將軍澳媽媽,你們會幫小朋友報邊間幼稚園呀?

Natung

我個囡出年要讀K1,而家都搵緊幼稚園,我都唔想佢咁細個就去咁遠返學,所以都會搵返TKO的幼稚園,不過我對TKO的幼稚園毫無認識,係我屋企附近最出名就係德寶,其他的幼稚園好似無人提及過,請問有沒有人可以介紹吓尚德附近的幼稚園呢?
又想問吓尚德循道衛理幼稚園是否可以直上寶盈循道衛理小學,另對此學校有何評價呢?
Thank you!     

Natung

Auntie-DOS,

多謝你的回應 :

我今朝返工前去咗德寶報名, 約咗16/10 11:30a.m.去interview, 你報咗名未? 佢地話最好報咗名先, 到時唔洗等咁耐喎

我都去過梁省德open day, 感覺都OK, 如果星期六有時間會去埋循道衛理opeｎ day, 不過呢兩間學校都好似無nursery, 我而家想比囡囡出年2月插班讀nursery, 等佢早D學吓基本o既禮貌,紀律等等, 所以好大機會都會讀德寶, 不過學費都唔平, 私校是否也有學費津貼嗎?

Natung

Jacquesl,

我今日報名時問過德寶K1要$2017(交12期), 雜費要$2498(交2期), 校服要$396(夏季)/$922(冬季), 重有無其他資料想知, 睇吓可唔可以幫到你


Auntie-DOS,

咁奇怪, 我今日去德寶報2005年2月半日nursery插班時, 佢都無話無學位, 重約我去interview

Natung

Auntie-DOS,

Sorry! 我報咗富康德寶主流班, 因為我見好多BK媽咪都話富康德寶好D, 同埋富康德寶好似開多D班, 所以重有位, 咁你又報咗邊間呀? 會唔會有機會做同學仔呢 :

Natung

Auntie-DOS,

恭喜你   呢胎係囝定囡呀? 如果係囡就會有個好字.

其實我同老公都想生多個, 覺得兩個小朋友會開心D, 但就會辛苦好多 (包括金錢上及精神上), 不過如果真係生, 我諗1-2年後都要生, 因為又唔想同個囡相差太遠. 不過我身邊好多朋友都係生一個, 覺得可以全副心機放係個小朋友度, 你又點睇呢?

Natung

Auntie-DOS,

我今日去咗富康德寶interview, 不過感覺無想像咁好:evil:

我約咗11:30, 我地一家三口11:10去到, 見到有好多人. 我係reception排隊, 排到埋去, 見我係約咗11:30就叫我遲小小再來登記, 咁都算啦, 心諗自己緊張早到咗, 咁就四圍玩吓參觀吓先啦.

到11:25我再去登記, 佢叫我再等多一陣, 好! 我就等到11:30再去過, 終於肯比我登記, 有位Miss帶我地去一間班房度, 以為可以interview, 點知佢叫我地係度玩住玩具等叫名, 當時班房內都有幾個小朋友係度玩緊, 結果等呀等, 等到我地悶晒, 後來我老公同個囡出咗去近門口個playground度玩, 我就繼續係度等.

又再等呀等, 好似約12:15終於叫我個囡個名啦. 我地再去第二個班房度見, 入面有另一個家庭見緊, 面試時間只是短短幾分鐘, 我地見完, 先前見緊個家庭重未見完.

之後Miss問我地上咗一樓未, 未就可以上去玩, 點知唔係佢帶我地上去, 只係指住條樓梯話係呢度上去. 上到去之後, 有2位Miss係門口同你打招呼, 之後又係自己係度玩, 玩完就走人.

我記得之前有媽咪批評過德寶行政上有好多問題, 而今日面試情況比我感覺好差 (只是我個人的感覺), 而且Miss話只有下午班, 所以我好大機會都唔會讀德寶. 咁你interview情形又點呀?

Natung

homingm,

我今日去完德寶interview完一肚氣之後 (詳細內容見我上一篇文章), 我地都去咗循道衛理參觀, 由於逗留時間太短, 未能和老師詳談, 不過我感覺好似去咗嘉年華咁 :

佢地都好有心思, 安排好多遊戲比小朋友玩, 有一個舞蹈室同小朋友跳舞做體操, 又有電腦室, 不過我個囡好眼"目訓", 所以行咗一陣, 報埋名就走. 不過暫時感覺都O.K.

我目前去過梁省德, 德寶同循道衛理, 我老公就鍾意梁省德, 我都幾鍾意, 不過我都想了解多D循道衛理, 所以希望多D媽咪分享吓. Thank You

Natung

我愛BB & MMM888,

我去梁省德open day, 入到去立即有位miss帶我地去參觀.  首先介紹K1班房, miss差不多將班房內所有陳設介紹晒, 又會講吓K1學嘅野, 之後帶我地去K2班房, 再由另一位miss介紹, 之後再去K3班房, 今次好特別, 係由一位小老師 (已畢業小朋友)介紹.

另外又參觀圖書角, 學校每星期都會要小朋友借一本圖書回家和家長一同閱讀, 又有遊戲場地, 課程有英語會話 (每日都有英文堂, 但外籍老師上堂K1就一星期一次, K2 & K3就每星期2次), 普通話就好似係北京籍老師教, 次數同英語會話一樣, 另外每星期有一堂電腦.   

整體都算幾好, 老師都好nice, 地方不算太大但整潔, 不過始終唔懶得, 點都要親身行一趟

可以去梁省德網址睇睇 : http://lstackg.edu.hk/

Natung

Dear all,

請問有無人參觀過將軍澳廣場內嘅比諾幼稚園呢? 這間學校是新開的, 又唔見有媽咪提及過, 唔知好唔好, 請分享吓     Thank you!

Natung

12312,

多謝你的回應, 等我去參觀吓再諗諗先

另外我都想知道梁省德嘅英文程度, 請你問吓亞嫂, Thank you !　呀! 唔知你亞嫂會唔會入埋黎一齊傾吓計呢

Natung

Auntie-DOS,

Thanks for your information!

睇咗真係覺得好離譜, 點放心比個小朋友係度讀呀! 重以為可以有多一間選擇, 睇黎都好似係梁省德好D, 唉! 搵學校真係苦惱  :cry:  :cry:  :cry:

Natung

Hi! homingm

我知道你有2個小朋友係德寶讀緊, 是不是都係富康?

我想知道他們功課量有幾多及性質多數做甚麼, 是不是每日也有功課, 而K1開始就要寫字? 你會覺得他們辛苦嗎?  

Natung

Thanks!

12312 寫道:
natung:
佢d英文程度算是"中下" , 比起其它學校, 我嫂"正在幫女兒特訓"  , 每日一小時強記英文生字, 佢想考入"宣基--一條龍"
(佢買了大量英文字典, 書籍,vcd) 現在d程度基乎拍住用"迪士泥"產品生字.

Natung

homingm,

多謝你的回應, 我而家都心大心細, 好多媽咪都話德寶好, 我相信德寶在學術上都應該唔錯, 不過我驚功課太多或者太深, 小朋友甚至大人都會辛苦, 但太淺又怕小一跟唔上, 真係好煩惱   

另外我都報咗梁省德和循道衙理, 等in晒完再諗