將軍澳媽媽,你們會幫小朋友報邊間幼稚園呀?

iwff

windpuff

我不大清楚那間playgroup好 , 但我見在新都城有很多playgroup學校你可以去取資料慢慢考慮 , 應該可以隨時報名的 . 我都同意對翠茵小宇宙印象不大好（商業味重純粹個人感覺) , 你會否報東華三院力勤? 我會報的比多個機會仔仔Interview.

話時話你住在那裡? 我住在富麗花園(慧安園隔離)，我經常同仔仔去新都城睇魚仔的 , 仲有去冒險樂園玩．
  

MMM888

hi, windpuff, iwff

我都係要今年同女女報幼稚園，
我暫時就報左東華三院力勤，
遲下都會報下宣道（因朋友個女讀緊話幾好）
見你地講緊返playgroup同讀n1,
我個女就會係１１月返屋企樓下的幼兒園，
想佢學下自理同守紀律，
如你地想返playgroup有無捻過比佢返幼兒園做暫托生，
３個鐘都係收＄２０，全日收＄６４，
一樣老師會教佢地野，我覺會平過每日返playgroup.

jaisy

hi
我個囡囡今個星期一開姑返greenville 新寶城 pre nursery, 我會同佢報kentville, keen mind & creative,
其實都有考慮到好唔好比佢去到咁遠, 要搭校車, 要好早起身, 收佢先再想.

jaisy

iwff

jaisy

若坐校車返藍田都可考慮 , 但返九龍塘就太遠了,分分鐘要一個鍾才到學校 , 七點幾上校車 , 用三年時間搭校車有時都幾辛苦的. 反而我享受將來同仔仔在附近返學 , 我放假可以接送他 , 沿路傾下佢學校的生活 , 去到學校又可以隨時和老師溝通 . 但搭校車一聲bye bye就走了 , 落雨又驚他上落車淋親 . (純粹個人睇法).

windpuff

MMM888,
多謝你的提議，咁我想問下你知唔知寶琳近新都城那邊有冇幼兒園呀？我知道茵怡花園果邊有1間，但好早已經收晒生了，連後補位都無囉！

iwff,
我都有幫囡囡報左力勤，遲些諗住去埋寶琳村那邊報埋保良局易澤鋒幼稚園，11月1日派表，好似話先到先得(表格)，你會唔會都報埋這間呀？其實我會報多幾間，等阿囡有多些面試「經驗」嘛！
依！我都成日帶兩個囡囡去新都城商場睇魚魚喎！唔知我地有無碰過面呢！哈！

mercury16

各位媽咪:
想問你哋力勤幼稚園响邊到,呢間學校有全日班呢.

iwff

windpuff

保良局易澤鋒幼稚園我都會報, 10月30日早上有open day, 所以打算那朝早上報完茵怡後,就會同仔仔去open day, 看看學校的環境 , 同你一樣想仔仔多些面試經驗. 我還未報力勤 , 你幾時interview 呀 !
嘩 !原來你有兩個囡囡呀, 另一個幾大呀? 你都未答我伙住那裡 , 是否新都城呀 ?

iwff

mercury16

力勤幼稚園係將軍澳浩明苑地下 , tel : 2706-0202 , 它們有全日班的.

InMaMa

windpuff,

windpuff

iwff,
咁蹺既！我都係諗住朝早報完茵怡就過去易澤鋒睇下，到時有機會就一齊啦！好嗎？
力勤果度我只係報左名，未安排幾時interview喎！佢地話10月尾再通知我，咁你又幾時報呢？反而我早前提過的崇真會善美幼稚園，可能我早報名，所以明天(9日)囡囡會去interview，今次係佢(囡囡)人生第一次面試，唔知佢緊唔緊張呢？佢阿媽我反而仲緊張呢！
係喎！上次唔記得答你我住係欣明苑呀！好近新都城，所以成日帶兩個囡囡去睇魚魚囉！我個細女依家剛10個月大，06年又剛足齡入k1，所以今次我好緊張大囡入邊間幼稚園，因為阿妹會跟住再下一年入埋果間嘛！我想佢兩姐妹讀同一間幼稚園，方便些又有個照應嘛！依，我又想問下你係咪全職媽媽呢？平時你同仔仔有咩親子節目呢？


InMaMa,
唔該晒你的資料，可能這兩天帶埋囡囡過去睇下，睇下佢鍾唔鍾意先！Ths a lot!!!!   

zoezoeiou

我想知富康德宝及循道衛理好嗎??

iwff

windpuff

好呀 ! 到時報完名再約埋一起去易澤鋒參觀啦 , 可以等我個仔同你個囡認識下 .
嘩 ! 你好犀利呀 , 三年抱兩 , 我生一個已夠數了, 是否菲菲照顧仔囡呀 ? 你放心啦 , 茵怡報名除先到先得外 , 弟妹可優先報名的 , 所以你大女若收了 , 下一年細女都會收的 , 但我擔心今年得一班上午K1, 若收埋弟妹 ,所剩位都更少了.

崇真會善美幼稚園interview後話比我知結果怎樣啦 ! 我會十月中報力勤 , 順便問下有冇open day可以去玩下.

我是在職媽媽 , 菲菲照顧仔仔 , 我係中環返工, 是否見到我經常上BK , 以為我係全職媽媽呀 ? 哈哈 , 我返工有做嘢架 !

因為每日都要返工 , 星期六會同仔仔去商場行 , 玩具反斗城 , 圖書館(將軍澳個間幾好) , 天氣不晒就會去寶康公園玩.平時在家中和他玩具(什麼都可以玩一餐) , 仔仔最喜歡睇VCD , 例如MICKEY , DORAMO , 卡通片等 . 晚上講完故事之後就訓覺了. 因為我們是基督徒 , 所以星期日就返教會了. 你呢 , 兩個囡囡一定玩得很開心啦 !

  

slk

hi
我仔仔現讀緊新寶城翠茵pn,不過k1我諗住轉校啦,但近坑口呢邊又無咩心水,只得間保良局方王煥娣比較好,真係頭都痛埋.你哋講嘅保良局易澤鋒幼稚園於30/10 open day,知唔知至到幾點呀?另原本我都有諗過茵怡,但我唔係咁鍾意佢嘅室外遊樂場,而且睇完你哋話要天未光就去排隊,先到先得咁搶手,點攪呀?(呢兩間通常小學會派去邊?)我嗰日重要陪仔仔去親子旅行架嘛.
依家除咗將軍澳內,我亦諗住報埋培正,係好遠架,我都好擔心佢搭校車辛苦兼危險,不過我貪佢有得直升唔使再煩.不過都未必收佢啦.
各位媽咪,唔該你哋俾啲意見我呀 :cry:
slk

iwff

slk

坑口有間救世軍慶恩幾好 , 你可以打電話去查下. 保良局方王煥娣都不錯 , 但聽很多家長說老師笑容欠佳 , 可能太忙吧!
厚德個間宣道幼稚園 , BK有個TOPIC開了, 家長反應幾好, 但我覺得校舍細了些 . 茵怡幼稚園我鍾意佢嘅室外遊樂場 , 空氣流通 , 好過全天候冷氣 , 如那些在商場的幼稚園 , 感覺侷促 , 雖然耍茵怡要很早去報名 , 但可以為仔仔報到間心水幼稚園, 我覺得是值得的 . 茵怡幼稚園派宣基小學 , 我不大清楚是否好小學 , 誇區小學都會派到 .

另保良局易澤鋒幼稚園在30/10的open day , 好似係10:00-12:00 及下午2:00-4:00, 你可以打電話再check.
它是直升保良局陸慶濤的, 這是一所在TKO區幾出名的小學.
其實我不太著重幼稚園會派那間小學 , 三年後的事冇人會知怎樣 , 最緊要仔仔係這三年開開心心 , 將來有排讀呀 .

我最多會比仔仔返藍田 , 培正太遠了 , 聽BK家長說TKO要坐差不多1hour車程 , 太浪費時間了 , 冇錯它是一條龍 , 但培正給我的感覺太自以為名校了 (純粹個人意見).

windpuff

slk,
坑口果邊的幼稚園，我都有留意到，依家南豐廣場隔離起左間幾大的幼稚園叫「天主教聖安德肋撒幼稚園」(tel : 27567181)。我有去睇過，校舍的確幾大，而且仲好新，今年先第一年開辦，但果度的老師好似唔係太nice，介紹幾句便比張表格叫我返去填完交來便可，又無外籍老師，但都要$1,900幾蚊，我覺得都幾貴。另外，有間厚德宣道幼稚園就幾好，老師有愛心又多笑容，仲有1位外籍老師駐校，又多課外活動，幾好架！聽講救世軍慶恩及保良局方王煥娣幼稚園都幾好，但我就未參觀過，BK都有人講過，你可以去睇下！
我覺得小朋友咁細個就要舟車勞頓去返學，實在太辛苦了，有些可能返半日，但搭車都去左1-2小時，我就唔想囡囡返k1要咁吃力囉！我情願多些時間見下佢，同佢傾下計，好過要佢搭校車返學呢！我覺得住將軍澳報培正，好似遠了點呢！

windpuff

iwff,
係呀！我問過茵怡的老師，話05年上午k1得1班，仲要先收番原校讀緊的學生的弟妹先，所以好似話只得10數個位咋！所以我好擔心大女入唔到呢間心水幼稚園呀！大女入到梗係好啦！細女再下一年就唔使諗報邊間囉！
我上個月先請左個印印湊兩個囡囡，之前係一個比奶奶湊、一個比婆婆湊，我唔想佢兩姐妹分開成長，加上大女下年要讀書，我想自己教番，所以咪安排返來自己身邊囉！始終係自己的兒女，我想睇住她們成長，唔想日後後悔嘛！
我都要返工，所以都係weekend才帶兩個囡囡去玩，近排天氣無咁熱，我仲帶左佢地去山頂玩呢！有時諗，有兩個小朋友真係有苦有樂呢！苦咪比較辛苦囉！兩個年紀仲差唔多，都湊得幾吃力架。樂咪見到佢地有伴玩，唔使咁孤獨！雖然有時會打架，但見到佢地玩都幾開心架！
我都有同大女講故事，但佢唔專心聽，仲只係對故事書有興趣，我無逼佢，諗住遲些再試，朋友話唔好心急，費事反效果喎！你仔仔肯乖乖地聽你講故事，實在太幸福囉！

iwff

windpuff

所以我們要診早報名了, 我打算報名前兩天再打電話去茵怡問上午K1實收幾多個學生 , 我可以心中有數 , 我們要志在必得! 哈哈 !

你其實已很偉大了 , 能夠照顧兩個差不多年齡的囡囡 , 真的不容易 , 只要辛苦多兩年就輕鬆得多了, 比心機啦 !

係呀 , 我仔仔好喜歡聽故事 , 但要重複不斷講 , 佢都不會悶 , 我就悶了 , 好耐好耐以前... (重複)

slk

iwff & windpuff
好多謝你哋俾我嘅意見呀,其實我都唔係一定要個仔入培正,只係貪佢一條龍方便咋!雖然以後嘅事無人知,但連中學都可以預備埋,起碼多一條路行丫.我都好唔忍心個仔咁細個要咁早起身搭校車返學架,所以咪想睇清楚仲有無其他選擇囉.保良局都會係我選擇範圍之內嘅.至於新嗰間天主教我就唔會諗啦,雖然間學校又大又靚兼新淨,但講到尾都係第一年,好唔好又唔知,可能起初仲會好混亂添.
其實我都覺得翠茵好商業架,不過當初一心諗住唔想個仔成日喺屋企做大少爺(俾我奶奶寵怪咗),而且試過有一次,佢同我朋友個仔玩,喺佢面上流露出嘅笑容,係我哋比咩玩具佢,點同佢玩都好難見架,所以咪想佢返pn,可以多啲同齡小朋友同佢一齊玩嘛.見到佢開心,學費貴啲都要啦! :cry:
windpuff你唔洗停講故事架,我個仔好細個就聽我講故事,起初都係我有我講,佢有佢攪本書,慢慢佢會適應,你有無搵啲小字啲嘅故事書呀,起初最好係個故事快啲完,唔好太長,因為佢哋嘅集中比較弱,依家我個仔日日都要我講故事,仲成日問我睇邊本好,又俾意見問我睇呢本好唔好架.你或者可以試吓一日講故事,一日唱兒歌都得架.
    
slk

homingm

zoezoeiou 寫道:
我想知富康德宝及循道衛理好嗎??

我都好想知循道衛理好唔好，課程如何？我曾經問過有位k3的家長，佢覺得d老師好nice，課程唔係話好深，小朋友讀得也好開心。

至於得寶，我大仔讀緊德寶k2，佢由n1讀到而家，我見佢返學都好開心，d老師和嬸嬸都好好，但德寶d課程都幾深，k1而經開始學寫字，我仔而家k2寫的字對於一個四歲都未到o既小朋友來講真係幾難，佢而家已經學寫：秋天，房屋，商店，男女，田等等，英交就已經學寫到A-Z，數字而家學寫到1-50， 問過學校老師，佢O地話課程深是希望銜接到小學O既課程，等佢O地升上小一時追得無咁辛苦，咁都幾有道理bor

slk

zoezoeiou
請問循道衛理喺邊頭架?
我個仔都有喺新寶城間翠茵讀pn,我覺得同德寶都係差唔多,啲嘢太深啦,咁細個就要認中文字,我本身係想佢有人可以陪佢玩同學吓自津咋,點知佢依家學校已經有幾本書啦!好彩課程入面嘅英文同數學我以前得閒無事都有教佢,佢未返學已經識晒咋,如果唔係都幾吃力架,畢竟都只係兩歲人仔.所以k1我唔會俾佢讀呢間.我驚咁谷法佢會怕咗讀書,而且我哋大人成日都要同佢溫習都辛苦嘛.(或者我係比較懶嘅媽咪啦)