讀'聖瑪加利大幼稚園'家長入來傾傾啦!

heima

Pochacco2001

你囡囡讀邊一班? 我仔仔讀下幼信班, 有空交流下

你食在囡囡做的冰皮月餅嗎?

heima

Pochacco2001,

我投在票了. 你點知李老師好好人呀? 我覺得間學校各老師都好nice, 另外我發覺仔仔應該幾喜歡校長, 因為我很多時都上學校個網頁, 佢見到校長就好興奮

網頁中有張相影到我仔仔, 係學生活動---幼班活動---幼班開學活動---中間個行右手邊張相

heima

嘩,好多上幼信班媽咪係度, 咁下幼信d媽咪呢? 有無呀? 其實下幼信都係得14個小朋友咋

記得上年, 本來無心黎呢間, 我都係最後個幾日先上application form, 面試都係諗住俾仔仔去玩下, 到收在仔仔後, 我都唔諗住去交留位費, 而我家姐個囡囡都收在, 佢就諗住俾佢囡囡係聖瑪加利大讀, 佢叫我陪佢去交留位費, 點知我係下幼信個counter見到我仔仔張臨時學生証, 諗諗下, 都係交在留位費攞在張証先, 同埋俾d時間了解下間學校....最後諗在三個月, 都係揀在呢間, 又預正每次要去學校做校服, 交咩交物, 都係我唔駛番工o既Saturday..嘻嘻, 我係咪好求其呢?

講真...係諗個三個月, 我係問個好多人, 先決定揀呢間

仔仔半夜醒在話都話要番學,我覺得無揀錯

heima

JoJo,

我有同感, 係上天o既安排, 之前我有諗過, 係今年再同佢報過心儀 o既幼稚園, 始終好多幼稚園喜歡收大仔, 不過而家唔諗喇, 就係呢度讀三年

Pochacco2001

我仔仔叫熙熙, 你睇我個名就知
我家姐囡囡最後無係度讀, 佢囡囡係6月出生, 間間幼稚園都收

***************************************

做校服方面, 校褸同外套會做大點, 因為裡面會有衫, 裇衫, 長褲, 運動衫就會fit身點...係咪咁呢? 上次做夏季時, 做大size, 諗住可穿兩年, 點知穿起上來, 太大, 唔好睇, d錢唔慳得

仔仔讀個班只有14個小朋友, 仔仔話老師有兩個, 咁師生比例係1:7?

我打算係halloween做義工, 因我好喜歡呢個活動, 你地會唔會參與呀?

heima

Pochacco2001,

早期有張通告, 好似係中秋節活動個張, 夾附一張全年活動安排, 係10月29日有萬聖節活動, 需要義工家長協助

JoJo,

雜費就唔多, 都係茶點, 書簿, 校服. 茶點可以自己自備

通告就多了, 隔一,兩天一張通告

heima

我問仔仔校長今日係唔係好惡, 佢話:"係呀, 佢鬧佢呀"
媽: "邊個鬧邊個呀?"
仔: "校長鬧姐姐, 好多姐姐"
媽: "點解鬧呀?"
仔: ".............."
媽: "你驚唔驚呀?"
仔: "驚呀"

我只能從仔仔口中得知一二, 你地就好, 可以親自揍仔仔囡囡返學 :-|  :-|  :-|

heima

kakibeebee,

我睇返d 資料, 你係14號, 我有投你一票, 我揀你o既原因係你係家庭主婦, 除在你, 其餘我投的全都是家庭主婦, 只得一個入選, 因為如果我唔駛返工, 我都會參選

而家入選前4名都是前小組的委員  

heima

kakibeebee,

我打算參加萬聖節義工, 原本唔諗住參加秋季旅行義工, 因公司係11月係最忙o既月份, 都唔知俾唔俾放人, 但我老公有d唔放心, 我都向佢解釋學校有哂經驗, 唔會有問題的, 不過佢都係驚, 咁我又唔想唔俾仔仔參與, 就試下請假.

係呢, 唔知係唔係可以係仔仔附近睇到佢呢? 睇番通告, 該日的活動是在上課時間, 校車服務照常, 咁係唔係即係上午班同下午班分開時間去? 咁如果我參加義工工作, 會唔會安排我係上午去(仔仔返下午)?

JoJo

講開無記性, 我都係俾以前差在, 好多都唔記得, 但係好奇怪, 仔仔返學o既事, 我就記得好清楚, 我會將通告放係個file內, 而家個file愈來愈厚

heima

幼班o既daddy 同媽咪, 請問今日有無通告, 如果有, 係講咩架, 仔仔個白色folder唔見在, 可能放在係其他小朋友個書包

heima

kakibeebee

唔該哂, 我明天會問問老師, 仔仔開學初, 都唔見過個name card, 最後老師都幫我搵番

heima

kakibeebee, Pochacco2001

謝謝你們的回應

我會報名參加家長義工, 不過仔仔係讀下午班, 應該無機會見到你地

heima

papadaddy


原來件事係咁, 你咁講應該係放學時候.....點解仔仔會知件事, 佢應該去搭校車??? 係上午班放學定下午班放學呢? 不過上午班放學, 佢都唔會在場, 唔通仔仔又吹水???     

heima

咁講可能校長當天心情真係唔多好

Pochacco2001,

仔仔星期六係柏斯學音樂, 另外係會所學畫畫

heima

Pochacco

熙熙係屋苑個住客會所度學, $500 十堂

heima

搵番了, 真係係同學仔個書包度, 李老師晚上都有俾電話我, 她真的很好, 放在工都仲記得件事, 雖然我都係仔仔書包見到個folder, 但她都向我交代

heima

Liu

我住係銅鑼灣, 住客會所好多function攪, 黎緊halloween都有攪, 仔仔報在名參加

heima

各位媽咪, 你地係folder度收到工作紙, 會唔會即日同仔仔囡囡做, 第二日就交回呢?

我放工返黎, 好多時仔仔都目訓在, 唔可以同佢做, 知唔知幾時要交回呢?

heima

聽完你地咁講, 今日拿拿聲同仔仔做功課, 我試過一星期後先交

睇番d工作紙, 無寫日期, 咁即係要第二天交

有無覺得好似自己做功課? 我比仔仔仲緊張

heima

Pochacco2001

8卦問下, 你住係赤柱, 每人自己揍囡囡番學, 咁到囡囡上堂時, 是否番屋企先, 會唔會好累?

heima

我都會參加萬聖節義工, 已經買在衫, 仔仔會扮batman, 本來想扮南瓜仔, 不過佢鍾意batman, 佢穿在套batman衫後, 好似上在身咁, 戴埋個頭罩, 都唔知佢係邊個

昨天我問佢鍾唔鍾意返學, 佢話唔鍾意
仔仔: 有人攪我
媽: 邊個呀?
仔: 姐姐
媽: 姐姐? 小朋友呀?
仔: (點頭)
媽: 點攪你?
仔: 摸我 (指住塊面), 我唔想返學

今日我又再問他
媽: 鍾唔鍾意返學?
仔: (大聲) 鍾意
媽: 小朋友無攪你?
仔: 無啦, 今日無攪啦

真係天真!