,其他都重係外星話.
所以我唔覺得選讀學校係用早唔早產黎計囉!其實應該睇小朋友本身資質去決定,唔好少看小朋友架能力吖!當佢地真正開始架話,真係勁到你唔信.
到依家我亦唔會覺得我仔叻d,只係覺得每個小朋友架發展時間唔同,只要佢地一開始,就好難想像,咁早決定佢地能力低於他人,未免言之過早.
我反而係覺得,如果你都有心理準備比佢做大仔/女,咁點解唔比佢試做細先呢!真係跟唔上,唔洗勉強佢地,咪當返playgroup咁,比佢地去玩下囉!下年再報讀過咪一樣.你諗下,如果你試都未試,就比佢做大b,咁到佢讀k1時,佢已經係三yrs九個月囉喎!
我仔0705架,之前只interview三間,三間都收左,呢個都係我地估唔到架啦!未in.前都怕佢太細,咩都唔識答,學校未必收,點知去到,比左好多驚喜我地,咩都識答,平時喺屋企問,唔係樣樣肯答我地,本以為唔識,原來係佢唔理我地咋...
我有一位好要好架朋友,佢都係早產三個月(重要係70年代尾),佢咪一樣做細仔,結果咪一樣可以u. grad.我諗最主要係睇湊架人點教啫...
不過...呢個只係我個人見解啫...

spmok1999

原帖由 trina_choi 於 09-4-13 09:09 發表
sorry,我架見解又唔係同大家好同喎!
我個仔都早左足足一個月先出世,同表弟差四十日,表弟係預產期果日出世添,足月到盡,身型體重咩都係表弟大份d,起初個個都担心我仔,覺得將來咩都係表弟仔好d叻d.

但我仔下個月二yrs ...

早產唔係問題, 其實主要問題係出世o既月份, 你阿仔 0705 梗係冇問題啦, 就算唔早產都係 0706 o者, 個情況都唔同樓主, 而且樓主個 bb 係早o左3個月喎! 12月又係最細o既細仔, 如果同1月份o既bb比較足足細 11 個月, 懷胎都只係需要10個月時間 ...
但你所講 bb o既進展係有唔同, 比 bb 試下係可以的, 但係12月出世的最早只可以o係第二年o既1月插班, 如果真係追唔上其實你可以話當返7個月 playgroup 都可以o既! 不過就要視乎樓主o既睇法啦!