我去了以下幼稚園睇睇, 大家不防係到分享一下(天水圍)

蘇蘇

hi 各位媽咪, 我囝囝出年會讀 k1, 不如我地係到傾下對天水圍的幼稚園比下意見, 分享一下, 或許我地囝囝/囡囡有機會一齊去 interview 和有機會做同學 :) 我上個星期睇過幾間有以下感覺

第一間是夏瑞芸
- 因屋企問題, 所以之前一心想著是報讀全日的幼兒班, 而且問過一些媽咪的意見對此學校都有好好的評價, 所以一早便入 form, 直至近來計劃有變, 所以便可以看多幾所幼稚園.  不過都有去看一看.  學校可能是正進行小裝修, 所以有點混亂, 入到不見有老師接見, 只是從窗口看見小朋友在上課, 到最後才有一個老師/呀姐出來, 而且只是從門縫中跟我們對話, 有點怪怪的, 我知當時是上課時間, 我亦沒有打算入去看看, 只是想交 form 時看一看環境, 想問多一句我都覺得在打擾她.

第二間德怡, 因為有朋友的囡囡係到讀 K1, 說讀得很開心
- 地方好大光猛, 主任都好詳細講解和細心帶我同老公周圍睇睇, 有 d 老師好好面帶笑容, 但見有一個老師就對小朋友黑口黑出面話一個小朋友, 你點可以咁無禮貌?, 但又沒有跟小朋友解釋應該是怎樣才對.  可能我不知前因後果, 所以不敢莽下判斷是老師不好還是小朋友曳曳, 但其他老公都面帶笑容, 剛好又是放學時間, 見到好多家長和小朋友都好開心.  可能是跟第一間比較的關係, 老公十分喜歡, 而且即時報報名, 11 月頭去 interview (正常是 10 月 30 日, 但我有事所以要求 11 月頭)

第三間是去佳寶幼稚園, 這一間是我堂家姐介紹, 她是在屯門教小學, 她的教友說不錯, 所以去看一看.
-  我們去到時是在側門, 又是有裝修工人在工作, 感覺當然是沒有德怡的好, 所以老公很不喜歡, 而且還不想入去看. 當然我們還有去看一看, 學校環境比較細, 而且走廊很窄, 但老師很熱心帶我倆看環境, 她們很強調是用電視投射教小朋友, 等小朋有興趣和易於學習.  星期六帶過囝囝去 interview, 囝囝到學校時不肯落地, 而且還想哭要走, 可能是陌生, 攪了好一輪才用玩具氹了他落地玩, 在某一角的玩具污穢了一點. 但在等 interview 其間一些老師好好, 過黎會同囝囝傾計和玩玩, 不過有一點好奇怪, 便是當日有個小朋友 interview 的時候是著拖鞋和類似睡衣的裝束去 interview, 還要是父子裝, 真奇怪, 就算是 causal 也要專重場合掛??!!!!

第四間是伊幼, 伊幼是有小學和中學連接, 所以想問清楚一下有關資料.
-  我細妹是在伊畢業, 學校是不錯, 但我對伊幼和伊小就不是太清楚. 伊幼不是在天瑞村中心, 環境比佳寶靜一點, 老師都很有耐性和熱心講解.  聽老師說上年的 k3 是 100% 入伊小正校, 而分校就有兩個不入 (我忘記了是 10 還是 12 個人報), 現在近美糊居隔鄰一個地盤正在興建伊中分校, 約 2005 年落成.  其實老師都說不是一定能派伊小, 但無可否認機會是會比其他幼稚園大, 因為他們會寫信推薦小朋友過去.  就是因為這一點我們都報了名, 又是 11 月頭 interview. 不過有一點我是不太喜歡, 我兩公婆去到的時候上下午班已放學, 只有 5-6 個小朋友是全日班, 老師說每 一, 三 & 五他們會在大堂上看電兒童節目, 如成語動話廊, 二 & 四就在課室做其他活動, 但我眼見老師在批改功課, 由得小朋友自己在看電視, 而且有一個男仔在玩自己 "bird bird", 我不知老師看不看到. 不知是不是他們是等家長來接, 所以不用放太多時間照顧小朋友呢?

第五間是在頌富的翰林, 對這間幼稚園不太熟識, 是一個朋友的朋友見議去看看.
-  翰林是在 2000 年建校, 所以一切都比較新, 環境都很寬敞, 介紹的老師年資應該是很小, 但是很有耐性和熱心. 因為那天有交通安全隊, 所以約了是 5:30 之後, 雖然是 5:30 之後, 但都給我看見交通安全隊的小朋友和全日班的小朋友放學情況, 小朋友好開心好可愛, 交通安全隊的小朋友由一個交通安全隊的哥哥帶領著, 見他們好開心好自豪.  而全日班的小朋友各拿著一個差不多還比他們高的布袋, 問老師才知每在星期五他們都要拿自己的被回家洗. 這一所學校給老公和我的感覺不錯, 不過要 11 月一日才派 from, 老師說上年有一個媽咪凌晨 3 點便排隊取 form, 真誇張呢 !!!

另一間是聖葉理諾, 11月1 日才派表, 今個月 23th 是開放日, 到時放工會跟老公再去看一看.

因為現在大多數幼稚園都是活動教學, K1 是希望小朋友適應和學習群體生活,  所以以上都只是從環境和見老師時的感覺給大家一起分享的意見, 不是從教學方法和課程深淺去作比較.  各家長對各學校有不同的口碑和意見, 你覺得好但隔離陳師奶可能覺得不好, 所以我相信始終是要自己去感受一下比較實際, 我的老公是一個好好例子, 起初跟他說他都沒有什麼意見, 但跟他看完後便說不要呀囝讀那間, 又或者是想呀囝讀那一間.  囝囝會在一個地方讀上三年, 而且還有細佬跟住讀, 所以都想找一間囝囝可以讀得開開心心健健康康的幼稚園.  

kibady2

蘇蘇:
10月23日和30日天耀元朗商會參觀日, 不防去睇睇.

kibady2

蘇蘇:
10月23日和30日天耀元朗商會參觀日, 不防去睇睇.

soong

hi 蘇蘇、咁多位媽咪：
小女都係出年讀k1﹐以下係我去睇過的幼稚園：

1)天水圍真光幼稚園：聽bk呢度的媽咪講真光幼稚園時提過天水圍o個間的老師幾好﹐所以就慕元朗o個間之名去睇天水圍o個間﹐因為元朗o個間我諗我囡囡咁怕同我分開﹐佢未in得成已經要out.....天水圍呢間我入到去時咁o岩有個老師定職員帶緊一個家長、佢d屋企人參觀下﹐環境都幾好﹐佢地o個日(星期六)執拾緊﹐將玩具呀收埋、封住﹐因為逢星期日有崇拜﹐唔想比d小朋友搞亂。睇佢地的課室﹐光線充足﹐好有學習氣氛﹐位老師講左好多野﹐內容大意：1.佢地成日開窗﹐保持空氣流通﹐所以就算流感高峰期﹐佢地學生的出席率都好高  2.同埋佢地就算教署無指示幫學生探熱﹐佢地都依然keep住幫學生探熱﹐以防有d家長真係唔知小朋友發燒唔舒服又照帶返學  3.佢地每個課室都有部電腦﹐所以無「電腦室」﹐咁係因為佢地參考過其他學校認為﹐一班小朋友係電腦室﹐其實唔係真係個個都識用、玩到電腦(好似係話因為無可能每個小朋友都有老師係身邊教住)﹐咁佢地會直接係課室用﹐d 同學仔會排隊輪流玩﹐d 小朋友會玩之前扭一扭個計時器﹐夠鐘想再玩的話就要再排隊  4.小朋友玩完玩具要放返好  5.佢地出名功課少﹐因為...(唔係好記得原因添)    6.佢地教中文時﹐會活動d 教﹐例如會要同學仔查字典、搵部首﹐從中加深佢的對字的認識

soong

7.佢地唔會比有唔舒服﹐例如傷風感冒的小朋友玩波波池  8.男廁有扶手﹐以防太細的小朋友......(sorry﹐無留意下文﹐因為掛住望個女廁﹐廁所乾淨同係o岩晒小朋友size的小廁座
    到最後﹐我問一齊睇的家長﹐先知原來帶我地周圍睇o既人唔係老師﹐係校長！我地都認為呢個校長好好﹐同我地講解左咁耐；我就覺得呢個校長幾用心辦學﹐因為聽講有d校長竟然對自己間學校唔清唔楚﹐而天水圍呢位校長就咁清楚佢地學校的大小事！

2)伊利沙伯中學舊生會幼稚園：環境幾好﹐寬敞﹐感覺比較"玩"d(活潑d)﹐又新d！我有興趣係因為睇明報﹐趙榮德先生有提過佢係元朗、天水圍其中一間有口碑的幼稚園﹐另外﹐我睇佢張簡介話佢地的英文教學係著重聽講﹐好似仲教拼音﹐加上佢聯繫的小學同中學都唔錯！但﹐面試時我問起個老師﹐佢話英文一星期兩堂﹐好似15分鐘定30分鐘一堂﹐我唔知佢係咪以為我問個外籍老師教幾多﹐定真係(不論係本地的定外藉的老師) 都係夾埋得一星期兩堂....係我心目中﹐就算少少一堂得15分鐘﹐但日日都有英文接觸下浸下﹐都ok 啦！但唔係呢！而且拼音係低班先教﹐驟耳聽﹐我真係驚小朋友英文追唔上......伊幼的老師無咩特別差﹐但校長無我聽講咁好﹐事緣小女面試o個日特別扭計(之後先知佢原來飛滋成日痛)﹐佢趁我要放返佢之前手多拎的書﹐ 見到滑梯就顛左咁﹐係都爬上去玩﹐仲要係前面爬上去﹐咁我拎轉頭時﹐見到個嬸嬸就好煩想捉佢咁話「o麥你咁曳架....」﹐我即刻拉囡囡走﹐行開時我仲見其他的小朋友比自己個女「教壞」﹐又想學囡囡o係滑梯前爬﹐人地個阿媽緊係即話咁唔o岩啦﹐真係勁魚.....跟住我個女仲大叫大喊要去玩﹐我咪一路行一路話個女「....你再咁曳﹐係咪想打.....」滾水燙腳的我隨口講o既一句話﹐只不過係一句面對個仔女係公眾場合扭計時都會講的說話﹐個應該係校長(我見佢特別著套裝唔駛著老師、書記的工作服)﹐佢走出黎話：「唔好打啦﹐成日打小朋友唔得架」我心諗﹐下﹐我講下無郁過手喎﹐咩成日打小朋友呀﹐就算o係屋企我都甚少用"打"的方法架播﹐跟住我咪笑笑口講「我講下架姐」﹐佢就一路行過一路講「講下都都唔好姐......」幾無奈！我都覺得﹐打---用到肯定唔係咁好多過好﹐但唔駛咁掛.....點講呢﹐即如果呢位校長係一邊行一邊走過黎好nice咁講話唔好打啦﹐又問下小朋友仲咩咁﹐一齊"幫"我搞掂個扭計B﹐表現一下"親民"﹐咁真係nice 好多！

3)宣道會陳李詠貞幼稚園：佢又係天水圍有口碑(好似係活動教學)的幼稚園之一！我係開放日去參觀﹐觀後感最主要得兩個字﹐亂同暗！撇除因為佢搞開放日有好多遊戲玩同有獎抽﹐所以太多人而搞到亂七八糟！燈光加佢校內的設計﹐成個環境暗暗沉沉(唔係燈光暗黃o個種)！但睇得出裝飾o個d 好多﹐又有心機整﹐d 老師們一定整左好耐好辛苦！我問過個主任關於教學的野﹐佢地係每日都有英文堂﹐而一星期有兩日係外籍老師主力教﹐普通話亦有一星期兩堂﹐低班開始寫字！

soong

4)翰林幼稚園(天水圍)：我諗住去拎form(但原來11月先派)﹐順便"莊"下﹐問下野！佢地間學校個樓底好高呀﹐所以感覺好闊偌！問過主任﹐佢地幼兒班下學期開始寫字；至於面試﹐佢話佢地都幾多人排隊(入學)﹐同埋主要睇家長﹐睇家長可唔可以同佢地配合；又叫我唔好聽佢地講﹐聽係佢地度讀的家長講.....總之聽落﹐我的感覺係﹐佢地似乎係天水圍非牟利的幼稚園中﹐唔係家長in佢、係佢in家長的幼稚園！


其實係我心目中﹐令我先入為主的天水圍真光的係最好(包括佢的校長)﹐佢係天水圍的芸芸幼稚園當中的「滄海遺珠」！所以我對其他學校會挑剔左架！其他幼稚園的家長唔好鬧我下！:-p  可惜佢下午班的收生情況唔係咁理想(上午班就「正常」收生)....
係播！10月30日﹐10點至4點﹐天水圍真光o係嘉湖銀座、圖書館o個邊有個好似係「嘉年華」的活動﹐大家可以去睇睇呀！

咁多位天水圍的媽咪你地有咩心水幼稚園？睇左邊間呢？
請大家分享下！

kgpooh2

hello 各位媽咪你地好:
10月30日真光係銀座有活動呀,唔該晒你的資料
我暫時都係得一間心水就係天主教聖葉理諾要等星期六開放日入去睇真吓先,去過一次上課時間不過剩係企接待處攞單張比我感覺都幾好同埋起碼唔會經常有人可以自出自入學校咁,因佢上課地點係2樓佢地樓下有個門口閘有閉路電視要按上去有工作人員睇過先開門,   
慘啦,我諗嚟諗去都係一間咁點算,呢個時勢其實會唔會仲有學校唔收呢 ??   我想問吓派表有無限幾多份 ??

蘇蘇

kgpooh, 我打過去聖葉理諾問有關詳情, 出年會開 4 班幼兒班, 比今年多了兩班. 問過老師可以當天帶齊資料 (出世紙正副本, 2 張相, 4 x 回郵信封) 去報名, 咁就唔洗走多轉交 form, d form 唔會話派完即止.  起初我諗住不用晨咁早去排隊, 但有媽咪叫我可以的話就早 d, 因為試過有今年讀 k1 的家長在派表當日九點幾去只拎表, 只排到下午班的"湊", 如果今個星期六同老公去睇過佢都覺得好的話, 我諗我都會早一點去拎表.  記住呀, 今個星期六係開放日, 由朝早到下午 3:30, 有時間就去睇下呀!!

soong, 我好喜歡你呢句呀 - 佢未in得成已經要out, 因為我諗我仔都係   ! 我搬左入天水圍只係兩個幾月, 又唔係熟呢區, 又小聽人提天水圍真光幼稚園, 所以都無去睇過, 聽你咁講我都想去睇下.  咁你報左名未?  如果係幾時 interview 呢?  係呢, 咁你有無諗住去其他的幼稚園再睇下呀?

kibady2, 首先唔該晒你, 請問你對元朗商會有無意見呢?

soong

kgpooh2：
我覺得天水圍的屋村幼稚園普遍都唔錯﹐讚多過彈！我睇過好多次03-04年的幼稚園概覽﹐以天水圍出名同我睇趙榮德提議的幼稚園睇﹐宣道陳李詠貞、伊幼、翰林、佛教慈光、大埔浸信會(天澤)、仲有近呢兩年拍得住陳李詠貞的元朗商會﹐仲有其他趙生都有提過的幼稚園﹐包括天水圍真光(我睇過一次佢有提但之後搵唔返o個篇野)等等﹐其實佢地大部分o係舊村的都未收到爆棚﹐至少下午班仲有位！試諗下﹐03-04年讀k1的小朋友都係千禧年出世﹐o個年多人生bb﹐都仲有唔少選擇﹐而而家出生率低﹐我覺得如果唔係好想入翰林、佛教慈光等等位於天瑞以後的新村(我以前係第一批入住天耀的舊村人)﹐佢地唔似得天耀天瑞人口老化﹐就真係多人報到爆棚咁滯﹐如果可以接受舊村的環境、學校比較舊(有d人覺得污糟)﹐其實唔駛擔心無學校揀o既！好似宣道會咁﹐佢今日又打電話黎、好有禮貌咁提我幾日後可以交表喇！

soong

蘇蘇：
你搬去天水圍兩個月咋！？你住邊度呢？我係天水圍住左成十年有多ru﹐係第一批入(天水圍)樓的人﹐兩年前先搬走左再等公屋﹐我想派返去天水圍﹐話晒有"歸屬感"d！反正我而家住呢度去天水比出元朗近﹐咪同囡囡搵天水圍的幼稚園。
本來我的心水係：天水圍老街坊們覺得出名的宣道會陳李詠貞、近年同陳李詠有得fight 的元朗商會、聯繫小學同中學唔錯的伊幼﹐仲有令我特別好感的天水圍真光。
伊幼呢﹐對我黎講可能﹐係可能咋下﹐過譽﹐唔係唔好﹐只係無我想像咁好﹐尤其個校長....天水真光的和藹親切好多(又有原則﹐可能伊幼的都有﹐可惜佢無同我接觸而等我有機會了解佢地)。
至於陳李詠貞﹐我覺得佢咁多年都保持到﹐佢地的實力應該毋庸置疑﹐開放日o個日﹐我問過佢地少少的教學情況﹐幾好架﹐比如日日有英文堂﹐可能有時係聽下歌仔咁﹐等佢地日日都有英文接觸﹐而一星期又有兩日係外藉老師主力教﹐普通話都有兩日有堂﹐k2開始寫字等等；我見開放日佢地的學生同家長都有返去玩﹐老師同家長、小朋友的關係都幾好咁架！我之前打電話去問好多野﹐連個書記都特別有禮又有耐性！可惜佢地的燈光環境對我黎講比較"唔自然"﹐不過人人習慣燈光的顏色都唔同o既！
而元朗商會﹐其實我好耐之前已經搵小朋友o係度讀的朋友拎左form﹐但我諗住開放日去睇埋先交。聽朋友講都幾好﹐不過我無問佢細節係點﹐只知k2 開始寫字﹐我講起伊幼的校長﹐我朋友就講起﹐佢地商會的校長相反﹐佢見到個校長同個家長講唔可以縱容小朋友﹐係比較嚴；同埋好似朋友個女的班主任﹐睇落比較惡(我覺得我朋友佢都幾惡﹐連佢都覺得個老師個樣惡﹐咁應該真係個樣幾惡個)﹐但事實原來個老師對小朋友好好；另外我aunt 的舊同事都係商會做(唔知係做老師定嬸嬸)﹐聽講個校長都幾"淹尖"﹐不過﹐其實淹尖又唔一定係唔好﹐同埋睇佢對邊個淹尖姐！
至於天水圍真光﹐我前幾日又打電話去問呢樣個樣﹐當時五點半喇﹐聽電話o個位小姐(唔知佢係邊個)都好好耐性又nice；佢地k1下學期開始寫字﹐有親子閱讀計劃﹐都係日日有英文堂﹐活動教學(我諗而家十間有九間都話自己活動教學)﹐有普通話堂、一定係有證書的教﹐逢星期五係專題日等等......form 我上次拎左喇﹐不過又係未交﹐反正唔急﹐老實講﹐我諗佢地都唔會唔收﹐(因為可惜的係)佢地並唔係d hit 學校﹐不過我記得校長上次講過﹐佢地十一月開始in﹐但無截止日期﹐同埋佢地雖然八月開始返學﹐但返唔夠一個月﹐所以校董就決定唔計八月學費(即一年十期學費)！我覺得佢地都算係咁﹐唔收埋八月的學費﹐因為佢地學費都1088﹐不過雜費又少返d﹐千一至千二一個學期﹐包茶點文具書簿！
其實我問過間間學費連雜費都差不多﹐好似商會咁學費十一期八百蚊有找﹐但佢地的雜費一期差不多千五千六﹐而陳李詠學費十二期八百四蚊﹐雜費千一二左右！伊幼就話唔知出年的﹐今年就九百幾蚊學費﹐雜費千二左右！

我聽日都去聖葉理諾同商會睇呀！大家聽日去睇完記得交流下感覺喎！

fionlai60

hi,你地好,我搬到天水圍俊宏軒都是約1年,我個仔今年都係要報幼稚園,我覺得附近無咩好學校,但吾想佢咁細個坐校車,雖然話有保母,但個心都係吾放心.所以諗住在附近選學校,我諗住報大埔浸信會(天澤)、你地仲有咩好提議?

kikiLeung

我都係住俊宏軒，聽人講大埔浸信會幼稚園(天澤)唔錯wor，我都會考慮，聽朋友講今年k1既老師唔錯!!

你可以去睇下，我都諗住29號去申請。

fionlai60

kikiLeung :
除左大埔浸信會幼稚園(天澤),你仲有無咩心水學校?人地話樓下間雅麗思吾好,所以我無諗住報.
P.S 睇下到時29號有無見到你呀!

kikiLeung

除左大埔浸信會幼稚園(天澤)外，我仲諗緊好無比呀仔去讀全日班(天恆基教服務處幼兒園)，想比d機會佢學下獨立。

kgpooh2

我今日去咗聖葉理諾睇比我感覺大致上都幾好 (包括老師和環境)間學校好新淨和用具幾齊備,有個電腦房大概啱啱放到6部電腦,有個音樂室有一幅牆裝咗一大塊鏡.
剩係室外和室內遊樂場範圍細些小室內個到只踏單車仔,室外剩係可以放到一個短滑梯.  
我有樣野見到唔知你地有無留意我見班房(槍)下面有個6小層格的柜如果小朋友百厭和老師一不小心睇唔到會唔會爬上去或用腳踏上張椅到呢因我見個(槍)都幾大幅吓右無裝(槍)花個(槍)唔係好高,咁樣會唔會有d唔好.{k1班係2樓,k3班係3樓}   
個到有個預備班係下年頭2月返學返下午,比收咗k1班小朋友係9月之前返呢個預備班比佢地適應吓,幾好呀 !
唔經唔覺我今日參觀間學校已成個鐘喎

fionlai60

樓下除左大埔浸信會幼稚園(天澤)外，我仲未諗到有邊間值得報名

gloriap

kgpooh2 寫道:
我今日去咗聖葉理諾睇比我感覺大致上都幾好 (包括老師和環境)間學校好新淨和用具幾齊備,有個電腦房大概啱啱放到6部電腦,有個音樂室有一幅牆裝咗一大塊鏡.
剩係室外和室內遊樂場範圍細些小室內個到只踏單車仔,室外剩係可以放到一個短滑梯.  
我有樣野見到唔知你地有無留意我見班房(槍)下面有個6小層格的柜如果小朋友百厭和老師一不小心睇唔到會唔會爬上去或用腳踏上張椅到呢因我見個(槍)都幾大幅吓右無裝(槍)花個(槍)唔係好高,咁樣會唔會有d唔好.{k1班係2樓,k3班係3樓}   
個到有個預備班係下年頭2月返學返下午,比收咗k1班小朋友係9月之前返呢個預備班比佢地適應吓,幾好呀 !
唔經唔覺我今日參觀間學校已成個鐘喎

我女而家响聖葉理諾k1，其實雖然班房响2樓不過其實係幾層樓都去架！四樓有個大禮堂，我哋上兩星期先去親子活動。平時佢哋全响果度運動，其他就唔多知响邊玩？試過一次模擬野餐。
我上年都聽過妳同樣疑問...冇窗花？！但老師話教署視察過合標準。我信佢安全，樓間都嘢遮護住喉管。有人仲話搭電梯困住咪
老師講笑話：就算係，對面消防局好快到。佢哋一班2位老師，有時活動幾位架；仲有阿姐幫手.....放心

Winnie1810

英藝 OR真光好??? THANKS

kibady2

蘇蘇,
唔好意思, 遲回覆.
我感覺商會環境清潔, 室內光線充足, 課程比往年深, 課外活動有交通安全隊, 小蜜蜂 , 銀樂隊, 我囡囡現在就讀k2, 覺得她很開心.
妳選擇那一間呀!

gloriap

蘇蘇

快決定2、3間報啦！派表啦？！去面試時留意吓老師態度同學校環境；最好近啲遠啲就睇有冇校巴方便。妳去參觀有冇同老師傾吓？