有關油塘臻美黃乾亨小學一問

傻鴨菇芝

請問該所直資小學質素係點?教學方式又如何呢?可否比小小意見本人呢?謝謝 :  :

jochebed

傻鴨菇芝：

我想知，妳是幫朋友問定還是妳自己想知？

傻鴨菇芝

我自己問架喎,我個仔now 7years old

jochebed

傻鴨菇芝：

我見妳張 BB相裡面個BB好Q ，但咁細個，我擔心妳過早問

傻鴨菇芝

HI jochebed:係呀,張相係我個細囡,因剛搬到油塘,而囝囝現讀2年級,想轉校,因為唔想佢搭校車(要成個鐘)但又唔知間學校係點喎?所以咪問下囉.妳是該校的家長嗎?可否比d意見我呢?謝謝(我都知要05年先轉到,因我問過間學校,佢地話05年5月先會知收唔收插班學喎)

傻鴨菇芝

JOCHEBED:
其實當初幫仔仔選擇現時的小學是因為近屋企同間學校歷史悠久,到小一時先知學校將會搬到九龍塘,初時滿心歡喜啦,點知後來才發現,那種教學方法不太合適我的兒子,一星期兩次默書(中,英各一)中文抽默兩課書既內容,英文就默大約十至十三句句子,仲有一次中文背書,每個學期都有兩測驗一次考試(好彩今年減左一次測驗)唉!真係令我透不過氣,同個仔既關係就更加差到不得了,試問一個7歲既小朋友又點應付得到呢?連我都感覺到吃力呢!但問老師,老師又話無咩幫到我喎,佢話而家d教育係咁架啦,個個小朋友吸收能力都唔同,我地仲有其它學生架麻,梗有好,有唔好架啦.但我又唔可以唔理佢喎,搞到我都不知點算好,加上而家又要揍女,我女女得10個月大,簡直身心疲倦到不得了.對唔住,可能我太長氣,多謝妳睇完我呢段留言 :-|

Perth

hi傻鴨菇芝
八卦問你
你兒子原本的學校是不是在彩虹村的﹖

傻鴨菇芝

PERTH:係呀,你點知架?

Perth

傻鴨菇芝
因為最近只有這間學校搬到九龍塘。我原以為這間學校小一的功課比較淺﹐又用圖書教英文﹐好像幾好。

是不是小二就開始深﹖

傻鴨菇芝

perth:我兒子現讀二年級,但一年級時已是這樣的了,你話淺既意思係視乎你點睇囉,一年級時,英文默書好多時都比範圍讀,但係到默時,可能three 變左 two 或其它數目,cat 可能會變左 pig 或其它動物咁囉,可能我個仔轉數低,好多時讀哂範圍都錯好多,後來個老師話,個低打得唔好,咪會咁囉.唉,我都唔知點講,深同淺都係見人見智. :-|

tt2001

我有朋友由今年6月開始經常打電話去問有冇位+每月一封信寄給校長，今年9月中confirm比個位佢女，所以佢女係舊校返了3星期至轉去臻美黃乾亨小二。佢女舊校係傳統名校，佢女P.1全班考5名內，吾知有冇關。

Perth

傻鴨菇芝
如果你住近PAGESUS﹐真應要考慮插班﹐因你返九龍塘好遠。
小兒的記性痲麻﹐又不喜歡寫字﹐聽說你兒現在的學校小一功課適中﹐用圖書教學又較有趣﹐所以我住近九龍塘就想報這學校﹐但麥書就沒有問人。

傻鴨菇芝

tt2001 寫道:
我有朋友由今年6月開始經常打電話去問有冇位+每月一封信寄給校長，今年9月中confirm比個位佢女，所以佢女係舊校返了3星期至轉去臻美黃乾亨小二。佢女舊校係傳統名校，佢女P.1全班考5名內，吾知有冇關。

THX,原來可以咁,我都試下先,但小兒的成績就冇你朋友個女咁好囉,不過我都會試試,真的唔該 :

傻鴨菇芝

Perth 寫道:
傻鴨菇芝
如果你住近PAGESUS﹐真應要考慮插班﹐因你返九龍塘好遠。
小兒的記性痲麻﹐又不喜歡寫字﹐聽說你兒現在的學校小一功課適中﹐用圖書教學又較有趣﹐所以我住近九龍塘就想報這學校﹐但麥書就沒有問人。

其實功課都真係無咩問題,我個仔係做完之後又唔記得喎,溫習懶左d囉,我又無咩時間成日陪佢讀,如果你可以用多d時間陪小朋友溫習,而小朋友又有自覺性或喜歡讀書的話,我想這間學校在九龍塘區呢講,都唔算難既(以上只是個人意見)

傻鴨菇芝

pls check pm perth

jochebed

傻鴨菇芝：

原來係個「好」字，真係好！

不用對唔住，梁校長常說不會擔心同學不會寫作文，要多讓同學去體驗。換句話說即「有感才會發(表文章)」，有經歷才會有感受嘛！想必妳有一定經歷才一口氣寫兩篇！

首先，我告訴妳受同類苦的不止妳一人，不知是幸或不幸，我早在小兒幼稚園階段已飽嚐艱辛，故立志找一間能建立孩子自信及親子關係的學校，上天不負有心人，越認識臻美越發現自己是有福之人。

了解完妳的情況，我想同妳分享

Perth

傻鴨菇芝：
PL CHECK PM。

jochebed

Perth,

臻美英文名為「 PEGASUS」 ，可能是打字打得太快倒轉了兩個字母。

tt2001,

學校收生準則，我想要問 Panel 至知。
「精誠所至，金石為開。」我是知道的。:wink:
我倒想問是什麼吸引那位在傳統學校考五名內的女孩要矢志入臻美呢？
若你打聽到原因可否分享一下，讓各位可深入認識臻美的過人之處？Thanks!    

jochebed

To all,

最近我認識了一位轉校生。頃談下才了解到他在舊校成績不錯，只是他的父母認為每晚的時間只消耗在做不完的功課裡完全失去了其他發展，真的值得嗎？
轉校後，他的孩子回復了遺失多時的笑容，親子關係亦緩和了(不用為默書起衝突！)，證明做對了決定！