- 在線時間
- 235 小時
- 最後登錄
- 09-10-3
- 國民生產力
- 58
- 附加生產力
- 1
- 貢獻生產力
- 0
- 註冊時間
- 02-12-17
- 閱讀權限
- 10
- 帖子
- 562
- 主題
- 4
- 精華
- 0
- 積分
- 621
- UID
- 5545
|
Re: 小一的煩惱
你囡囡係咪孖位坐個種?當然,同著個唔乖既坐的確有d麻煩.但係唔好過慮.因為老師始終會調位.下次一定唔會再同佢坐.
反而一個更重要既問題,係小朋友點樣面對佢地唔鍾意既人,或者有人蝦佢時應該點處理.幼稚園時代因為大家都細,成班懵豬,未必識得點樣蝦蝦霸霸,師生比例較低,老師睇得緊d,唔會俾小朋友太過份.
但係上左小學,小朋友開始識曳,言語上同行為上都能會令身邊既同學唔好受.好似我女生得細粒,的確有同學會話:你咁細粒,我唔同你玩.家長唔係單單叫佢避開呢d同學就得,因為呢世界根本就係好多呢d人,避得一個避唔得一世.我既做法,係俾亞女道,佢自己既價值唔在於人地點樣睇佢,識點樣令自己情緒上唔受其他唔公平既對待而困擾,咁佢至可以建立到自信,先至可以心理健康咁成長.
隔離位如果太過份,老師始終會發現到.我自己覺得家長出面向老師講同學騷擾亞女,就算老師即時調位,多少都令老師覺得家長過份保護小朋友,咁樣好難學到點樣同人相處.
若然係我,我會叫亞女唔好理佢,自己專心上堂,落左堂就主動d去認識其他同學,小息時一齊玩一齊食,等佢心靈上得到另一種滿足,補償佢上堂時隔離位對佢造成既唔開心.其實一個學期至少會調一次位,有d會有兩次.我女老師係家長會上對我地講過,老師會睇情況同需要,細規模咁調位,即係話都明白有d小朋友係會騷擾人,會有相應既安排.
最最緊要既係,唔好俾個女因為呢問題而對學校反感.小一應該係無憂無慮既.慢慢升上去,功課會越來越多,壓力會越來越大,小朋友如果對學校有歸屬感,校園生活愉快,咁佢係學習上遇到困難,都會以積極既態度面對,所以,好既開始係非常重要架.
唔好太緊張,你隔離位既同事都唔一定傾得埋啦 人生根本就係咁,人際關係呢個課題好深,小一都要開始面對架喇.Take it easy. |
|